Posted by ലിഫ്റ്റിറങ്ങി റൂമിലേക്ക് നടക്കുന്ന എന്നെ നോക്കി അവൻ ചിരിച്ചുകൊണ്ട് പറഞ്ഞു
” നാറി ഒരുപാടങ്ങൂതല്ലേ… ”
ഞാൻ അവനെ നോക്കി പല്ലിറുമ്മി കൊണ്ട് പറഞ്ഞു… അതിന് അവൻ ഒന്നടക്കി ചിരിക്കുകയല്ലാതെ ഒന്നും പറഞ്ഞില്ല
” അവൾടെ ഒരു പൊട്ടക്കണ്ണൻ… ആ ശൂർപ്പണഖയെ ഉണ്ടല്ലോ അവളെയെങ്ങാനും എൻ്റെ കയ്യിൽ കി…. ”
പറഞ്ഞ് തീരുമുമ്പേ അവനെ നോക്കി റൂമിൽ കയറാൻ നോക്കിയ ഞാനും ആ സാധനവും വീണ്ടും കൂട്ടിമുട്ടി… പക്ഷേ ഇത്തവണ ഞാനാണ് നോക്കാതെ കയറിച്ചെന്നിടിച്ചത്…
” ഡോ തനിക്ക് എന്നെ തട്ടിയിട്ട് കൊന്നോളാന്നുള്ള വല്ല നേർച്ചയും ഉണ്ടോ… ”
നെറ്റിയും തടവിക്കൊണ്ട് എന്നെ നോക്കി ദേഷ്യത്തിൽ പല്ലിറുമികൊണ്ടവൾ പറഞ്ഞു
” തനിക്കും എന്നെ തട്ടിയിട്ട് കൊല്ലാന്നുള്ള വല്ല നേർച്ചയും ഉണ്ടോ… ”
അവള് പറഞ്ഞ അതേ ഡയലോഗ് ഞാൻ തിരിച്ചും പറഞ്ഞു
” താൻ എന്താടോ ഞാൻ പറഞ്ഞത് തന്നെ തിരിച്ച് പറയുന്നേ… ”
അവൾ എന്നെ നോക്കി സ്വരം കടുപ്പിച്ച് ചോദിച്ചു
” പിന്നെ ഞാൻ പറയേണ്ടതൊക്കെ താൻ പറഞ്ഞാൽ പിന്നെ ഞാനെന്ത് പറയും… ”