🏝️ സ്വർഗ്ഗ ദ്വീപ് 10🏝️ [അതുല്യൻ]

അഞ്ച് മണിക്ക് കുറച്ച് നിമിഷങ്ങൾ മാത്രം ബാക്കി നിൽക്കെ ആദിത്യൻ ജിമ്മിൽ നിന്ന് പുറത്തേക്ക് ഇറങ്ങി. എൽദോ നടപ്പാതയിൽ അവന് വേണ്ടി കത്ത് നിൽക്കുക ആയിരുന്നു. ആദിത്യനെയും കൊണ്ട് എൽദോ ഹെലിപാഡിന്റെ അടുത്തേക്ക് നടന്നു.

“എല്ലാ കാര്യങ്ങളും ശെരിയാക്കിയിട്ട് ഉണ്ട് മാസ്റ്റർ ആദിത്യ. പിന്നെ ഞാൻ പറയുന്നത് കൊണ്ട് ഒന്നും തോന്നരുത് സ്വപ്നയും താങ്കളെ കാണാൻ അക്ഷമയോടെ കാത്തിരിക്കുക ആണ്.” എൽദോ ആദിത്യനെ നോക്കി ഒരു കണ്ണടച്ച് കാണിച്ച് കൊണ്ട് പറഞ്ഞു.

“കൊള്ളാം എൽദോ നിങ്ങൾ ഒരു നല്ല കൂട്ടുകാരൻ ആണ്.” ആദിത്യൻ ഒരു പുഞ്ചിരി മുഖത്ത് വരുത്തി ഒരു കൈയ് കൊണ്ട് എൽദോയുടെ ചുമലിൽ തട്ടി കൊണ്ട് പറഞ്ഞു.

എൽദോ എന്തോ നേടിയത് പോലെ പുഞ്ചിരിച്ച് കൊണ്ട് പറഞ്ഞു. “വേറെ എന്തെങ്കിലും ഞാൻ താങ്കൾക്ക് വേണ്ടി ചെയ്യേണ്ടത് ആയി ഉണ്ടോ. സ്വപ്ന താങ്കൾക്ക് വേണ്ടി ഹെലികോപറ്ററിന് ഉള്ളിൽ കാത്തിരിക്കുക ആണ്. ഹെലികോപ്റ്റർ പറത്തുന്ന ആളുകൾ താങ്കൾക്ക് ഒരു ശല്യവും ഉണ്ടാക്കില്ല. താങ്കൾക്ക് തിരിച്ച് വരേണ്ട സമയം ആകുമ്പോൾ കോക്ക്പിറ്റിന്റെ വാതിലിൽ ഒന്ന് കൊട്ടിയാൽ മതി. അവർ തിരിച്ച് താങ്കളെ ദ്വീപിൽ എത്തിക്കും.”

“കൊള്ളാലോ എൽദോ എല്ലാം നോക്കിയും കണ്ടും ചെയ്തിട്ട് ഉണ്ടല്ലോ.” ആദിത്യൻ എൽദോക്ക് സംശയത്തിന് ഇടവരുത്താതെ എത്രയും പെട്ടെന്ന് സ്വപ്നയെ കാണാൻ അക്ഷമനായി ഇരിക്കുന്ന ഭാവത്തോടെ വേഗത്തിൽ നടന്ന് കൊണ്ട് പറഞ്ഞു. അവൻ പക്ഷെ മനസ്സിൽ തീരുമാനിച്ചത് സ്വപ്നയെ നല്ലോണം പേടിപ്പിച്ച് അവൾ കഴിഞ്ഞ രാത്രി തന്റെ ബെഡ്‌റൂമിൽ കയറി തന്റെ കൂടെ ബന്ധപ്പെട്ടതിൽ ഉള്ള ദുരുദ്ദേശം അറിയുക എന്നത് മാത്രം ആയിരുന്നു.

അവർ ഒരു വളവ് തിരിഞ്ഞ് കഴിഞ്ഞപ്പോൾ ആദിത്യൻ ഹെലിപാഡിൽ ഹെലികോപ്റ്റർ തയ്യാറായി നിൽക്കുന്നത് കണ്ടു. അവിടെ Sikorsky ഹെലികോപ്റ്ററിന്റെ വാതിലിൽ ഒരു സഹായി അവന് വേണ്ടി കത്ത് നിൽക്കുന്നത് ആദിത്യൻ കണ്ടു. അതിന്റെ പുറകിൽ ദ്വീപിലേക്ക് അതിഥികളെയും ഭക്ഷണ സാധനങ്ങളും കൊണ്ട് വരുന്ന twin-rotor Chinook ആദിത്യൻ കണ്ടു.

“സുഗാശംസകൾ മാസ്റ്റർ ആദിത്യ.” എൽദോ ആദിത്യനെ ഒരു കണ്ണടച്ച് കാണിച്ച് കൊണ്ട് പറഞ്ഞു.

ആദിത്യൻ എൽദോയെ നോക്കി കഷ്ട്ടപ്പെട്ട് പുഞ്ചിരിച്ച് കൈയ് കൊടുത്തു. തന്നെ കുടുക്കിൽ ആക്കാൻ നോക്കുന്ന ഒരാളാണ് തന്റെ മുൻപിൽ ഇങ്ങനെ എല്ലാം അഭിനയിക്കുന്നത് എന്ന് ആദിത്യൻ മനസ്സിൽ ചിന്തിച്ചു.

‘എന്റെ ജീവിതം എങ്ങനെ എല്ലാമാണ് മാറി കൊണ്ട് ഇരിക്കുന്നത് എന്നെ പൂട്ടാൻ ശ്രേമിക്കുന്ന കണ്ട ചെറ്റകൾക്ക് എല്ലാം കൈയ് കൊടുക്കുന്ന അവസ്ഥയിൽ വരെ എത്തി.’ ആദിത്യൻ മനസ്സിൽ ആലോചിച്ചു.

അവന്റെ മനസ്സിൽ ഒരു ചിന്ത കടന്ന് വന്നപ്പോൾ ആദിത്യൻ പെട്ടെന്ന് നിന്നതിന് ശേഷം എൽദോയെ തിരിഞ്ഞ് നോക്കി.

“എന്താ മാസ്റ്റർ ആദിത്യ?.” എൽദോ അവന്റെ മുഖ ഭാവം കണ്ടപ്പോൾ ചോദിച്ചു.

“ക്ഷെമിക്കണം എൽദോ ഞാൻ നിങ്ങളോട് ഹെലികോപ്റ്റർ യാത്ര എന്ന് പറഞ്ഞപ്പോൾ ഞാൻ ഇന്നലെ പോയ ഹെലികോപ്റ്റർ അല്ല ഉദ്ദേശിച്ചത്.” ആദിത്യൻ കാര്യങ്ങൾ അവന്റെ വരുതിയിൽ കൊണ്ട് വരാൻ പെട്ടെന്ന് കളം മാറ്റി ചവുട്ടി കൊണ്ട് പറഞ്ഞു.

“സർ ഞാൻ ഉറപ്പ് തരുന്നു Sikorsky നല്ല സുഖം ഉള്ളതും ശബ്ദം കുറഞ്ഞതുമായ ഒരു ഹെലികോപ്റ്റർ ആണ്.” എൽദോ പെട്ടെന്ന് പറഞ്ഞു. “പിന്നെ മറ്റേ ഹെലികോപ്റ്റർ പെട്ടെന്ന് പുറപ്പെടാൻ . . . .”