ശേഷം ഗ്ലാസ്സിലൂടെ മുന്നോട്ട് നോക്കികൊണ്ടിരുന്നു.
അവിടെ ബുള്ളറ്റും ദേവനെയും കാണാം.
അൽപം കഴിഞ്ഞതും ഒരു ലോറി പാഞ്ഞു വരുന്നതിന്റെ ശബ്ദം കേട്ടതും അയാൾ കണ്ണുകളടച്ചുകൊണ്ടു ചെവികൾ കൂർപ്പിച്ചു.
ഓടി വന്ന ലോറി ശക്തിയിൽ എന്തിലോ ചെന്നു ഇടിക്കുന്നതും ഇടികൊണ്ട ആ വസ്തു ദൂരേക്ക് തെറിച്ചു പോയി വീഴുന്നതും തകരുന്നതും ആ മുറി ചെവിയൻ തുറന്നു വച്ച ചെവികളിലൂടെ കേട്ടുകൊണ്ട് ആസ്വദിച്ചു.
മുന്നിൽ ബുള്ളറ്റിൽ കിടക്കുന്ന ദേവനെ കണ്ടതും രാഘവന്റെ ചുണ്ടിൽ ഒരു പുഞ്ചിരി വിരിഞ്ഞു.
വിജയത്തിന്റെ പുഞ്ചിരി.
ഗിയർ മാറ്റി ആക്സിലേറ്ററിൽ അയാൾ ഞെരിച്ചതും ലോറി പാഞ്ഞു വന്നു ബുള്ളറ്റിനെ ഇടിച്ചു തെറിപ്പിച്ചു.
ബുള്ളറ്റ് ഒരു വശത്തേക്കും ദേവൻ മറു വശത്തേകും തെറിച്ചു വീണു.
സംഭവം ആരും കണ്ടില്ലെന്ന് ഉറപ്പ് വരുത്തിയ ശേഷം രാഘവൻ ലോറിയുമായി കടന്നു കളഞ്ഞു. . . . . . ലോറിയുമായി ദേവൻ തൊട്ടു മുന്നിലെത്തിയതും രാഘവന്റെ മനസിൽ ഞൊടിയിടയിൽ പാഞ്ഞ ഓർമ്മകൾ ആയിരുന്നു അത്.
അപ്പോഴേക്കും കണ്ണൊന്നു ചിമ്മി തുറക്കുന്ന വേഗതയിൽ രാഘവന്റെ ദേഹത്തൂടെ ലോറി പാഞ്ഞു കയറിയിരുന്നു.
ആാാാാാാഹ്ഹ്ഹ്ഹ്ഹ്
ലോറി മറി കടന്നതും രാഘവന്റെ ചതഞരഞ്ഞ ഉടൽ അവിടെ കിടപ്പുണ്ട്.
രക്തം ചീന്തിയിട്ടുണ്ട്.
അസ്തിയും മാംസവും ഒക്കെ ചിതറി തെറിച്ചിരിക്കുന്നു.
ചെറിയൊരു പിടപ്പോടെ രാഘവൻ എന്നന്നേക്കുമായി ഇല്ലാതായി.
കാലം കാത്തുവച്ച കാവ്യ നീതി.
—————————————————-
രാവിലെ ശിവ വന്നു വിളിക്കുമ്പോഴാണ് അനന്തു കണ്ണുകൾ തുറന്നത്.
ഡാ ചേട്ടാ വേഗം എണീക്ക് അവിടെ മുത്തശ്ശൻ കയറു പൊട്ടിക്കുന്നുണ്ട് നിന്നെ കാണാഞ്ഞിട്ട്
എന്തിന്
അനന്തു ഒന്നും മനസിലാവാതെ കണ്ണുകൾ തിരുമ്മിക്കൊണ്ട് കോട്ടുവാ വിട്ടു.
അത് നമ്മുടെ ഫാക്റട്ടറിയിൽ വർക്ക് ചെയ്യുന്ന ഏതോ തൊഴിലാളി മരിച്ചെന്നു…. അപ്പൊ മുത്തശ്ശൻ നിന്നെയും കൂട്ടി പോകണമെന്ന പറഞ്ഞെ….. വേഗം റെഡി ആയിട്ട് വാ
അനന്തുവിന്റെ തലക്കിട്ട് ഒരു കൊട്ട് കൊടുത്തിട്ട് ശിവ ഇറങ്ങിയോടി.
അനന്തു ചിരിയോടെ വേഗം ടോയ്ലെറ്റിലേക്ക് പോയി.
ഒന്ന് ഫ്രഷ് ആയിട്ട് ഫുഡ് ഒക്കെ കഴിച്ച് അവൻ കാർ എടുത്തു.
കൂടെ ശങ്കരൻ മുത്തശ്ശനുമുണ്ട്.