Posted by
“ആ ഇപ്പൊ വരാ ഒരു മിനിറ്റ്…….” ഞാൻ ഞെട്ടി. അച്ചുവിന്റെ വായ പൊളിഞ്ഞു…. അത് കണ്ടു ഞാൻ സന്തോഷിച്ചു.
“ഇപ്പൊ എങ്ങനെയുണ്ട് നിനക്കാ സ്നേഹമില്ലാതെ അവൾ എന്നോട് നല്ല സ്നേഹമ ” ഞാൻ അവളെ കളിയാക്കികൊണ്ട് ആ കവിളിലൊന്ന് തോണ്ടിയതും എന്നെ അവൾപിടിച്ചു ഉള്ളിലാക്കി ടവൽ ഉള്ളിലേക്ക് ഒറ്റയെറിയൽ..
“അങ്ങനെ ഇപ്പൊ സ്നേഹിക്കേണ്ട…” അതും പറഞ്ഞു അവൾ വാതിൽ അടച്ചു…
“കുളിക്കാതെ വാതിൽ തുറന്നു പോകരുത് മനസ്സിലായോ ” പുറത്തുനിന്നു അവൾ ആക്ഞ്ജാപിച്ചു…. ഞാൻ ഒരു നിമിഷം ചിരിച്ചു പോയി…
“ശെരി സർ….”
അപ്പോഴേക്ക് ദേവു പുറത്തെത്തി എന്നെ വിളിച്ചു…
“കിച്ചൂ…..തുറക്കെടാ ” അയ്യോ പെട്ടു…
“നിനക്കെന്താ ദേവു.അവന് ചെറിയ കുട്ടി ഒന്നുമല്ല… നീ നിന്റെ കാര്യം നോക്കി പോയെ ” അച്ചു ദേവുവിനോട് പുറത്തുനിന്നു ഒച്ചയിട്ടു….
.’ ഇവരുടെ ഒരു കാര്യം ‘
“നിനക്കെന്താ അവനല്ലേ വിളിച്ചേ….” ദേവുവിന്റെ മറുചോദ്യം…. ഞാൻ അകത്തു നിന്നു ചിരിച്ചു പോയി…. പുറത്ത് പിന്നെ നിശബ്ദത….
“നിനക്ക് ഞാൻ തരാമെടാ….” ദേവൂവിന്റെ ഈർഷ്യയുള്ള പതിഞ്ഞ ശബ്‌ദം