Posted by ബെന്നി അയാൾക്ക് വാക്ക് കൊടുത്തു.
” ഞാൻ ഇന്നേവരെ പറഞ്ഞ ഒരു കാര്യത്തിനും കീർത്തി മറുത്തൊന്നും പറഞ്ഞിട്ടില്ല.. പക്ഷെ ഇത് അങ്ങനെയല്ല “ദാസൻ ആശങ്ക അറിയിച്ചു.
” അവള് സമ്മതിച്ചില്ലേൽ നിനക്ക് നിന്റെ വീടും, സ്ഥലവും നഷ്ടമാകും. ”
അതും പറഞ്ഞ് ബെന്നി അവിടം വിട്ട് പോയി.
വൈകുന്നേരം കീർത്തി കോളേജ് വിട്ട് വന്നു. ബെന്നിച്ചന്റെ കാര്യം എങ്ങനെ അറിയിക്കും എന്ന ആശങ്കയിലാണ് ദാസൻ. അവള് എതിർപ്പ് പ്രകടിപ്പിച്ചാൽ തനിക്കുള്ളതെല്ലാം നഷ്ടമാകും.
വിഷമിച്ചിരിക്കുന്ന ചിറ്റപ്പനെ കണ്ട് പന്തികേട് തോന്നിയ കീർത്തി കാര്യം തിരക്കി : ഞാൻ വന്നപ്പോൾ മുതൽ ശ്രദ്ധിക്കുന്നു,എന്താ ചിറ്റപ്പാ വിഷമിച്ച ഇരിക്കുന്നത് ?
കീർത്തിയുടെ ചോദ്യത്തിന് എങ്ങനെ മറുപടി പറയണമെന്ന് അയാൾക്ക് അറിയില്ലായിരുന്നു. ദാസൻ മറുപടിയൊന്നും പറയാതെ മുഖം താഴ്ത്തി നിന്നു.
” ചിറ്റപ്പാ… കാര്യമെന്താണെന്ന് പറ.. ”
അവൾ വീണ്ടും ആവർത്തിച്ചു.
എങ്ങനെ മൗനം പാലിച്ചു നിന്നത് കൊണ്ട് കാര്യമില്ലെന്ന് അയാൾക്ക് മനസ്സിലായി. ഒടുവിൽ രണ്ടും കൽപ്പിച്ച്, മനസ്സിൽ ധൈര്യം സംഭരിച്ചു കൊണ്ട് കാര്യങ്ങളൊക്കെ കീർത്തിയോട് പറഞ്ഞു.
തന്റെ ചിറ്റപ്പൻ പറഞ്ഞ കാര്യങ്ങളൊക്കെ കേട്ട് കീർത്തി ഞെട്ടി. അവൾ നിറകണ്ണുകളോടെ ചിറ്റപ്പനെ നോക്കി.
” നിന്റെ അച്ഛനും അമ്മയും മരിച്ചപ്പോഴും, സ്വന്തം മകളെപ്പോലെയാണ് നിന്നെ ഞാൻ വളർത്തിയത്, അതുകൊണ്ട് ഈ കാര്യത്തിന് ഞാൻ നിന്നെ ഒരിക്കലും നിർബന്ധിക്കില്ല. പ്രായപൂർത്തിയായ ഒരു പെണ്ണാണ് നീ. അതുകൊണ്ട്