Posted by
‘ നേരെത്തെ എഴുന്നേറ്റോ ‘ അമ്മ അത് ചോദിച്ചെന്ക്കിലും അമ്മയുടെ ഉള്ളിൽ ഉള്ള ദേഷ്യം പുറത്ത് വരുന്നതിനു മുൻപുള്ള മുഖവര മാത്രമാണ് ആ ചോദ്യം എന്ന് എനിക്കറിയാം 🙄
2 ദിവസമായി അമ്മക്ക് എന്നെ ഇങ്ങനെ ഒന്ന് ഒറ്റയ്ക്ക് കിട്ടിയില്ല എന്നതാണ് സത്യം.
‘ ചേച്ചിമാരു എഴുന്നേറ്റില്ലേ?’ ഞാൻ ചോദിച്ചു..
‘ 6 മണി ആയില്ലേ അവര് ഇപ്പോൾ വരും ‘ എന്റെ മുഖത്ത് നോക്കാതെ തന്നെ തേങ്ങ ചരണ്ടിക്കൊണ്ട് അമ്മ പറഞ്ഞു ഒപ്പിച്ചു..
‘അമ്മക്കും എന്നോട് വെറുപ്പാണോ?’ ഞാൻ ചോദിച്ചപ്പോൾ അത് അമ്മ പ്രതീക്ഷികാത്തെ ചോദ്യം ആണെന്ന് മനസ്സിലായി. 😭
കൈൽ ഇരുന്ന തേങ്ങ നിലത്തു വെച്ചിട്ട് അമ്മ എന്റെ തോളിൽ മൂന്നാല് അടി അടിച്ചു..
‘ നിനക്ക് എന്നോടെലും ഒന്ന് പറയത്തില്ലാരുന്നോ? നിന്റെ എന്തേലും ആഗ്രഹത്തിന് ഞാനും അച്ഛനും എതിരു നിന്നിട്ടുണ്ടോ.. ഇതിപ്പോൾ നാട്ടുകാരുടെ മുഖത്ത് നോക്കാൻ പറ്റാത്ത അവസ്ഥ ആക്കിയില്ലേ ‘ അത് പറയുമ്പോൾ അമ്മയുടെ കണ്ണുകൾ നിറഞ്ഞ് ഒഴുകുന്നത്തു ഞാൻ കണ്ടു 😕
ഒന്നും മിണ്ടാതെ തന്നെ ഞാൻ നിന്നു.. അമ്മയുടെ വഴക്കു പറച്ചിൽ എനിക്കൊരു ആശ്വാസമായി..
കണ്ണുകൾ തുടച്ച് അമ്മ വീണ്ടും അടുക്കള പണികളിൽ മുഴുകി..
ഞാൻ ഒരു പ്രതിമ പോലെ അവിടെ തന്നെ നിന്നു..🥴
‘ മോള് എഴുന്നേറ്റോ ‘ അമ്മ എന്നോട് ചോദിച്ചപ്പോൾ ആണ് ഞാൻ സോബോധത്തിലോട്ടു വന്നത്..
‘മ്മം ‘ അതിൽ കൂടുതൽ ഒന്നും എനിക്ക് പറയാൻ ഇല്ലായിരുന്നു…
‘ അവളുടെ അച്ഛനും അമ്മയും വെല്ലോം വിളിച്ചോ ‘ അമ്മയുടെ അടുത്ത പ്രെഹരം.. 😔
‘ ഇന്ന് അവിടെ വരെ അവളെ കൂട്ടി ഒന്ന് ചെല്ലാവൊന് ചോദിച്ചു ‘ ഞാൻ പറഞ്ഞു ഒപ്പിച്ചു..
‘ ചെല്ല്.. അവര് എന്ത് പറഞ്ഞാലും മറിച്ചു ഒന്നും പറയല്ല്.. അവർക്കു നല്ല വിഷമം കാണും ‘ അമ്മ ഉപദേശം പോലെ പറഞ്ഞു..🙄
അതിന് ഞാൻ തലയാട്ടി.
‘ കല്യാണം കഴിഞ്ഞപ്പോൾ രാവിലെ എഴുനേറ്റു അടുക്കളയിൽ വരാൻ എല്ലാം തുടങ്ങിയോ ‘ ഷാരോൺ ചേച്ചി അതും പറഞ്ഞു കൊണ്ട്‌ വന്ന് ഒരു കലം എടുത്ത് വെള്ളം നിറച്ചു അടുപ്പിൽ വെച്ചു..🤨