Posted by ഉള്ളേ…വല്ലാത്തൊരു ട്വിസ്റ്റായി പോയി… ”
അവൻ എന്നെ നോക്കാതെ മിസ്സിനേം സൂര്യയേയും മാറി മാറി നോക്കി പറഞ്ഞു…
ഇനി ചെക്കനും പെണ്ണും എന്തേലും സംസാരിച്ചോട്ടേന്ന് ആ കാരണവര് പിന്നേയും പറഞ്ഞപ്പൊ അവര് രണ്ടാളും രംഗം ഒഴിഞ്ഞു…അതോടെ ഇപ്പൊ വരാം എന്ന് പറഞ്ഞ് ഞാൻ വീടിന്റെ പൊറത്തിറങ്ങി…അവിടെ നിന്നാ വട്ടായിപോവും…
” അതേ മോനെ… ഓർമ്മയുണ്ടോ ഈ മുഖം ”
നല്ല പരിചയമുള്ള ഒരു ശബ്ദം കേട്ടാണ് ഞാൻ തിരിഞ്ഞു നോക്കിയത്…അപ്പൊ ഞെട്ടികൊണ്ട് തലയിൽ അവശേഷിക്കുന്ന കിളിയും ഈയുള്ളവനെ ഇട്ടേച്ച് പോയി…കാരണം അതവളായിരുന്നു ദിവ്യ…
” നീയെന്താടി ഇവിടെ… ”
ഞാൻ ഉള്ളിലുള്ള ചോദ്യം അതികം നേരം അടക്കി വെക്കാൻ നിന്നില്ല…
” പിന്നെ എൻ്റെ ചേച്ചിയുടെ പെണ്ണ് കാണലിന് ഞാനല്ലാതെ ഇയാള് ഇവിടെ വന്നിരിക്കുവോ… ”
അവളെന്റെ ചോദ്യത്തിന് ചിരിച്ചുകൊണ്ട് മറുപടി പറഞ്ഞപ്പോൾ ഇടിവെട്ടിയവനെ പാമ്പിന് പകരം മൊതല കടിച്ച അവസ്ഥയായി എൻ്റേത്…
” എന്തോന്നടീ ഇത് നോളൻ്റെ സിനിമയോ….നിനക്ക് വേറെ ആരേയും ചേച്ചിയാക്കാൻ കിട്ടിയില്ലേ… ”
ഞാൻ അവളെ നോക്കി പല്ലിറുമ്മി….
” ഇയാളെന്തിനാ അതൊക്കെ പറഞ്ഞ് ചൂടാവുന്നേ… ”
അവൾക്കെന്റെ തെളപ്പ് കണ്ട് ചിരിപൊട്ടി…
” നീ ചിരിക്കടി…നിന്റെ ചേച്ചി അതായത് എൻ്റെ മിസ്സ് ഇന്നലെ രാവിലെ നിലം തൊടാതെ ഓരോന്ന് പറഞ്ഞപ്പൊ എന്തോ പണി കിട്ടുമെന്ന് ഉറപ്പായിരുന്നു…പക്ഷെ ഈ കോലത്തിൽ ആണെന്ന് സ്വപ്നത്തിൽ പോലും കരുതിയില്ല…അങ്ങനാണേൽ ഇവിടെ വരില്ലായിരുന്നു… ”
ഞാൻ മിസ്സിന്റെ ഇന്നലത്തെ ഡയലോഗും ഇന്നത്തെ അവസ്ഥയും ഒക്കെ കൂടി മനസ്സിൽ കൂട്ടി കിഴിച്ചു…
” അതേ എനിക്കങ്ങോട്ടേക്ക് വരാവോ… ”
ആര്യ മിസ്സിന്റെ ശബ്ദം കേട്ടാണ് ഞാൻ ഞെട്ടിയത്…
” അല്ല എന്താണ് രണ്ടാളും പരിപാടി…ഞാനും കൂടെ അറിയട്ടെ… ”
മിസ്സ് ഞങ്ങളെ രണ്ടിനേം നോക്കി ഒരാക്കിയ ചിരി ചിരിച്ചുകൊണ്ട് രംഗപ്രവേശനം നടത്തി…
” ഒന്നൂല്യ ചേച്ചി…ഞങ്ങള് ചുമ്മാ… ”
അവള് മിസ്സിന് എന്തെക്കയോ മറുപടി കൊടുത്തു…പക്ഷെ എൻ്റെ നാക്ക് നേരത്തെ തന്നെ ഹർത്താൽ പ്രഖ്യാപിച്ചിരുന്നു…
” മ്മ്…എന്താ അർജ്ജുനേ…ആകെ മൊത്തം ഒരു വശപിശക്… ”
മിസ്സിത്തവണ എനിക്ക് നേരെ തിരിഞ്ഞു….പക്ഷെ ഈ ഹർത്താൽ എന്ത് വില കൊടുത്തും വിജയിപ്പിക്കുമെന്ന് എൻ്റെ നാക്ക് തീരുമാനിച്ചുറച്ചത് കൊണ്ട് ഓന്നുമില്ലെന്നുള്ളർത്ഥത്തിൽ തലയാട്ടുക അല്ലാതെ ഞാൻ ഒന്നും മിണ്ടിയില്ല…
” ഇവളേ ഇന്നലെ തന്നെ ഞാൻ പൊക്കിയിരുന്നു…കാര്യങ്ങളൊക്കെ അവള് പറഞ്ഞു… “