🏝️ സ്വർഗ്ഗ ദ്വീപ് 10🏝️ [അതുല്യൻ]

വിശ്വസിക്കാൻ പറ്റിയില്ല അത് കൊണ്ട് ആണ് ഞാൻ അന്വേഷിക്കാൻ തുടങ്ങിയത്. നമുക്ക് അയാളുടെ കളികൾ മനസ്സിലായി എന്ന് അയാൾ അറിയാൻ പാടില്ല. നിനക്ക് ഞാൻ പറയുന്നത് മനസ്സിലാവുന്നുണ്ടോ?.” ആദിത്യൻ സ്വപ്നയെ തറപ്പിച്ച് നോക്കി കൊണ്ട് ചോദിച്ചു.

“അത് എന്താ?. നമ്മൾ ദ്വീപിൽ എത്തിയ ഉടനെ താങ്കൾക്ക് അയാളെ പറഞ്ഞ് വിടാൻ പറ്റില്ലേ?.” സ്വപ്ന പെട്ടെന്ന് ചോദിച്ചു.

“ഇല്ല ഇപ്പോൾ പറ്റില്ല. എനിക്ക് ആദ്യം ആ ബങ്കറിൽ കയറണം.” ആദിത്യൻ ഗൗരവത്തോടെ പറഞ്ഞു.

സ്വപ്ന നിരാശയോടെ പറഞ്ഞു. “അയാളെ പറഞ്ഞ് വിട്ടിട്ട് വാതിൽ പൊളിച്ച് കയറിയാൽ പോരെ.”

“പോരാ അയാൾ എന്നെയും എന്റെ പെങ്ങമ്മാരേയും ഭീക്ഷണിപ്പെടുത്താൻ പോവുക ആണെന്ന് ആണ് എനിക്ക് തോനുന്നത്. അത് കൊണ്ട് ഞങ്ങൾക്ക് പ്രശ്നം ആകാവുന്ന തെളിവുകൾ എനിക്ക് ആദ്യമേ നശിപ്പിച്ച് കളയണം.” ആദിത്യൻ അവന്റെ ഭാഗം വിശദീകരിച്ച് കൊണ്ട് പറഞ്ഞു. “പിന്നെ നമ്മൾ കണ്ട ആൾ തന്നെ ആണ് നീ പറഞ്ഞ വില്യം സ്മിത്ത് എന്ന് ഉറപ്പ് വരുത്തുന്നത് വരെ നമ്മൾ ഒന്നും അറിഞ്ഞതായി ഭാവിക്കാൻ പാടില്ല.”

“അത് കണ്ട് പിടിക്കാൻ എത്ര സമയം എടുക്കും?.” സ്വപ്ന പെട്ടെന്ന് ചോദിച്ചു. “എനിക് എനിയും എൽദോയുടെ താളത്തിന് ഒത്ത് തുള്ളാൻ വയ്യ. എനിക്ക് ഇപ്പോൾ തന്നെ എല്ലാം മതിയായി ഇരിക്കുക ആണ്.”

“കൂടി പോയാൽ ഒരു ദിവസം. എൽദോ നിന്നെ അന്വേഷിച്ച് വരിക ആണെങ്കിൽ നീ ഞാൻ വിളിച്ചിട്ട് എന്റെ അടുത്തേക്ക് വരാൻ വേണ്ടി തയ്യാറാകാൻ പോവുക ആണ് എന്ന് പറയണം.” ആദിത്യൻ സ്വപ്നയെ സമാധാനിപ്പിച്ച് കൊണ്ട് പറഞ്ഞു.

“പക്ഷെ അയാൾ . . . .” സ്വപ്ന പറഞ്ഞ് തുടങ്ങി.

“സ്വപ്ന ആവശ്യം വരുക ആണെങ്കിൽ നീ നേരെ എന്റെ അടുത്തേക്ക് വന്നാൽ മതി. നമുക്ക് അപ്പോൾ എന്തെങ്കിലും കാരണം പറയാം. നീ ഒരു കാര്യം ഓർത്ത് വയ്ക്കണം അയാൾ എന്റെ സ്യൂട്ടിൽ ഒളി ക്യാമറ വച്ചിട്ട് ഉണ്ടെങ്കിൽ നിന്റെ മുറിയിലും അത് ഉണ്ടാവും. ഈ കാര്യങ്ങളെ കുറിച്ച് നിനക്ക് എന്നോട് സംസാരിക്കാൻ ഉണ്ടെങ്കിൽ ഒന്നുങ്കിൽ നമ്മൾ ഒരു ഹെലികോപ്റ്ററിൽ ആയിരിക്കണം അല്ലെങ്കിൽ ഒരു ബോട്ടിൽ ആയിരിക്കണം.” ആദിത്യൻ അവരുടെ ഇപ്പോഴത്തെ അവസ്ഥ സ്വപ്നക്ക് പറഞ്ഞ് മനസ്സിലാക്കി കൊടുത്തു.

“അപ്പോൾ എനിക്ക് എന്തെങ്കിലും സംസാരിക്കാൻ ഉണ്ടെങ്കിൽ താങ്കളുടെ അടുത്ത് വന്ന് ഒരു ഹെലികോപ്റ്റർ യാത്രയോ അല്ലെങ്കിൽ ഒരു ബോട്ട് യാത്രയ്ക്കൊ പോകണം എന്ന് പറയണം അല്ലെ?.” സ്വപ്ന അൽപ്പം അലോസരത്തോടെ ചോദിച്ചു.

“അതെ പിന്നെ ഇവിടെ എന്താണ് സംഭവിച്ചത് എന്ന് ആരോടും പറയരുത്.” ആദിത്യൻ ഒരു താക്കീത് എന്ന പോലെ പറഞ്ഞു.

സ്വപ്ന തല കുടഞ്ഞ് കൊണ്ട് പറഞ്ഞു. “അത് പ്രെശ്നം ആകും ആദിത്യ. എൽദോ എന്തായാലും എന്നോട് ഇവിടെ നടന്നതിനെ കുറിച്ച് ഉള്ള വിശദ വിവരങ്ങൾ ചോദിക്കും എന്ന് എനിക്ക് ഉറപ്പാണ്.”

“ശെരി എന്നാൽ നമുക്ക് നല്ലൊരു കഥ ഉണ്ടാക്കാം.” ആദിത്യൻ ചിരിച്ച് കൊണ്ട് പറഞ്ഞു.

“ഉം . . . . നമ്മൾ പുറപ്പെട്ടതിന് ശേഷം താങ്കൾ എന്നെ ഉമ്മ വയ്ക്കാൻ തുടങ്ങി. ആവേശത്തോടെ വളരെ തീവ്രമായി മനസ്സിലായോ?.” സ്വപ്ന ചോദിച്ചു. ആദിത്യൻ പുഞ്ചിരിച്ച് കൊണ്ട് തല ആട്ടി.