🏝️ സ്വർഗ്ഗ ദ്വീപ് 11🏝️ [അതുല്യൻ]

“നിന്നോട് ഞാൻ നേരത്തെ പറഞ്ഞത് അല്ലെ അത്യാവശ്യം ഉള്ള സമയങ്ങളിൽ ഞങ്ങളുടെ നീക്കങ്ങൾ വളരെ പെട്ടെന്ന് ആയിരിക്കും എന്ന്.” പ്രിയ ആദിത്യനെ നോക്കി പുഞ്ചിരിച്ച് ഒരു കണ്ണിറുക്കി കാണിച്ച് കൊണ്ട് പറഞ്ഞു.

“മില കുനിസും ആയി ഞങ്ങൾക്ക് ഇത് വരെ കൂടുതൽ മുന്നോട്ട് പോകാൻ പറ്റിയിട്ടില്ല. എന്തായാലും നമ്മളുടെ പ്രൊഡക്ഷൻ കമ്പനി താങ്കൾ അവിടെ ഉള്ളപ്പോൾ അവളുമായി ഒരു ഇന്റർവ്യൂ ശെരിയാക്കാൻ നോക്കുന്നുണ്ട്.” ലക്ഷ്മി പറഞ്ഞു.

“ദൈവമേ.” ആദിത്യൻ ആവേശത്തോടെ പറഞ്ഞു.

“ദൈവം ഒരു സമയം ഒരു അത്ഭുതം മാത്രമേ കാണിക്കു ആദിത്യ. ഞങ്ങൾ അതുക്കും മുകളിൽ ആണ്.” പ്രിയ പുഞ്ചിരിച്ച് കൊണ്ട് പറഞ്ഞു.

“എനിക്ക് അത് മനസ്സിലാവുന്നുണ്ട്.” ആദിത്യൻ ചിരിച്ച് കൊണ്ട് പ്രിയയെ നോക്കി.

“അപ്പോൾ എല്ലാം കഴിഞ്ഞു ഇനി നല്ല കുട്ടിയായി ജിമ്മിൽ പോയി വ്യായാമം ചെയ്യ്. തിരിച്ച് വന്നതിന് ശേഷം നമുക്ക് സംസാരിക്കാം.” പ്രിയ പുഞ്ചിരിച്ച് കൊണ്ട് പറഞ്ഞു.

“ലക്ഷ്മി?.” അവൾക്ക് കൂടുതൽ ആയി എന്തെങ്കിലും പറയാൻ ഉണ്ടോ എന്ന് അറിയാൻ വേണ്ടി ആദിത്യൻ അവളെ നോക്കി കൊണ്ട് ചോദിച്ചു.

“താങ്കളുടെ യാത്രക്ക് ആവശ്യമായ കാര്യങ്ങൾ ശെരിയാക്കുന്നതിന് വേണ്ടി എനിക്ക് കുറെ ഫോൺ കോളുകൾ ചെയ്യാനുണ്ട്. അത് കൊണ്ട് ഞാൻ താഴെ ബിസിനസ്സ് സ്യൂട്ടിൽ ഉണ്ടാകും.” ലക്ഷ്മി മറുപടി പറഞ്ഞു.

“ശെരി . . . . എന്നാൽ അങ്ങനെ ആവട്ടെ.” ആദിത്യൻ ഗൗരവത്തോടെ പറഞ്ഞു.

ആദിത്യൻ ഡ്രസിങ് റൂമിലേക്ക് പോയി ഒരു ട്രാക്ക് പാന്റും ഒരു ടീഷർട്ടും ഇട്ട് കൊണ്ട് ജിമ്മിലേക്ക് പോയി. ജൂഡ് ആദിത്യനെ കൊണ്ട് കൈകൾക്കും ശരീരത്തിന്റെ മുകൾ ഭാഗത്തിനും വ്യായാമം ചെയ്യിച്ചു. അത് കഴിഞ്ഞ് ഇനി വ്യായാമ ക്രമം മാറ്റേണ്ട സമയം ആയി എന്ന് പറഞ്ഞു. അര മണിക്കൂർ വാർമപ്പ് ചെയ്തതിന് ശേഷം ഒന്നരാടം ദിവസങ്ങളിൽ കൈകൾ കാലുകൾ ശരീരത്തിന്റെ മുകൾ ഭംഗം എന്ന രീതിയിൽ വ്യായാമം ചെയ്യണം എന്ന് പറഞ്ഞു. ഇനി മുതൽ ദിവസത്തിൽ രാവിലെ ഒരു പ്രാവശ്യം വ്യായാമം ചെയ്താൽ മതി എന്നും പറഞ്ഞു. ദിവസവും ഒരു പ്രാവശ്യം വ്യായാമം ചെയ്യുന്നത് കൊണ്ട് മാത്രം ആദിത്യന്റെ ശരീരഘടന ഇത് പോലെ തന്നെ തുടരുകയും പേശികൾ കൂടുതൽ മെച്ചപ്പെടുകയും ചെയ്യും എന്ന് ജൂഡ് പറഞ്ഞു.

ആദിത്യൻ അയാളോട് നന്ദി പറഞ്ഞതിന് ശേഷം അവിടെ നിന്ന് പ്രധാന വീട്ടിലേക്ക് തിരിച്ച് നടന്നു. അവന്റെ കൈകൾ ഇരുവശങ്ങളിലും അനക്കാൻ പറ്റാത്ത രീതിയിൽ കഠിനമായ വ്യായാമത്തിന്റെ പരിണിത ഫലമായി തൂങ്ങി കിടക്കുക ആയിരുന്നു. അവൻ സ്യൂട്ടിൽ എത്തിയപ്പോൾ പ്രിയ ബാത്ടബ്ബിൽ അവന് വേണ്ടി കാത്തിരിക്കുക ആയിരുന്നു.