Posted by വില്ലന്റെ ചിരി.
അനു: എന്തിനാ ചിരിക്കണേ??
കാർത്തി: ഏയ് ഒന്നുല്ല. ഞാൻ എല്ലാം പറയാം സമയം ആവുമ്പോ.
അനു: ഞാനൊരു കാര്യം ചോദിച്ചാൽ ദേഷ്യപ്പെടോ??
കാർത്തി: നിന്റെ കാര്യം ചോദിപ്പ് തീർന്നില്ലേ??
അനു: ഇത് last നീ ദേഷ്യപ്പെടോ ഇല്ലയോ??
കാർത്തി: mm ഇല്ല നീ പറയ്യ്‌.
അനു: ആ സംഭവത്തിന് ശേഷം ഒരിക്കലും അച്ഛനേം അമ്മയേം കാണാൻ തോന്നിട്ടില്ലേ??
കാർത്തി: mm തോന്നിട്ടുണ്ട്. അവര് പോയതിന് ശേഷമുള്ള എല്ലാ വർഷത്തെയും ഓണത്തിന്. അവരുള്ളപ്പോ ഓണം വരാൻ വേണ്ടി എന്നും പ്രാർത്ഥിക്കുമായിരുന്നു ഞാൻ. എന്നെയെയും തുമ്പിയെയും അടുത്തടുത്തിരുത്തി ഒരുരുള ചോറുരുട്ടി ഞങ്ങടെ വായിക്കകത്തേക്ക് വച്ചു തരും. ആ ഒരുരുള മതി വയർ നിറയാൻ. മനസ്സും. ഒരുപാട് മിസ്സ് ചെയ്യുന്നുണ്ട് അവരെ. കാണാണോന്ന് തോന്നിട്ടും ഉണ്ട്. പക്ഷെ കണ്ട് കഴിഞ്ഞാൽ ഉള്ളിലേക്ക് വരുന്നത് എന്റെ പാറുന്റെ മരിച്ച് കിടക്കുന്ന രൂപമാ. പിന്നെ അവരോട് തോന്നുന്നത് പകയാ. അവരുടെ മുഖം കാണുമ്പോ തോന്നുന്നത് ദേഷ്യാ.
അനു: സോറി ടാ.
കാർത്തി: ഏയ്. ഞാനാ നിന്നോട് സോറി പറയേണ്ടേ.
അനു: എന്തിന്??
കാർത്തി: നീന്റെ കഴുത്തിൽ താലി കെട്ടിയ നേരം ദേവിക്ക് കൊടുത്തൊരു വാക്കുണ്ട്. നിന്നെ ഒരിക്കലും കരയിപ്പിക്കില്ലെന്ന്. പക്ഷെ ഇന്ന് രാവിലെ ഞാൻ കാരണം നീ കരഞ്ഞു. സോറി ടി. ഇനി ഒരിക്കലും എന്റെ പെണ്ണ് കരയില്ല.
അനു: അയ്യേ നീ ഇതുവരെ അതൊന്നും വിട്ടില്ലേ?? എന്റെ ഭാഗത്തും ഉണ്ട് തെറ്റ്. ഞാനും പറയുന്നു സോറി. ഇപ്പൊ പ്രശ്നം തീർന്നെ. ഇനി ഇതിനെ പറ്റി സംസാരിച്ച അനുവിന്റെ തനി കൊണം നീ കാണും.
കാർത്തി: അത് ഞാൻ ഒരുപാട് കണ്ടിട്ടുള്ളതല്ലേ??
ഒരു വഷളൻ ചിരിയോടെ പറഞ്ഞു.
അനു: ഛീ പോ വൃത്തിക്കെട്ടതെ. ഇനിയൊരു കാര്യം.
കാർത്തി: കൊല്ലും ഞാൻ.
അനു: plz ടാ ഇതും കൂടെ അറിഞ്ഞാൽ പിന്നെ ഞാൻ ഒന്നും ചോദിക്കില്ല. നിയാണെ സത്യം. എന്നിട്ടും വിശ്വാസം വരുന്നില്ലേ ഞാൻ ചോദിക്കുന്നില്ല പോരെ.
അതും പറഞ്ഞവൾ കപടദേഷ്യം നടിച്ചു.
കാർത്തി: വേണ്ട വേണ്ട ഇനി അതിന്റെ പേരിൽ പിണങ്ങണ്ട. ചോദിക്ക്.
അനു: ചോദിക്കട്ടെ??
ഒരു കുസൃതി നിറഞ്ഞ ചിരിയോടെ അവൾ ചോദിച്ചു.
കാർത്തി: അഹ് ചോദിക്ക് പെണ്ണേ.
അനു: മനുവിനെ പറ്റി പറയാൻ നൂറ് നാവല്ലേ നിനക്ക്.
കാർത്തി: അഹ് അതേ. അതിനിപ്പോ നിനക്ക് എന്തെങ്കിലും ഇഷ്ടകേട് ഉണ്ടോ?? ഇനി ഉണ്ടെങ്കിൽ തന്നെ അതങ്ങ് മനസ്സിൽ വച്ചോണ്ട മതി.
അനു: എന്റെ ദേവി ഇതെന്ത് കുത്ത്?? അതിന് ഞാൻ അങ്ങനെ വല്ലതും പറഞ്ഞോ?? നിങ്ങടെ ഈ ഫ്രണ്ട്ഷിപ് കാണുമ്പോ സത്യം പറഞ്ഞാൽ എനിക്ക് അസൂയായ. ഞാൻ ചോദിക്കാൻ വന്ന ചോദ്യം ഇതൊന്നും അല്ല.
കാർത്തി: പിന്നെ??
അനു: ഈ ബെസ്റ്റ് ഫ്രണ്ടിനോട് മറച്ച് വച്ച എന്തെങ്കിലും കാര്യമുണ്ടോ നിന്റെ മനസ്സിൽ??
കാർത്തി: അവനോട് ഒരേ ഒരു കാര്യേ ഞാൻ മറച്ച് വച്ചിട്ടുള്ളൂ.
അനു: അതെന്ത് കാര്യാ??