Posted by എന്താടീ പൊട്ടീ…
അവൾ ഞാനിരിക്കുന്ന കസേരയുടെ പുറകിലോട്ട് നോക്കി.
ഞാൻ തിരിഞ്ഞു നോക്കി.
ആരതിയും ഫിദയും വേറെ കുറേ പെൺപിള്ളേരും ഞങ്ങളെ തന്നെ നോക്കി നിൽക്കുവാണ്.
ഞാനങ്ങു ചമ്മി നാണം കേട്ടു പോയി.
അനൂപേട്ടാ പ്രേമിക്കുവാണേൽ നിങ്ങളെ പോലെ ഒരുത്തനെ പ്രേമിക്കണമെന്നാ ഇന്നത്തെ കല്യാണത്തിന് വന്ന പെമ്പിള്ളേരെല്ലാം പറയുന്നേ. സാധാരണ ഒരു കല്യാണത്തിന് വന്ന കല്യാണ ചെക്കനും പെണ്ണുമായിരിക്കും അന്നത്തെ സ്റ്റാർസ്. പക്ഷേ ഇന്ന് രണ്ടും കൂടി വന്നിറങ്ങിയപ്പോ തൊട്ടു തുടങ്ങിയ ഷോ അല്ലേ. ദിവ്യേ നിന്റെ അമ്മ നിനക്ക് ഇതു പോലെ ചോറ് വാരി തന്നിട്ടുണ്ടോ….
ങ്ങാ ഞങ്ങൾക്കുമുണ്ട് ബോയ് ഫ്രണ്ട് എന്നും പറഞ്ഞു ഓരോരുത്തര്,…
ഫിദ പറഞ്ഞു വന്നത് പാതി വഴിയിൽ നിർത്തി.
അസൂയപ്പെട്ടിട്ടു കാര്യമില്ല മോളെ, ഓരോരുത്തർക്കും ആരെക്കെയാണെന്നു നേരെത്തെ എഴുതി വെച്ചിട്ടുള്ളതാ.
ആരതി ഫിദയെ ഒന്നു താങ്ങി.
എന്തായാലും കുഞ്ഞുവാവയ്ക്ക് ചോറു വാരി കൊടുത്തിട്ട് വായും കഴുകി രണ്ടും കൂടെ അങ്ങോട്ട് വാ ഫോട്ടോ എടുക്കാൻ നിങ്ങളെയും നോക്കി നിൽക്കുവാ എല്ലാരും. നമ്മൾ എന്തിനാ വെറുതെ അവരുടെ സ്വർഗ്ഗത്തിലെ കട്ടുറുമ്പ് ആകുന്നേ. നിങ്ങൾ വാ നമുക്ക് പോകാം.
ഫിദ തിരിച്ചുനടന്നു. എനിക്ക് ടാറ്റാ തന്നിട്ട് ബാക്കിയുള്ള പെൺകുട്ടികളും അവളുടെ കൂടെ നടന്നു…
കാന്താരി നമ്മൾ ഇച്ചിരി ഓവർ ആയോ ഇന്ന്….
ഞാൻ ദിവ്യയെ നോക്കി….
ആണെങ്കിൽ എന്താ… വേറെ ആരുടെയും കൂടെ അല്ലല്ലോ, നീ എന്റെ കെട്ടിയോൻ അല്ലേടാ പട്ടി….നീ എനിക്ക് ചോറ് വാരി തരുന്നത് പത്തു പേര് കണ്ടെന്നും വെച്ചു
ആകാശം ഇടിഞ്ഞു വീഴനൊന്നും പോകുന്നില്ല….. ചുമ്മാതന്റെ വായിൽ നോക്കിയിരിക്കാതെ ആ തോരനും കൂടീ ഇച്ചിരി എടുത്തു താ…..
പ്ലേറ്റിലോട്ട് നോക്കിക്കൊണ്ട് ദിവ്യ പറഞ്ഞു….
ഈ കഴിക്കുന്നത് എല്ലാം എങ്ങോട്ടാടീ പോണേ…
ഞാൻ അവളെ അടിമുടി ഒന്ന് നോക്കി.
ദിവ്യ എന്ന നോക്കി മനോഹരമായി ഒന്ന് പുഞ്ചിരിച്ചു.
ഇങ്ങനെ ചിരിക്കല്ലേ ഈ ചിരിയിലാ ഞാൻ വീണ് പോയേ….
കുറച്ചു നേരം കൊണ്ട് അവളെ ആ ചോറു മുഴുവനും തീറ്റിച്ചു….
ഏട്ടാ…..
ഉം….
എന്നെ എടുത്തോണ്ട് വാഷ്ബേസിൻ വരെ കൊണ്ടുപോകാമോ… വയറു ഫുള്ളായി പോയേ നടക്കാൻ വയ്യ….
അതിനെന്താ മുത്തേ….