അങ്ങനെ ഞാനും നന്ദുവും ഗ്രൗണ്ടിന് സൈഡിലേക്ക് വിട്ടു… പ്രതീക്ഷിച്ച പോലെ അവിടെ ആതിര ഉണ്ടായിരുന്നു…അവളൊറ്റകായിരുന്നു…മോണ്സ്റ്റർ…. പക്ഷെ അവിടെ എങ്ങും ചേട്ടത്തിയുടെ പൊടി പോലും ഇല്ല…ഇനി പണി പറ്റിച്ചതാണോ…? അങ്ങനെ ഓരോന്ന് ചിന്തിച്ച് അവളുടെ അടുത്തെത്തി…
” ആ എന്താ നിനക്ക് പറയാൻ ഉള്ളേ… ”
അവളുടെ അടുത്തെത്തിയതും ഞാൻ ഒരു ഇഷ്ട്ടകേടോടെ ചോദിച്ചു…
” അത് പിന്നെ ഇച്ചിരി പേഴ്സണൽ ആ…നന്ദു ഒരു അഞ്ച് മിനിറ്റ് ഞങ്ങൾക്ക് തരുവോ… ”
അവളേന്നേയും നന്ദുവേയും മാറി മാറി നോക്കി പറഞ്ഞു…
” ഓ വല്ല്യ ആഭ്യന്തര ചർച്ച അല്ലേ… ”
നന്ദു ഒരു പുച്ഛം കലർന്ന ശബ്ദത്തിൽ പറഞ്ഞ് കുറച്ച് മാറി നിന്നു…
” എന്താന്ന് വെച്ചാ വേഗം പറ… ”
അവൻ മാറിയതും അവളെ നോക്കി ഇത്തിരി കടുപ്പത്തിൽ തന്നെ ഞാൻ ചോദിച്ചു…
” അത് പിന്നെ നീയും ആര്യ മിസ്സും തമ്മിലെന്താ ബന്ധം…എന്തോ അടി നടന്നതൊക്കെ പിള്ളാര് പറഞ്ഞു…നീയും മിസ്സും തമ്മിൽ ഇഷ്ട്ടത്തിലാണോ… ”
അവളെന്നെ നോക്കി ചോദ്യം ഉന്നയിച്ചതും എനിക്കങ്ങ് വിറഞ്ഞ് കേറി…
” ഡി പുല്ലേ…അത് എൻ്റെ ചേട്ടത്തിയാ…എൻ്റെ ചേട്ടൻ കെട്ടാൻ പോകുന്ന പെണ്ണ്… അനാവശ്യം പറഞ്ഞാ നിന്റെ സണ്ഷെയ്ഡ് വാർത്ത പോലുള്ള പല്ല് ഞാൻ അടിച്ച് കൈക്കും… ”
ഞാൻ അവളെ നോക്കി ചീറി…പക്ഷെ എൻ്റെ വാക്കുകൾ ഭീതിക്ക് പുറമെ ഒരു ആശ്വാസം പോലെയാണ് അവൾ ഉൾക്കൊണ്ടതെന്ന് ആ മുഖഭാവം കണ്ടപ്പൊ തോന്നി…
” ആണോ…സത്യായിട്ടും… സമാധാനം ആയി…പിള്ളാര് മിസ്സിനെ മറ്റെ ജിതിനൊക്കെ ശല്ല്യം ചെയ്യ്തു നീ പോയി അവന്മാരെ പോയി തല്ലി…നീയും മിസ്സും തമ്മിൽ എന്തോ റിലേഷൻ ഉണ്ടെന്നൊക്കെ പറഞ്ഞത് കേട്ടപ്പൊ ഞാൻ ആകെ പേടിച്ച് പോയി… ”
അവളൊരു ചിരിയോടെ എന്നെ നോക്കി പറഞ്ഞു…അത് കണ്ടപ്പൊ എനിക്ക് വരേണ്ടി ഇല്ലാന്ന് തോന്നിപ്പോയി…
” അയിന് നീ എന്തിനാ ഇത്ര പേടിക്കുന്നേ…നോക്ക് നിന്നോട് ഞാൻ പല ആവർത്തി പറഞ്ഞതാണ്…അത് നടക്കില്ലാ… ”
ഞാൻ അവളുടെ പോക്ക് മനസ്സിലാക്കി ആദ്യമേ കേറി പറഞ്ഞു…