ടവൽ എന്റെ നേരെ നീട്ടിയപ്പോൾ വാങ്ങാൻ ഞാൻ മടിച്ചു… രാവിലെ തന്നെ തണുത്ത വെള്ളം തലയിലൂടെ ഇറങ്ങിയാൽ അയ്യോ!!!എന്റെ നെറ്റി ചുളിഞ്ഞു അത് അച്ചു കണ്ടു.. അവൾ കണ്ണുരുട്ടി..
“എടീ ചേച്ചീ… നമുക്ക് ഒരുമിച്ചു കുളിച്ചാലോ…..” നടക്കില്ലെന്നു ഉറപ്പാണെങ്കിലും വെറുതെ ചോദിച്ചു…. അവളുടെ ദേഷ്യമെങ്കിലും കാണാല്ലോ….
“മോനേ നിന്റെ സൂക്കേട് എനിക്ക് മനസ്സിലാവുന്നുണ്ട്…. മര്യാദക്ക് കുളിച്ചിറങ്ങിയില്ലെങ്കിൽ പുറത്തു പോവുന്നത് ക്യാൻസൽ….” കുറച്ചു തുറന്ന ഡോറിന്റെ ഇടയിലൂടെ എന്റെ വയറിനൊന്ന് കുത്തിയിട്ട് അച്ചു എന്നെ ഭീഷണിപ്പെടുത്തി….
“എടീ എന്നാൽ കുളിപ്പിച്ചെങ്കിലും തരോ…..”
“അയ്യെടാ എനിക്ക് അതല്ലേ പണി”
“ഓഹോ….. ദേവു ആണേൽ വിളിച്ചാൽ ‘ദേ ഇങ്ങട്ട് നോക്ക് ‘ ” ഞാൻ വിരൽ ഞൊടിച്ചു കാട്ടി ” ഇപ്പൊ വന്നു കുളിപ്പിച്ച് തരും ”
“എന്നാൽ അതൊന്ന് കാണാനല്ലോ ” അച്ചു വെല്ലുവിളി ഏറ്റെടുത്ത പോലെ ചുമരും ചാരി നിന്നു… ഈശ്വര പണി പാളിയാലോ ഒരവേശത്തിന് പറഞ്ഞതാ… അച്ചുവിന്റെ നിൽപ്പുകണ്ടിട്ട് അതിരിഞ്ഞിട്ടേ പോവൂ എന്ന നിലയില….വെറുതെ ദേവുവിനെ വിളിച്ചു നോക്കാം
“ദേവൂ…….” ഞാൻ അച്ചുവിനെ നോക്കി നീട്ടിവിളിച്ചു…..
“എന്താടാ….” അപ്പുറത്തേ മുറിയിൽ നിന്നും അവൾ വിളികേട്ടു…. ഞാൻ പെട്ടു അവൾ വിളികേട്ടില്ലേൽ അത് പറയാമായിരുന്നു ഇതിപ്പോ…. അച്ചു ചോദിക്ക് എന്ന് ചുണ്ടനക്കി പറഞ്ഞു……. ഞാൻ ദേവുവിന്റെ തെറി കേൾക്കുമെന്ന് കരുതിയെങ്കിലും ചോദിച്ചു….
“ദേവു എന്നെ ഒന്ന് കുളുപ്പിച്ചു തരോ” വാക്കുകൾ ചെറുതായിട്ട് ഇടറിയപ്പോ അച്ചു ആക്കി ചിരിച്ചു… ദേവു ഒന്നും പറയുന്നില്ല… ഇന്ന് അവളുടെ എടുത്ത് നിന്നു കിട്ടും എന്ന് വിചാരിച്ചു…