Posted by അമ്മ :അകന്ന ഫ്രണ്ടോ
ജാനി :ഹേയ് ഇവൻ തമാശ പറയുന്നതാ അമ്മേ എന്റെ കോളേജ് മേറ്റാ ജെയ്സൺ ഇതുവഴി പോയപ്പോൾ കയറിയതാ
അമ്മ :എന്നിട്ടാണോ നീ ഇങ്ങനെ വെളിയിൽ നിർത്തിയിരിക്കുന്നത് അകത്തേക്ക് വാ മോനേ
ജാനി :ഹേയ് അവന് എന്തൊ തിരക്കുണ്ട് അമ്മേ അവൻ പൊയ്ക്കോട്ടെ
ജെയ്സൺ :എന്ത് തിരക്ക് ആന്റി വിളിച്ച സ്ഥിതിക്ക് കുറച്ച് നേരം ഇരുന്നിട്ട് പോകാം
ജെയ്സൺ വേഗം വീട്ടിനുള്ളിലേക്ക് കയറി
അമ്മ :മോനേ ഞാൻ പോയി കുടിക്കാൻ എന്തെങ്കിലും കൊണ്ട് വരാം
അമ്മ വേഗം അടുക്കളയിലേക്ക് പോയി
ജാനി :എന്താ നിന്റെ ഉദ്ദേശം
ജെയ്സൺ :ഒരു ഉദ്ദേശവുമില്ല വെറുതെ ഇരുന്നപ്പോൾ ഇങ്ങോട്ടോന്ന് വരണമെന്ന് തോന്നി അത്ര തന്നെ
ജാനി :നിനക്ക് പോകാൻ വേറേ എത്ര സ്ഥലങ്ങളുണ്ട് ഇങ്ങോട്ടെക്കെന്തിനാ
പെട്ടെന്നാണ് അമ്മ അങ്ങോട്ടേക്ക് വന്നത്
“ജാനി നീ ഇതുവരെ കൂട്ടുകാരനോട് ഇരിക്കാൻ പറഞ്ഞില്ലെ ഈ പെണ്ണിന് ഒരു മര്യാദയുമില്ല മോൻ വാ ”
അമ്മ ജെയ്സനെ കസേരയിൽ ഇരുത്തിയ ശേഷം കൊണ്ട് വന്ന ജ്യൂസ് ജെയ്സനു നൽകി
അമ്മ :മോനെ ഇവൾ കോളേജിൽ എങ്ങനെയാ വല്ല പ്രശ്നവുമുണ്ടോ
ജെയ്സൺ :ഹേയ് ജാനി നല്ല കുട്ടിയാ ആന്റി പിന്നെ നമ്മുടെ കോളേജിന്റെ ഇത്തവണത്തെ മെഡൽ പ്രതീക്ഷയും
അമ്മ :സത്യം പറഞ്ഞാൽ ഇവൾക്ക് അത്രയും വലിയ കോളേജിൽ അഡ്മിഷൻ കിട്ടുമെന്ന് പോലും ഞങ്ങൾ വിചാരിച്ചിരുന്നതല്ല എല്ലാം വിധിയുടെ കളികൾ
ജെയ്സൺ :ശെരിയാ ആന്റി നമ്മൾ വിചാരിക്കുന്നത് പോലെയാകില്ല പലപ്പോഴും കാര്യങ്ങൾ നടക്കുന്നത്
അമ്മ :അതിരിക്കട്ടെ മോന്റെ അച്ഛനും അമ്മയുമൊക്കെ
ജെയ്സൺ :അച്ഛനും അമ്മയും മലേഷ്യയിലാണ് അമ്മ ഇടയ്ക്കിടെ നാട്ടിൽ വരാറുണ്ട്
അമ്മ :മലേഷ്യയിലെന്താ മോനെ
ജെയ്സൺ :അവിടെ ബിസിനസ്സാണ് ആന്റി കേട്ടിട്ടില്ലേ ജെയ്സൺ കമ്പനിസിനെ പറ്റി
അമ്മ :ജെയ്സൺ കമ്പനിനീസോ ആ ജെയ്സൺ ആണോ ഇവിടെ ഇരിക്കുന്നത്
ജെയ്സൺ :അതേ ആന്റി ഞാൻ ആ ജെയ്സൺ തന്നെയാ
അമ്മ :അയ്യോ എടി ജാനി നിനക്കിത് നേരത്തേ പറഞ്ഞുകൂടായിരുന്നോ
ജാനി :അതിനിപ്പോൾ എന്താ അമ്മേ ഇവനും നമ്മളെ പോലൊരു മനുഷ്യൻ തന്നെയല്ലേ