💥ചെറിയമ്മയുടെ സൂപ്പർഹീറോ💥[Till Epilogue] [Hyder Marakkar]

എഴുന്നേറ്റ്  ഒരു  ഗ്ലാസ്  വെള്ളം  കുടിച്ച  ശേഷം  പല്ല് തേപ്പും  ഷിറ്റ് വിസർജ്ജനവും  എല്ലാം  ശടപടേന്ന്  തീർത്തിട്ട്  വേഗം  തന്നെ  കുളിച്ച്  ഇറങ്ങി….

കുളി  കഴിഞ്ഞ്  ഇറങ്ങിയപ്പോൾ  കട്ടിലിൽ  ദേവു  എനിക്കിടാനുള്ള  ഡ്രസ്സ്  എടുത്ത്  വച്ചിരുന്നു, ഒരു  ലൈറ്റ്  ബ്ലൂ  ഫോർമൽ  ഷർട്ടും  അതിന്  യോജിച്ച  ഒരു  ബ്ലാക്ക്  പാന്റുമാണ്  ദേവു  എടുത്ത്  വെച്ചത്….

“””””ഡാ…. ഷർട്ടും  പാന്റും  ഇസ്തിരിയിട്ട്  വെച്ചിട്ടുണ്ട്, അത്  തന്നെ  ഇടണേ…””””””

ഇനർബനിയൻ  തപ്പി  അലമാരയ്ക്ക്  നേരെ  നടക്കുന്നതിനിടെ  ഞാൻ  കുളിച്ചിറങ്ങിയത്  അറിഞ്ഞ  ദേവു  വിളിച്ച്  കൂവി  പറഞ്ഞു…..

അങ്ങനെ  ഞാൻ  എന്റെ  പൊണ്ടാട്ടി  എനിക്ക്  വേണ്ടി  ഇസ്തിരിയിട്ട്  വെച്ച  ഷർട്ടും  പാന്റും  എല്ലാം  എടുത്തിട്ട്  കണ്ണാടിക്ക്  മുന്നിൽ  പോയി  നിന്ന്  നോക്കിയപ്പോൾ  എനിക്ക്  തന്നെ  എന്നെ  കണ്ട്  എഴുന്നേറ്റ്  നിൽക്കാൻ  തോന്നിപ്പോയി… ദേവൂന്റെ  ചീർപ്പ്  എടുത്ത്  മുടിയൊക്കെ  ഒന്ന്  ചീവി  ഒതുക്കി  വെച്ചിട്ടാണ്  ഞാൻ  പുറത്തേക്ക്  ഇറങ്ങിയത്….

അപ്പോഴേക്കും  ദേവു  എനിക്കുള്ള  ബ്രേക്ക്ഫാസ്റ്റ്   മേശപ്പുറത്ത്  നിരത്തി  വെച്ചിരുന്നു…..

“””””അമ്മു  എണീറ്റില്ലേ??”””””

“”””””ഇല്ല…. അതിനി  നീ  പോയി  കഴിഞ്ഞ്  ഞാനൊരു  യുദ്ധം  നടത്തേണ്ടി  വരും””””””

ഭക്ഷണം  പ്ലേറ്റിലേക്ക്  വിളമ്പി  തരുന്നതിനിടെ  ദേവു  പറഞ്ഞു….

ഞാൻ  വേഗം  കഴിച്ച്  എഴുന്നേറ്റു…. എന്നിട്ട്   കൈ  കഴുക്കിയ  ശേഷം  ദേവൂസിന്റെ  മാക്സിയിൽ  തന്നെ  തുടച്ചപ്പോൾ  ദേവു   ചിരിച്ചോണ്ട്  നിന്നതല്ലാതെ  മുഖം  ചുളിക്കുകയോ  ചീത്തപറയുകയോ  ചെയ്തില്ല….. ഈ  ഫസ്റ്റ്  ഡേ  അറ്റ്  ഓഫീസ്  കൊണ്ടുള്ള  ഓരോരോ  ഗുണങ്ങളേ….ഹി ഹീ……

ഈ  ഷർട്ടും  പാന്റും  ഇസ്തിരിയിട്ട്  കിട്ടിയതും  അതിന്റെ  ഭാഗമാണ്, പണ്ടും  ഇങ്ങനെയാണ്… കോളേജിൽ  പോവുമ്പോ  എക്സാം  ഉള്ള  ദിവസം  മാത്രം  ദേവു  ഡ്രസ്സ്  ഇസ്തിരിയൊക്കെ  ഇട്ട്  തരും, അങ്ങനെയുള്ള  ദിവസങ്ങളിൽ  രാവിലെ  ചീത്ത  പറയുകയുമില്ല…

“””””ഇതാ…. ഇത്  കൊണ്ട്  പോ””””

എന്നും  പറഞ്ഞ്  ദേവു  എന്റെ  സർട്ടിഫിക്കറ്റ്സ്  എല്ലാം  അടങ്ങുന്ന  ഫയലും  കൊണ്ട്  വന്നു…. അതിന്റെ  എല്ലാം  സോഫ്റ്റ് കോപ്പീസ്  കുട്ടൻമാമൻ  അയച്ച്  കൊടുത്തിട്ടുണ്ട്, എന്നാലും  ഹാർഡ്  കോപ്പി  എന്നോട്  കയ്യിൽ  കരുതിക്കോളാൻ  ദേവു  പറഞ്ഞതാണ്…