💦മദ്യപാനം ജീവിതത്തിന് ഹാനികരം💦[അജിത് കൃഷ്ണ]

കൈ കൊണ്ട് മുഖത്തേക്ക് തെറിച്ചു കിടന്ന മുടിയിഴ ചെവിയുടെ മടക്കിലേക്ക് കയറ്റി വെച്ചു കൊണ്ട് തിരിഞ്ഞപ്പോൾ ലക്ഷ്മിയെ കണ്ടു. പെട്ടന്ന് സുനിത ഒന്ന് നിശ്ചലയായി. എന്നിട്ട് അങ്ങോട്ടും ഇങ്ങോട്ടും മാറി മാറി ഒന്ന് നോക്കി അപ്പോഴേക്കും അവളുടെ കണ്ണിൽ നിന്നും ധാര ധാരയായി കണ്ണ് നീര് ഒഴുകി ഇറങ്ങാൻ തുടങ്ങി.

ലക്ഷ്മി :മോളെ നിന്നെ ഞാൻ എന്ത് പറഞ്ഞു സമാധാനിപ്പിക്കണം എന്ന് എനിക്ക് അറിയില്ല, എനിക്ക് അറിയില്ല അവൻ ഇതെന്തിന് ഉള്ള പുറപ്പാട് ആണെന്ന്. എന്റെ മകൻ ചെയ്ത തെറ്റിന് ഞാൻ നിന്നോട് മാപ്പ് ചോദിക്കുന്നു. ഈ അമ്മയോട് മോള് ക്ഷമിക്കില്ലേ !!

സുനിത :അതിനു അമ്മ എന്ത് തെറ്റ് ആണ് ചെയ്തത് എല്ലാം എന്റെ സമയ ദോഷം അല്ലാതെ എന്ത് പറയാൻ !!വെരുന്നിടത്തു വെച്ച് കാണാം.

ലക്ഷ്മി :അവന്റ നശിച്ച കുറെ കൂട്ട്കെട്ട് ആണ് മോളെ അവനെ നശിപ്പിച്ചത്.

സുനിത :അങ്ങനെ പറഞ്ഞിട്ട് എന്താണ് അമ്മേ കാര്യം ഒരാൾക്ക് നശിക്കാൻ തോന്നിയാൽ അയാൾ സ്വയം വിചാരിക്കണം നന്നാകണം എങ്കിൽ. എന്നോട് ഇനി കുടിക്കില്ല എന്ന് പറഞ്ഞു പോയ ആളാണ് നോക്ക് വരാന്തയിൽ മുഴുവൻ ശേയ, ഒന്നും ഇല്ലെങ്കിൽ വളർന്നു വരുന്നത് ഒരു പെൺകുട്ടി ആണെന്ന് ഉള്ള ബോധം പോലും ഇല്ലാത്ത മനുഷ്യൻ.

ലക്ഷ്മി ഒന്നും മിണ്ടാതെ തല കുനിച്ചു നിന്നു പോയി. അവർ എന്താണ് പറയുക എന്ത് പറഞ്ഞു അവരെ സമാധാനിപിക്കും. അവന്റെ കുടി കാരണം അച്ഛൻ വീട്ടിൽ നിന്ന് ഇറങ്ങി മൂകംമ്പികയ്ക്ക് പോയ്‌. അവിടെ കുറച്ചു സ്ഥലം ഉണ്ട് ചെറിയ വീടും ഒന്നും ഇല്ലെങ്കിൽ സമാധാനം ഉണ്ട് അവിടെ. മുരളി അങ്ങനെ ആണ് രാവിലെ നല്ല രീതിയിൽ വീട്ടിൽ നിന്നും ഇറങ്ങി പോകും വൈകുന്നേരം തിരിച്ചു വന്നാൽ അത്‌ നാലു കാലിൽ ആയിരിക്കും വന്നില്ലെങ്കിൽ വല്ല വഴിയിലോ വളപ്പിലോ വീണു കിടക്കുന്നുണ്ടാകും. ചിലപ്പോൾ ആരെങ്കിലും