Posted by : ഒന്ന് പോടി…. അത് നിന്റെ അമ്മ മാത്രം അല്ല കേട്ടോ…. എന്റെ ഭാര്യ കൂടിയാ. ഞങ്ങൾ ഇതുവരെ ഡിവോഴ്സ് ഒന്നും ചെയ്തിട്ടില്ല.
: ഒന്ന് പോ അമലൂട്ടാ…. അവൾ ഓരോ പ്രാന്ത് പറഞ്ഞെന്ന് വച്ച്…
: ഓഹ് നിങ്ങൾ വലിയ ഭാര്യയും ഭർത്താവും….
: അതേടി പോത്തേ… ഇത് എന്റെ ആദ്യ ഭാര്യ നിത്യ. ആ താലി എടുത്ത് കാണിക്ക് നിത്യേ…
: ഉം… കൊള്ളാം. ഇത് ആദ്യ ഭാര്യ, തുഷാര രണ്ടാമത്തേത്, അപ്പൊ മൂന്നാമത്തേതോ….. അത് ഷിൽന….
അല്ലെ ഏട്ടാ….
: ഹീ….. വാ വീട്ടിലേക്ക് പോകാം. അവിടെ എല്ലാവരും തിരക്കുന്നുണ്ട് നിങ്ങളെ.
______/_______/_______/________
ജീവിതം പറിച്ചുനടുന്ന വേദനയോടെ ഞാനും എന്റെ പ്രവാസ ജീവിതത്തിലേക്ക് കാലെടുത്തുവച്ചു. നാട് വിട്ടുപോകാൻ ഒട്ടും താല്പര്യം ഇല്ലാത്ത എന്നെ കൊല്ലാൻ കൊണ്ടുപോകുന്നത്തിന് തുല്യമാണ് ഈ പുതിയ മാറ്റങ്ങൾ. കുറേ നാളുകൾക്ക് ശേഷം എന്നെ കണ്ടതിലുള്ള സന്തോഷം മാമൻ കെട്ടിപ്പിടിച്ച് പ്രകടിപ്പിച്ചു. എന്റെ മനസിൽ ആദ്യമൊക്കെ മാമനോട് ദേഷ്യം ഉണ്ടായിരുന്നെങ്കിലും പിന്നീട് ഞാൻ തന്നെ എന്റെ തെറ്റ് തിരിച്ചറിഞ്ഞതോടെ മാമൻ പഴയതുപോലെ എന്റെ മനസിൽ ഏറ്റവും കൂടുതൽ ഇഷ്ടപ്പെടുന്നവരുടെ കൂട്ടത്തിൽ തന്നെയുണ്ട്. അളിയന്റെ ഫ്ലാറ്റിൽ എനിക്കായി ഒരു മുറി വൃത്തിയാക്കി വച്ചിരുന്നു. നാളെ മുതൽ പുതിയ ഓഫീസ്, പുതിൽ സൗഹൃദങ്ങൾ, പുതിയ തൊഴിലിടം. എല്ലാം കൊണ്ടും പുതിയൊരു ജീവിതം തുടങ്ങുകയാണ് എന്ന് പറയാം. മുൻപ് എന്റെ കൂടെ മംഗലാപുരത്ത് ജോലി ചെയ്തിരുന്ന കുറച്ചുപേർ ഇവിടെയും ഉണ്ട്. അതുകൊണ്ട് ജോലിയിൽ വലിയൊരു ബുദ്ദിമുട്ട് ഉണ്ടാവുമെന്ന് തോന്നുന്നില്ല.
കാലത്ത് കുളിച്ചൊരുങ്ങി അളിയന്റെ കൂടെ പുറത്തേക്ക് ഇറങ്ങി. എന്നെ ഓഫീസിൽ ഇറക്കി വിട്ട ശേഷമാണ് അളിയൻ പോയത്. ഡിസൈൻ ആൻഡ് ഡെവലപ്മെന്റ് സീനിയർ എഞ്ചിനീർ പോസ്റ്റിലേക്ക് വരുന്ന എന്നെ സ്വീകരിക്കുവാനായി ടെക്‌നിക്കൽ മാനേജരും ടീമും റെഡിയായിരുന്നു. പ്രദീപേട്ടന്റെ പ്രത്യേക താത്പര്യത്തിൽ ആണ് ഞാൻ ഇവിടേക്ക് സ്ഥലം മാറി വരുന്നത് എന്ന് അറിഞ്ഞതിന്റെ ബഹുമാനം അവരുടെ ഭാഗത്തുനിന്നും നന്നായി ഉണ്ട്. നല്ല വൃത്തിയുള്ള ഓഫീസും വളരെ അടുക്കും ചിട്ടയോടും ക്രമീകരിച്ചിരിക്കുന്ന ഇരിപ്പിടങ്ങളും. അധികവും മലയാളികൾ ആണ് ഇവിടെ ജോലി ചെയ്യുന്നത്. എന്റെ കാബിനും അതിന് വെളിയിലായി 6 പേർക്ക് ഇരുന്ന് ജോലി ചെയ്യുവാനുള്ള ഓഫീസ് സ്പേസും ആണ് ഉള്ളത്. ഈ ആറുപേരും ഇനിമുതൽ റിപ്പോർട്ട് ചെയ്യേണ്ടത് എന്റെ അടുത്താണ്. ഞാൻ നേരിട്ട് ടെക്‌നിക്കൽ മാനേജറുടെ അടുത്ത് റിപ്പോർട്ട് ചെയ്യും. നിർമിതികളുടെ ഡിസൈൻ തയ്യാറാക്കുക, 3D മോഡലിംഗ്, ഡീറ്റൈലിങ് തുടങ്ങിയ ജോലിയാണ് എന്റെ ഡിപാർട്മെന്റിൽ നടക്കുന്നത്. 6 പേർ ഉണ്ടെന്ന് പറഞ്ഞതിൽ 5 ആളുകൾ ഡിസൈൻ എഞ്ചിനീയർമാരാണ്, ഒരാൾ ഡോക്യുമെന്റ് കോണ്ട്രോളറും.