Posted by മൂവരും അകത്തു കയറിയതും SI പ്രദീപൻ കസേരകളിലേക്ക് വിരൽ ചൂണ്ടി.
അവർ അവിടെ പതിയിരുന്നു.
അവർക്ക് എതിരെയുള്ള ചെയ്യറിൽ പ്രദീപനും പയ്യെ ഇരുന്നു.
SI പ്രദീപന്റെ കണ്ണുകൾ അപ്പോഴും അനന്തുവിനെ തന്നെ ചുഴിയുകയായിരുന്നു.
ഇത്?
പ്രദീപൻ ഒന്നും മനസിലാവാതെ ബലരാമനെ നോക്കി
സംശയ ഭാവത്തോടെ
എന്റെ പെങ്ങളുടെ മകനാ……. അനന്തു
ബാലരാമൻ പറയുന്നത് കേട്ടാണ് അൽപം ആശ്വാസം SI പ്രദീപന്റെ ഉള്ളിൽ വിരിഞ്ഞത്.
എങ്കിലും വിശ്വാസം വരാതെ അയാൾ ശങ്കരനെ നോക്കി.
ബലരാമൻ പറഞ്ഞത് ശരിയാ…… എന്റെ കൊച്ചു മകനാണ്
അപ്പോഴാണ് തലയിൽ നിന്നും ഒരാധി SI പ്രദീപനിൽ നിന്നും ഒഴിഞ്ഞത്.
മേശപ്പുറത്തിരിക്കുന്ന ബെല്ലിലേക്ക് പ്രദീപന്റെ വിരൽ അമർന്നു.
ട്രണീം ട്രണീം
ബെൽ കേട്ടതും ഒരു കോൺസ്റ്റബിൾ ഉള്ളിലേക്ക് കയറി വന്നു.
പ്രദീപനെ നോക്കി അയാൾ സല്യൂട്ട് ചെയ്തു
അയാളുടെ ചെവിയിൽ സ്വകാര്യമായി എന്തോ പറഞ്ഞ ശേഷം പുറത്തേക്ക് പറഞ്ഞയച്ചു.
എന്താണ് സർ ഞങ്ങളെ വിളിപ്പിച്ചത്?
ബലരാമൻ അക്ഷമയോടെ ചോദിച്ചു.
ഹ്മ്മ് പറയാം….. നിങ്ങളുടെ ഫാക്ടറിയിലെ തൊഴിലാളിയായിരുന്ന രാഘവൻ മരിച്ചത് നിങ്ങൾ അറിഞ്ഞിരുന്നോ?
ഹ്മ്മ് അറിഞ്ഞിരുന്നു.
ശങ്കരൻ മറുപടി പറഞ്ഞു.
എന്നാൽ രാഘവൻ മരണപ്പെട്ടത് അർദ്ധരാത്രിയോട് കൂടി ഒരു ലോറി ഇടിച്ചിട്ടാണ്…… അതൊരു കൊലപാതകമായിരുന്നു……a Planned murder…… മറ്റൊരു സത്യാവസ്ഥ എന്തെന്നാൽ നിങ്ങളുടെ തന്നെ കമ്പനിയിലെ ലോറി ഉപയോഗിച്ചാണ് കൃത്യം നടത്തിയിരിക്കുന്നത്
സർ അതിനു ഞങ്ങളെ എന്തിനാണ് വിളിച്ചു വരുത്തിയത്.
പറയാം മിസ്റ്റർ ബലരാമൻ…… നിങ്ങളുടെ തന്നെ ഫാക്റട്ടറിയിൽ ജോലി ചെയ്യുന്ന ആരോ ആണ് കൃത്യത്തിനു പിന്നിൽ…… ഞങ്ങളുടെ ബലമായ സംശയമാണ് അത്‌….. അതുകൊണ്ട് നിങ്ങളുടെ ഫാക്ടറി സേർച്ച്‌ ചെയ്യാനുള്ള അനുവാദം തരണം.
SI പ്രദീപൻ പറഞ്ഞത് കേട്ട് ബലരാമനും ശങ്കരനും അല്പം നേരം ചിന്തിതരായി.
ശരി…… നിങ്ങടെ ആഗ്രഹം പോലെ തന്നെ നടക്കട്ടെ
ശങ്കരൻ ടേബിളിൽ വിരലുകൾ കൊണ്ട് കൊട്ടി.
താങ്ക്സ്.
എങ്കിൽ ഞങ്ങള് പോക്കോട്ടെ
യെസ് ഷുവർ
SI പ്രദീപൻ ബഹുമാനത്തോടെ കസേരയിൽ നിന്നും എഴുന്നേറ്റ് പുറത്തേക്കുള്ള വഴി കാണിച്ചു.
ബലരാമന്റെ കൂടെ ശങ്കരൻ ഇറങ്ങി.