💥ചെറിയമ്മയുടെ സൂപ്പർഹീറോ💥[Till Epilogue] [Hyder Marakkar]

പണിയാണെന്ന്  ഞാൻ  കരുതിയിരുന്നില്ല….. അല്പം  കഷ്ടപ്പെട്ടെങ്കിലും  അമ്മൂനെ  എഴുന്നേൽപ്പിച്ച്   ബ്രഷും  കൊടുത്ത്  പല്ല്  തേക്കാൻ  വിട്ടിട്ട്  ഞാൻ  വീണ്ടും  അടുക്കളയിൽ  പോയി  ബാക്കി  പണികളിലേക്ക്  കടന്നു….

ഈ  കഴിഞ്ഞ  നാലഞ്ച്  മാസം  കൊണ്ട്  അത്യാവശ്യം  പാചകമൊക്കെ  ഞാൻ  പഠിച്ചെടുത്തു, പിന്നെ  നല്ല  കൈപുണ്യം  ഉള്ളത്  കൊണ്ട്  എന്ത്  വെച്ചാലും  അബദ്ധമാവാറില്ല… അങ്ങനെ  അമ്മൂന്  കൊണ്ടുപോവാൻ  ഉച്ചയ്ക്കത്തേക്ക്  ചോറും  പരിപ്പ്  കറിയും  ഒരു  ചമ്മന്തിയും  ഉണ്ടാക്കി  രണ്ട്  പപ്പടവും  കാച്ചികൊടുത്തു, പിന്നെ  രാവിലെത്തേക്ക്  ഇന്നലെ  ഫ്രിഡ്ജിൽ  എടുത്ത്  വെച്ച  ദോശമാവ്  വെച്ച്  ദോശയും  ചുട്ട്  കൊടുത്തു…. അതിന്  കൂട്ടാൻ  ഉച്ചയ്ക്കത്തേക്ക്  ഉണ്ടാക്കിയ  ചമ്മന്തി  കൂടെ  ഉള്ളത് കൊണ്ട്  ഇന്നത്തെ  കുക്കിംഗ്  അവിടെ  കഴിഞ്ഞു… ഹൂഹ്….

“”””””ചേട്ടായി  ഇന്ന്  പോവുന്നില്ലേ??””””””

ബ്രേക്ക്ഫാസ്റ്റ്  കഴിക്കാൻ  ഇരിക്കുന്നതിനിടെ  അമ്മു  ചോദിച്ചപ്പോൾ  ഞാൻ  ഇല്ലെന്ന്   തലയാട്ടി  കാണിച്ചു…

“””””മടിയാണോ??”””””

അവളുടെ  ആ  സംശയത്തിന്  ഞാൻ  ആണെന്ന്  മെല്ലെ  മൂളി…

“”””””എന്നാ  അമ്മു  കൂടെ  ലീവാക്കട്ടെ??”””””

ഉടനെ  വന്നു  പെണ്ണിന്റെ  ചിണുങ്ങി കൊണ്ടുള്ള  ആഗ്രഹം…

“””””അയ്യടാ…. പൊന്നുമോള്  വേഗം  സ്ഥലം  കാലിയാക്കാൻ  നോക്കിക്കേ, വിട്ടോ  വിട്ടോ”””””

“”””””ഓഹോ….. വല്ലാത്ത  സ്വഭാവാണ്  ട്ടോ  ചേട്ടായി””””””

അമ്മു  മുഖം  ചുളിച്ചുകൊണ്ട്  പറഞ്ഞു…