🏝️ സ്വർഗ്ഗ ദ്വീപ് 10🏝️ [അതുല്യൻ]

“എനിക്ക് അയാളുടെ മുഖം വീണ്ടും കാണാൻ ഉള്ള കരുത്ത് ഇല്ലായിരുന്നു.” സ്വപ്ന കരഞ്ഞ് കൊണ്ട് പറഞ്ഞു.

“അയാളുടെ പേരെന്താണ്?.” ആദിത്യൻ ഫോണിൽ ബ്രൌസർ തുറന്ന് കൊണ്ട് ചോദിച്ചു.

“വില്യം സ്മിത്ത്. അയാൾ Memphis, Tennessee യിൽ ഉള്ള ആളാണ്. ഒരു പാവം മനുഷ്യൻ. താങ്കൾ FBI യുടെ കുറ്റവാളികളുടെ പട്ടിക നോക്കുക ആണോ?.” സ്വപ്ന പേടിയോടെ വിതുമ്പി കൊണ്ട് ചോദിച്ചു.

“എനിക്ക് ഒരു രണ്ട് നിമിഷം താ സ്വപ്ന.” ആദിത്യൻ അവളെ നോക്കി കൊണ്ട് പറഞ്ഞു എന്നിട്ട് അവളോട് ചോദിച്ചു. “നിനക്ക് അയാളെ കണ്ടാൽ തിരിച്ചറിയാൻ പറ്റുമോ?.”

സ്വപ്ന അയാളുടെ രൂപം വിവരിച്ച് കൊണ്ട് ഇരുന്നപ്പോൾ ആദിത്യൻ അയാളുടെ പേരും സ്ഥലവും വച്ച് ഇന്റർനെറ്റിൽ തിരയാൻ തുടങ്ങി. അവൾ പറഞ്ഞത് സത്യമാണെങ്കിൽ പോലീസ് അവളെ അന്വേഷിക്കുന്നതിനെ കുറിച്ച് എന്തെങ്കിലും വാർത്ത ഇന്റർനെറ്റിൽ ഉണ്ടാവേണ്ടത് ആണ്. അയാളുടെ മരണത്തെ കുറിച്ച് ഉള്ള വാർത്തയും ഉണ്ടാവും. ആക്‌സിഡന്റിന്റെ ദൃക്‌സാക്ഷികളുടെ വിവരണവും ഉണ്ടാവേണ്ടത് ആണ്.

എന്നാൽ സ്വപ്ന അയാൾ ഒരു തടിയൻ ആണ് കഷണ്ടി ഉണ്ട് താടി ഉണ്ട് മുപ്പത് വയസ്സിന് അടുത്ത് പ്രായം എന്ന് പറഞ്ഞപ്പോൾ ആദിത്യൻ ആദ്യം വന്ന സെർച്ച് റിസൾട്ടിൽ ഞെക്കി. അതിൽ ഒരു ഫോട്ടോ ഉണ്ടായിരുന്നു. ആദിത്യൻ അതിൽ അമർത്തി ഫോട്ടോ വലുതാക്കി.

“ഇത് അയാൾ ആണോ?.” അവളെ ഫോൺ കാണിച്ച് കൊണ്ട് ആദിത്യൻ ചോദിച്ചു. സ്വപ്ന തല ആട്ടുന്നതിന് മുൻപ് തന്നെ അവളുടെ മുഖം വിവർണമായപ്പോൾ ആദിത്യന് അത് അയാൾ തന്നെ ആണ് എന്ന് മനസ്സിലായി.

“എനിക്ക് തോന്നി.” ആദിത്യൻ പറഞ്ഞു. അവൻ ഫോട്ടോ ചെറുതാക്കിയതിന് ശേഷം മുൻപത്തെ സ്ക്രീനിലേക്ക് പോയി. അവൻ ആ പേജ് താഴേക്ക് ഓടിച്ച് വായിച്ച് കൊണ്ട് അവളെ വിളിച്ചു. “സ്വപ്ന?.”

“എന്താ?.” സ്വപ്ന ഏതോ ലോകത്തിൽ എന്ന പോലെ വിളി കേട്ടു. അവളുടെ ശബ്ദത്തിൽ ഉള്ള വിറയൽ ആദിത്യന് മനസ്സിലായി.

“വില്യം ഇന്നലെ എന്താണ് ചെയ്തത് എന്ന് നിനക്ക് അറിയണോ?. അവൻ മാളിൽ അവന്റെ കുട്ടികളുടെ കൂടെ പോയപ്പോൾ?. നീ തന്നെ അയാളുടെ ഫേസ്ബുക്ക് പേജ് ഒന്ന് നോക്ക്.” അവളുടെ നേരെ ഫോൺ നീട്ടി കൊണ്ട് ആദിത്യൻ പറഞ്ഞു.

അവളുടെ കൈയ്യിൽ നിന്ന് ഫോൺ താഴേക്ക് വീഴാൻ പോയി. അവളുടെ കൈകൾ വിറക്കുക ആയിരുന്നു. അവൾക്ക് ഫോണിന്റെ സ്ക്രീനിലേക്ക് നോക്കാൻ തന്നെ പേടി ആയിരുന്നു. സ്വപ്ന ആദിത്യനെ തന്നെ നോക്കി ഇരുന്നു. അവളുടെ കണ്ണുകളിൽ ഭയം നിഴലിച്ച് നിന്നിരുന്നു.

“സ്വപ്ന അയാൾ മരിച്ചിട്ടില്ല ജീവനോടെ തന്നെ ഉണ്ട്.” ആദിത്യൻ ഉറപ്പിച്ച് പറഞ്ഞു. “നീ ആരെയും കൊന്നിട്ടില്ല.”

“എന്ത്?. പക്ഷെ?.” സ്വപ്ന സ്ക്രീനിലേക്ക് തുറിച്ച് നോക്കി ഇരുന്ന് കൊണ്ട് ചോദിച്ചു. “അയാൾ . . . .”

“അയാൾ ജീവനോടെ ഉണ്ട് സ്വപ്ന.” ആദിത്യൻ അവളെ സമാധാനിപ്പിച്ച് കൊണ്ട് പറഞ്ഞു. “നീ ആരെയും കൊന്നിട്ടില്ല. അയാൾക്ക് എന്തായാലും ശവ കല്ലറയിൽ ഇരുന്ന് കൊണ്ട് ഫേസ്ബുക്കിൽ അയാളുടെ ഫോട്ടോ ഇടാൻ പറ്റില്ല എന്ന് എനിക്ക് ഉറപ്പാണ്.”

“ഇത് ശെരിക്കും സത്യമാണോ?. വേറെ ആരെങ്കിലും അയാളുടെ അകൗണ്ടിൽ കയറി ഫോട്ടോ ഇടുന്നത് ആണെങ്കിലോ?. ഇത് ഏതെങ്കിലും തരത്തിൽ ഉള്ള കളിപ്പിക്കൽ ആണെങ്കിലോ?.” സ്വാപ്ന വിശ്വാസം വരാതെ സ്‌ക്രീനിലേക്ക് നോക്കി കൊണ്ട് ചോദിച്ചു.