Posted by
” എന്താടാ…നല്ല മോള് തന്നെയാ… അമ്മയില്ലാതെ വളർന്ന കൊച്ചാ… അതുകൊണ്ടുതന്നെ അതിനെന്നോട് ഒരു പ്രത്യേക സ്നേഹാ… എത്രയോ വട്ടം അത് പറഞ്ഞിട്ടുണ്ട് മാഡം എനിക്ക് ഒരു അമ്മയെ പോലെയാന്ന്… ”
അമ്മ എന്നെ നോക്കി ചിരിച്ചുകൊണ്ടു പറഞ്ഞു… ഇതൊക്കെ കേട്ടപ്പൊ അമ്മയ്ക്ക് അവളെ എന്തോ ഇഷ്ടമുള്ളതുപോലെ എനിക്ക് തോന്നി…
” ഓ പിന്നേ… എന്നാ പിന്നെ അതിനെ ഇങ്ങ് കൂട്ടിക്കോ… ”
ഞാനൊരു ഒഴുക്കൻ മട്ടിൽ പറഞ്ഞുകൊണ്ട് എണീറ്റു… പക്ഷേ അമ്മയില്ലാതെ വളർന്നു എന്നൊക്കെ കേട്ടപ്പോൾ ഒരു സെൻറിമെൻസ് തോന്നി…
” വല്ല എക്സ്ചേഞ്ച് ഓഫർ ഉണ്ടേൽ നിന്നെ കൊടുത്ത് അവളെ വാങ്ങായിരുന്നു… ”
മുകളിലേക്ക് കയറാൻ പോയ എന്നെ ഒന്ന് ദേഷ്യം പിടിപ്പിക്കാൻ വേണ്ടി അതും പറഞ്ഞമ്മ ചിരിക്കാൻ തുടങ്ങി…
” ഡോക്ടറെ അസ്ഥാനത്തുള്ള കൗണ്ടറ് വേണ്ടാട്ടോ…. ”
അമ്മയെ നോക്കി അതും പറഞ്ഞ് ഞാൻ സ്റ്റെപ്പ് കയറി റൂമിലേക്ക് നടന്നു…പുറകീന്ന് എൻ്റെ മറുപടി കേട്ട് പുള്ളികാരി അടക്കി ചിരിക്കുന്നുണ്ട്…
പിന്നെ സമയം വൈകിപ്പിച്ചില്ല വേഗം ഫ്രഷായി ഹോസ്പിറ്റലിലേക്ക് പോവാൻ താഴേക്കിറങ്ങി… പോകുന്നപോക്കിൽ നന്ദുവിനെ ഇന്നും പിക്ക് ചെയ്യണം…
” ദാ ചായ കുടിക്ക്… ”
താഴേക്കിറങ്ങി വന്ന എന്നെ ഡൈനിങ് ടേബിളിനടുത്തേക് പിടിച്ചിരുത്തി