💦മദ്യപാനം ജീവിതത്തിന് ഹാനികരം💦[അജിത് കൃഷ്ണ]

വീടിന്റെ ഉമ്മറ പടിയിൽ കൊണ്ട് കിടത്തിയിട്ട് പോകും അല്ലെങ്കിൽ അവിടെ തന്നെ കിടക്കും. എന്തായാലും അവൻ കാരണം വീടിന് നല്ല ചീത്ത പേര് ആണ്.

ഏതാണ്ട് 10മണി ആയപ്പോൾ ആണ് മുരളി കണ്ണ് തുറന്നത്. മെല്ലെ എഴുന്നേറ്റു കുത്തി ഇരുന്നു. അകത്തു ഭാര്യ സുനിത തുണി തൈക്കുക ആണെന്ന് തോന്നുന്നു. തയ്യൽ മെഷീൻ ശബ്ദം നല്ലത് പോലെ കേൾക്കാം. അവൻ മെല്ലെ എഴുന്നേറ്റു തറയിൽ വെള്ള നനവ് കണ്ടപ്പോൾ അവനു കാര്യം പിടികിട്ടി. ഇന്നലെയും കുടിച്ചു വാള് വെച്ചു. അവൻ മനസ്സിൽ പറഞ്ഞു കൊണ്ട് മെല്ലെ ഉമ്മറത്തു നിന്ന് മുറ്റത്തെക്ക് ഇറങ്ങി എന്നിട്ട് ഒരു മോന്ത വെള്ളവും എടുത്തു പല്ല് തേക്കുവാൻ തുടങ്ങി. പതിവ് പോലെ അവളുടെ അടുത്തേക്ക് ചെന്ന്.

മുരളി :എടി നിന്റെ കൈയിൽ പൈസ വല്ലോം ഇരുപ്പുണ്ടോ !!

സുനിതയുടെ മുഖം ദേഷ്യം കയറി ചുമന്നു തുടുത്തു എന്നിട്ടും കടിച്ചു പിടിച്ച ദേഷ്യം തയ്യൽ മെഷീനിൽ തീർക്കും പോലെ അമർത്തി ചവിട്ടി കറക്കി.

മുരളി :എടി കവലയിലെ സുകുവിന്റെ കടയിൽ കുറച്ചു പൈസ കൊടുക്കാൻ ഉണ്ട് അത് ഒന്ന് കൊടുത്തു തീർക്കാൻ ആണ് .

സുനിത :ഉവ് ഞാൻ വിശ്വസിച്ചു, ഇങ്ങനെ എല്ലാ ദിവസവും കുറേ എന്റെ കൈയിൽ നിന്നും കൊണ്ട് പോയല്ലോ കടം ഇത് വരെയും കഴിഞ്ഞില്ലേ.

മുരളി ഒന്നും മിണ്ടിയില്ല.