Posted by അവൾ അവന്റെ നോട്ടത്തിൽ ഒന്ന് ചൂളിയെങ്കിലും അവൾ അത് പുറത്തുകാട്ടിയില്ല….”എല്ലാം കണക്ക് തന്നെ…അവൾ മനസ്സിൽ ഓർത്തുകൊണ്ട് അകത്തേക്ക് കയറി….
ഉച്ചയോടു അടുത്തപ്പോൾ ഞാൻ കൈതക്കോട്ട് തറവാട്ടിലേക്ക് കയറിച്ചെന്നു….നൈമ എന്നെന്നോട് സംസാരിച്ചിട്ട് തന്നെ രണ്ടാമത്തെ ദിവസം…എനിക്കാകെ വീർപ്പുമുട്ടുന്നത് പോലെ…തോന്നി…. ഗേറ്റു തുറന്നുവരുന്ന എന്നെ തന്നെ നോക്കി ഷബീർ കാർപോർച്ചിൽ നിൽപ്പുണ്ട്…എനിക്കവനെ ഫേസ് ചെയ്യാൻ അല്പം മടിയുണ്ടായിരുന്നു…..അവനെ നോക്കി ചിരിച്ചുകൊണ്ട് ഞാൻ അകത്തേക്ക് കയറി….
“എവിടെ പോയി ബാരി ഇക്ക….ഷബീറിന്റെ ചോദ്യമാണ് എന്നെ നിശ്ചലമാക്കി നിർത്തിയത്….
“അത് ഒരു വക്കീലിനെ കാണാൻ പോയിരുന്നു …..അടുത്ത ദിവസം തന്നെ കോടതിയിൽ പോകണ്ടേ…..ഞാൻ അലസമായി പറഞ്ഞിട്ട് അകത്തു കയറി മുറിയുടെ ലോക്കിൽ പിടിച്ചു തിരിച്ചു…..കതകു അകത്തു നിന്ന് കുറ്റിയിട്ടിരിക്കുന്നു….
ഞാൻ ഹാളിലെ സെറ്റിയിൽ തന്നെയിരുന്നു……
അപ്പോഴാണ് റംല മാമിയുടെ മുറിയിൽ നിന്നും ഇറങ്ങി വന്ന ശരണ്യേ കണ്ടത്…..ഞാൻ ഒന്ന് ചിരിച്ചു…കൂടുതൽ മിണ്ടാനും പറയാനുമുള്ള ഒരു മാനസിക അവസ്ഥയിൽ ആയിരുന്നില്ല ഞാൻ….ശരണ്യയും ഒന്ന് ചിരിച്ചുകാട്ടി…..അടുക്കളയിലേക്ക് കയറി…..
കുറെ കഴിഞ്ഞപ്പോൾ ഷബീർ വന്നു എന്റെ അരികിലായി ഇരുന്നു…..”എന്താ ഇക്കാ പ്രശ്നം…..ചേട്ടത്തി വന്നപ്പോൾ മുതൽ കിടക്കുകയാണ്….എന്താ കാര്യം…..
“ഒന്നുമില്ലെടാ…..ഞാൻ ഒഴിയാൻ ശ്രമിച്ചു…..
“ഏയ് അതൊന്നുമല്ല….ഞാൻ വന്നപ്പോൾ മുതൽ ശ്രദ്ധിക്കുന്നു…..എന്തോ കാര്യമായ പ്രശ്നമുണ്ട്…..
“അതൊക്കെ പറയാം….എനിക്കിത്തിരി വെള്ളം വേണമായിരുന്നു……ഞാൻ പറഞ്ഞു…..
“സുനൈനെ…..സുനൈനെ…..ഷബീർ വിളിച്ചു…..സുനൈന വയറും താങ്ങി വന്നു….”എടീ….ഇത്തിരി വെള്ളമെടുത്തെ…..നാരങ്ങാവെള്ളം എടുത്തോ….എനിക്കും ബാരി ഇക്കയ്ക്കും…..
സുനൈന പോയപ്പോൾ ഷബീർ വീണ്ടും ചോദിച്ചു….”എന്താ ഇക്കാ കാര്യം…..
“പറയാമെടാ…ഞാൻ ആകെ വല്ലാത്ത ഒരു മാനസിക അവസ്ഥയിലാണ് ഇപ്പോൾ…സുനൈന രണ്ടു ഗ്ലാസ്സിലായി നാരങ്ങാ വെള്ളവുമായി എത്തിയതും…നൈമ കതകു തുറന്നു പുറത്തേക്ക് വന്നതും ഒരുമിച്ചായിരുന്നു….
സുനൈന എന്റെ കയ്യിലേക്ക് നാരങ്ങാ വെള്ളം പകർന്ന ഗ്ലാസ് നീട്ടി…ഞാൻ വലിച്ചുകുടിച്ചു…..”ഞാൻ ക്ഷീണം കാരണം ഒന്ന് മയങ്ങിയതാ….അനിയാ…..നൈമ ചിരിച്ചുകൊണ്ട് ഷബീറിനെ നോക്കി പറഞ്ഞു…..
“അല്ല ഒരു മുന്നറിയിപ്പുമില്ലാതെ നിങ്ങൾ എല്ലാരും കൂടി….ബാരി ഇക്ക വരുമെന്നുള്ളത് അറിയാരുന്നു….ഷബീർ പറഞ്ഞു….
“ഓ…ഇനി നാട്ടിലങ്ങു കൂടാമെന്നു കരുതി അനിയാ….അവിടെ ആണെങ്കിൽ അധികം ജോലി ചെയ്യേണ്ടി വരും…..നടുവിന് ഒരു റെസ്റ്റ് കാണില്ല…എന്നെ രൂക്ഷമായി നോക്കി കൊണ്ടാണ് നൈമ അത് പറഞ്ഞത്…..ശരണ്യ അപ്പോഴാണ് റംല അമ്മായിയുടെ റൂമിലേക്ക് പോകാനായി വന്നത്….