🏝️ സ്വർഗ്ഗ ദ്വീപ് 10🏝️ [അതുല്യൻ]

“എന്ത്?. ഇല്ല അങ്ങനെ ഒന്നും ഇല്ല.” സ്വപ്ന തല കുടഞ്ഞ് കൊണ്ട് പറഞ്ഞു.

“നിനക്ക് എന്റെ കൂടെ വരാൻ താല്പര്യം ഇല്ലേ?.” ആദിത്യൻ ചോദിച്ചു.

“എന്റെ ഇഷ്ട്ടത്തോടെ തന്നെ ആണ് ഞാൻ വന്നത്.” സ്വപ്ന പെട്ടെന്ന് മറുപടി പറഞ്ഞു.

ആദിത്യൻ സ്വപ്നയുടെ കണ്ണുകളിലേക്ക് നോക്കി കൊണ്ട് ചോദിച്ചു. “അപ്പോൾ നിനക്ക് എന്റെ കൂടെ വരാൻ ഒരു കുഴപ്പവും ഇല്ല?. പിന്നെ ബാഗിന്റെ അകത്ത് മേക്കപ്പിന് വേണ്ടി ഉള്ള സാധനങ്ങൾ ആണെങ്കിൽ അതിന്റെ ആവശ്യം ഇല്ല. നിന്നെ ഇപ്പോൾ തന്നെ കാണാൻ അതി സുന്ദരി ആണ്.” ആദിത്യന് അവളോട് താല്പര്യം ഇല്ലെങ്കിലും അവളെ വരുതിയിൽ കൊണ്ട് വരാൻ വേണ്ടി പറഞ്ഞു.

അവർ ഹെലികോപ്റ്ററിന്റെ അടുത്ത് എത്തിയപ്പോൾ ആദിത്യൻ മുൻപോട്ട് ആഞ്ഞ് അവളുടെ ചെവിയിൽ പറഞ്ഞു. “ഇന്നലെ നീ വന്ന് പോയതിന് ശേഷം ഞാൻ നിന്നെ കുറിച്ച് തന്നെ ചിന്തിക്കുക ആയിരുന്നു. നിന്റെ മസ്സാജും പിന്നെ കഴിഞ്ഞ രാത്രിയിൽ നീ ആണ് എന്റെ ബെഡ്‌റൂമിൽ വന്ന് പോയത് എന്ന തിരിച്ചറിവും എനിക്ക് പിടിച്ച് നിൽക്കാൻ പറ്റാത്ത അവസ്ഥയിൽ കൊണ്ട് എത്തിച്ചു.”

“താങ്കൾക്ക് . . . . താങ്കൾക്ക് അത് അറിയാമായിരുന്നോ?.” സ്വപ്ന വിക്കി കൊണ്ട് ചോദിച്ചു.

“നീ കട്ടിലിൽ നിന്ന് ചാടി ഇറങ്ങിയപ്പോൾ എനിക്ക് മനസ്സിലായി.” ആദിത്യൻ അവളെ ഒരു കണ്ണിറുക്കി കാണിച്ച് കൊണ്ട് പറഞ്ഞു. “എനിക്ക് അപ്പോൾ തന്നെ നിന്നെ കയറി പിടിക്കണം എന്ന് ഉണ്ടായിരുന്നു പക്ഷെ അടുത്ത റൂമിൽ ആളുകൾ ഉണ്ടായിരുന്നത് കൊണ്ട് ഞാൻ അപ്പോൾ വേണ്ടാ എന്ന് വച്ചു.”

സ്വപ്ന എന്തെങ്കിലും മറുപടി പറയുന്നതിന് മുൻപേ ആദിത്യൻ അവളെ Chinook ക്കിന്റെ അകത്തേക്ക് കയറ്റി. Sikorsky യുടെ ആഡംബരം ഒന്നും ആ ഹെലികോപ്റ്ററിന് ഉണ്ടായിരുന്നില്ല. രണ്ട് വശങ്ങളിലും മടക്കി വയ്ക്കാവുന്ന തരത്തിൽ ഉള്ള ബെഞ്ച് പോലത്തെ സീറ്റുകളും നടുക്ക് വിശാലമായ തുറന്ന സ്ഥലവും ആണ് Chinook ക്കിന് ഉണ്ടായിരുന്നത്. ആ ഇരുമ്പ് കൊണ്ട് ഉള്ള നിലത്ത് ഒന്നും തന്നെ വിരിച്ചിരുന്നില്ല.

“ക്യാപ്റ്റൻ ജോൺ.” ആദിത്യൻ വിളിച്ചു. “നമ്മൾ പറക്കുമ്പോൾ പുറകിലത്തെ വാതിൽ തുറക്കാൻ പറ്റുമോ. പറന്ന് കൊണ്ട് ഇരിക്കുമ്പോൾ പുറത്തേക്ക് നോക്കി കടലിന്റെ ഭംഗി ആസ്വദിക്കാൻ ആയിരുന്നു.”

“ഉം ഉറപ്പായും.” ക്യാപ്റ്റൻ ജോൺ തല ആട്ടി കൊണ്ട് പറഞ്ഞു. “ഞാൻ താഴത്തെ വാതിൽ മാത്രം തുറക്കാം മുകളിലത്തെ തുറക്കാതെ വയ്ക്കാം. വാതിലിന്റെ കൂടുതൽ അടുത്തേക്ക് പോകാതെ ശ്രേദ്ധിക്കണം.”

“നന്ദി ക്യാപ്റ്റൻ.” ആദിത്യൻ ക്യാപ്റ്റനോട് പറഞ്ഞതിന് ശേഷം സ്വപ്നയേയും കൊണ്ട് ഒരു സയിഡിൽ ഉള്ള കസേരയുടെ അടുത്തേക്ക് പോയി. ആദിത്യൻ അവളുടെ അടുത്ത് തന്നെ ഇരുന്നു. അവൻ ഒരു കൈയ് കൊണ്ട് അവളെ വട്ടം ചുറ്റിപ്പിടിച്ചു. എൽദോ പുറത്ത് നിന്ന് ഇതെല്ലം ശ്രദ്ധിക്കുക ആയിരിക്കും എന്ന് ആദിത്യന് ഉറപ്പായിരുന്നു.

ഹെലികോപ്റ്ററിന്റെ അകത്ത് ഇരുന്നതോടെ ആദിത്യൻ അസ്വസ്ഥൻ ആകാൻ തുടങ്ങി. അവന് താൻ പ്രിയയെ വഞ്ചിക്കുക ആണോ എന്ന ചിന്ത അലട്ടി കൊണ്ട് ഇരുന്നു. പ്രിയയും അവനും ഒന്നും തുറന്ന് സംസാരിച്ചില്ലെങ്കിലും അവൻ മനസ്സ് കൊണ്ട് പ്രിയയെ സ്നേഹിക്കാൻ തുടങ്ങി ഇരുന്നു. എന്തായാലും സ്വപ്നയിൽ നിന്ന് രഹസ്യങ്ങൾ ചോർത്തി എടുത്തേ പറ്റൂ എന്ന് അവന് അറിയാമായിരുന്നു. ഇത് എൽദോക്ക് ഒരു സംശയവും വരാതെ തന്നെ ചെയ്യണം എന്ന് അവൻ മനസ്സിൽ ഉറപ്പിച്ചു.

“അപ്പോൾ താങ്കൾ എന്നെ കുറിച്ച് തന്നെ ചിന്തിക്കുക ആയിരുന്നു അല്ലെ?.” സ്വാപ്ന ഒരു ശൃംഗാര ചിരിയോടെ ആദിത്യന്റെ ചെവിയിൽ മുഖം അടുപ്പിച്ച് കൊണ്ട് ചോദിച്ചു.