Posted by അതും പറഞ്ഞ് അവൻ ചിരി നിയന്ത്രിക്കാൻ പാടുപ്പെട്ടു.
അവളിൽ നിന്നും ചമ്മലാണ് അവൻ പ്രതീക്ഷിച്ചത്. പക്ഷെ ആ പ്രതീക്ഷ തെറ്റിച്ച് നിറമിഴികളോടെ അവൾ അവന്റെ നെഞ്ചിൽ വീണ് പൊട്ടിക്കരഞ്ഞു.
കാർത്തി: അയ്യേ എന്താ പെണ്ണേ ഇത്?? ഇപ്പൊ എന്തിനാ ഈ കരച്ചിൽ ഞാനങ്ങനെയൊക്കെ പറഞ്ഞതുകൊണ്ടാണോ?? അതിനാണെ സോറിട്ടൊ. ഞാനൊരു തമാശക്ക് പറഞ്ഞതല്ലേ.
അവൻ എന്തൊക്കെ പറഞ്ഞിട്ടും അവളുടെ കണ്ണുകൾ അത് ചെവിക്കൊണ്ടില്ല. ആ കണ്ണുകൾ അശ്രു പൊഴിച്ചു കൊണ്ടേയിരുന്നു.
കാർത്തി: ദേ പെണ്ണെ എനിക്ക് ദേഷ്യം വരുന്നുണ്ടട്ടോ.
അവൻ ശബ്‌ദം ഒന്ന് കടുപ്പിച്ചു. അവൾ മുഖമുയർത്തി അവനെ നോക്കി.
കാർത്തി: എന്താ വാവേ ഇത് എന്തിനാ കാര്യല്ലാണ്ട് ഇങ്ങനെ കരയണേ?? ഇതുവരെ ഒരു കുഴപ്പോം ഇല്ലായിരുന്നല്ലോ. പെട്ടന്ന് എന്ത് പറ്റി നിനക്ക്?? ഇനി നിനക്ക് എന്നോട് പറയാൻ പറ്റാത്ത എന്തെങ്കിലും വിഷമം ഉണ്ടോ?? അങ്ങനെ എന്തെങ്കിലും ഉണ്ടെങ്ങിൽ എന്നോട് പറയടി. നീ ഇങ്ങനെ കരയണ കാണാൻ വയ്യാത്തത് കൊണ്ടാ.
അനു: ഏയ് ഒന്നൂല്യടാ. ഞാൻ പഴയതെന്തോ ഓർത്ത് പെട്ടന്ന് നിക്ക് നിയന്ത്രിക്കാൻ ആയില്ല.
കണ്ണുനീരൊപ്പി അവൾ അവന് മറുപടി കൊടുത്തു.
കാർത്തി: പൊട്ടടി നിന്നെ ഈ അവസ്ഥയിൽ ആക്കിയവരൊന്നും ഇന്നീ ഭൂമിയിൽ ജീവനോടെ ഇല്ല. പിന്നെന്താ എന്റെ പെണ്ണിന്?? സങ്കടമൊന്നും വേണ്ടാട്ടോ അവസാന ശ്വാസം വരെയും ഞാൻ ഈ മരംകേറീടെ കൂടെ തന്നെ ഉണ്ടാകും.
അവളുടെ വലത് കയ്യിലും ഒരു വിരൽ മാത്രമുള്ള ഇടത് കയ്യിലും കൂട്ടി പിടിച്ച് അവൻ അവളുടെ നെറ്റിയിൽ ചുടുചുംബനം അർപ്പിച്ചു.
കാർത്തി: എനിക്ക് നന്നായിട്ട് ഉറക്കം വരുന്നുണ്ട്. വാ വന്ന് കിടക്കാവോ മറുതെ.
അനു: മറുത നിന്റെ കെട്ടിയോള്.
കാർത്തി: അഹ് അപ്പൊ സമ്മതിച്ചല്ലോ.
അതും പറഞ്ഞ് അവൻ കളിയാക്കി ചിരിച്ചു. പഴയത് പോലെ അനുവും ഉഷാറായി. അവൾ അവനെ നോക്കി കൊഞ്ഞണം കുത്തി. അത് കണ്ട് അവൻ അവളെ എടുത്ത് കട്ടിലിലേക്ക് എറിഞ്ഞു. കൂടുതൽ ബലം കൊടുക്കാതെ അവനും അവളിലേക്ക് പടർന്നു കേറി. കാച്ചിയ എണ്ണയുടെ സുഗന്ധം അവളുടെ മുടികളിൽ നിന്നും അവന് അനുഭവിച്ചറിയാൻ പറ്റി. അവൻ അവന്റെ ചുണ്ടുകൾ അവളുടെ ആ
പവിഴാധരങ്ങളിലേക്ക് അടുപ്പിച്ചു. അവളുടെ ചുണ്ടിനെ വിഴുങ്ങാൻ തയ്യാറായി അവന്റെ ചുണ്ട് കൂടുതൽ കൂടുതൽ അടുത്തു. ഇരുവരുടെയും അധരങ്ങൾ കൂട്ടിമുട്ടും മുൻപേ അവൾ അവളുടെ വിരൽ കൊണ്ട് അവന്റെ ചുണ്ടിനെ തടുത്തു.
കാർത്തി: കളഞ്ഞ്. എന്റെ പൊന്ന് അനു ഒന്ന് മൂടായി വന്നതാ. എല്ലാം നശിപ്പിച്ചു.
അനു: ഞാൻ പറഞ്ഞിട്ടില്ലേ ചെക്കാ എല്ലാം നിനക്കുള്ളത് തന്നെയാ. എന്തിനാ ഇത്രക്ക് ആവേശം?? പയ്യെ തിന്ന പനയും തിന്നന്നേ.
കാർത്തി: കോപ്പ്.
അനു: ഞാനൊരു കാര്യം ചോദിക്കട്ടെ??
കാർത്തി: അഹ്
അനു: അന്നെന്നോട് എന്തോ വല്യ കാര്യം പറയാനുണ്ട് എന്ന് നീ പറഞ്ഞില്ലേ?? അന്നത് കേൾക്കാൻ എന്റെ മനസ്സ് അനുവദിച്ചില്ല. നീ കയ്യ് വിട്ട് പോകുമോ എന്ന് ഞാൻ പേടിച്ചു. ഇപ്പൊ എന്റെ കഴുത്തിൽ നീ കെട്ടിയ താലിയുണ്ട്. കഴിഞ്ഞ ദിവസങ്ങളിൽ ഞാൻ ഒരുപാട് സന്തോഷിച്ചിരുന്നു. ആ സന്തോഷം ഇനിയും ഒരുപാട് വർഷം നിലനിൽക്കണം. അന്ന് ഞാൻ പറഞ്ഞില്ലേ ഞാനെന്ന് ഇത് കേൾക്കാൻ ആഗ്രഹിക്കുന്നോ അന്ന് പറഞ്ഞാൽ മതീന്ന്. ഇപ്പൊ എനിക്ക് അത് കേൾക്കണം.