Posted by ഒഴിവാക്കിതാടാ… ”
ഞാൻ വീണ്ടും അവനെ നോക്കി കെഞ്ചി…അതിനവൻ നോക്കാം എന്നാ അർഥത്തിൽ തലകുലുക്കി അത് കണ്ടപ്പോൾ ഇചിരി സമാധാനമായി… എന്തേലും ഒക്കെ ഇവൻ കാട്ടും…
” അല്ല രണ്ടു പേരും ക്ലാസ്സിലൊന്നും കേറുന്നില്ലേ… ”
ഞങ്ങളുടെ രണ്ടു പേരുടെ അടുത്തെത്തിയതും അവൾ ചോദിച്ചു
” ഇല്ല…കേറിട്ടിപ്പൊ എന്തിനാ… ”
അവളുടെ ചോദ്യത്തിന് നന്ദു മറുപടി കൊടുത്തു
” നിങ്ങളില്ലാത്തോണ്ട് ഒരു രസമില്ലന്നേ ക്ലാസ്സൊന്നും… ”
ഇപ്രാവശ്യം എന്നെ ഒന്ന് പാളി നോക്കിയാണ് അവള് പറഞ്ഞത്
” ഞങ്ങളോ അതോ ഇവനോ… ”
അവളുടെ നോട്ടം കണ്ട നന്ദു എന്നെ ഒന്ന് നോക്കിക്കോണ്ട് അവളോട് ചോദിച്ചു… അതിന് ഞാനവനെ ഒന്ന് കടുപ്പത്തിൽ നോക്കി…
” അങ്ങനേയും പറയാം… ”
അവളെന്നെ നോക്കി ചിരിച്ചുകൊണ്ട് പറഞ്ഞു
” നിനക്ക് വട്ടുണ്ടോ ആതിരേ… ”