🏝️ സ്വർഗ്ഗ ദ്വീപ് 10🏝️ [അതുല്യൻ]

ആദിത്യൻ അതിനെ കുറിച്ച് ചിന്തിച്ചപ്പോൾ അതൊരു നല്ല ആശയം ആണെന്ന് അവനും തോന്നി. ജോളിക്ക് അവന് ഇഷ്ട്ടപ്പെട്ട കാര്യം തന്നെ എവിടെ നിന്ന് വേണമെങ്കിലും ചെയ്യാം. അവനും എലിസബത്തും തമ്മിൽ ഉള്ള അടുപ്പം സത്യമാണെങ്കിൽ അത് മുൻപോട്ട് കൊണ്ട് പോകാൻ ഇങ്ങനെ ഒരു അവസരം സഹകമാകും പിന്നെ അവന് തന്റെ കൂടെ കൂടാൻ ആണ് ആഗ്രഹം എങ്കിൽ അവന് ലോകം ചുറ്റി കാണുകയും ചെയ്യാം. ഒരു കൂട്ടുകാരൻ എങ്കിലും കൂടെ ഉണ്ടെങ്കിൽ തനിക്ക് ഒരു ആശ്വാസം ആകും എന്ന് ആദിത്യന് തോന്നി.

“അവനോട് അവന്റെ ചൂതാട്ട കടങ്ങളെ കുറിച്ച് സംസാരിക്കുമ്പോൾ ഞാൻ അവനോട് ഇതിനെ കുറിച്ചും പറയാം.” ആദിത്യൻ തല ആട്ടി കൊണ്ട് പറഞ്ഞു.

“നീ ഇപ്പോൾ തന്നെ അവനോട് സംസാരിക്ക്. ഇങ്ങനെ ഉള്ള കാര്യങ്ങൾ പെട്ടെന്ന് പറയുന്നത് ആണ് നല്ലത് ഇപ്പോൾ എന്നതിനെ കാൾ നല്ല ഒരു സമയം വേറെ ഇല്ല.” പ്രിയ അവളുടെ അഭിപ്രായം തുറന്ന് പറഞ്ഞു.

താൻ ജോളിയുടെ സ്വകാര്യ കാര്യങ്ങൾ അന്വേഷിച്ച് കണ്ട് പിടിച്ചു എന്ന് അറിയുമ്പോൾ അവന്റെ തെറിവിളികൾ കേൾക്കുന്നത് ഓർത്ത് ആദിത്യൻ ഒരു സിഗററ്റ് കത്തിച്ച് ആഞ്ഞ് വലിച്ചു. താൻ ഇപ്പോൾ അവനെ സഹായിച്ചില്ല എങ്കിൽ അവൻ കടക്കെണിയിൽ മുങ്ങി ഒന്നും അല്ലാതായി തീരും എന്ന് ആദിത്യന് ഉറപ്പായിരുന്നു. അത് ഓർത്തപ്പോൾ അവൻ നെഞ്ച് വിരിച്ച് പ്രിയയെ നോക്കി കൊണ്ട് സമ്മത രൂപത്തിൽ തല ആട്ടി.

“താങ്കൾ എന്നാൽ അവരോട് സംസാരിക്കാൻ നോക്ക് എനിക്ക് സോഫിയയെ കണ്ട് കുറച്ച് കാര്യങ്ങൾ ചർച്ച ചെയ്യാൻ ഉണ്ട്.” ലക്ഷ്മി അവിടെ നിന്ന് എഴുനേറ്റ് പോകുമ്പോൾ പറഞ്ഞു.

പ്രിയ മുൻപോട്ട് ആഞ്ഞ് ആദിത്യന്റെ കയ്യിൽ പിടിച്ച് കൊണ്ട് പറഞ്ഞു. “ഞാനും ലക്ഷ്മിയും ഒരുമിച്ച് നിന്റെ കൂടെ ജോലി ചെയ്യുന്നത് കൊണ്ട് നിനക്ക് ഒരു പ്രേശ്നവും ഉണ്ടാവില്ല. ഞങ്ങൾ കുറെ കാലങ്ങളായി ഒരുമിച്ച് ജോലി ചെയ്യുന്നത് ആണ് അത് കൊണ്ട് തന്നെ ഞങ്ങൾ വളരെ നന്നായി ഒത്ത് പോകും. അഥവാ എന്തെങ്കിലും കാര്യത്തിൽ ഞങ്ങൾ ഒത്ത് പോകാതെ വന്നാൽ നീ അതിൽ ഒരു തീരുമാനം എടുക്കേണ്ടതായി വരും. നിന്റെ വ്യക്തിപരമായ താല്പര്യങ്ങൾ ആ തീരുമാനം എടുക്കുന്നതിനെ ബാധിക്കരുത് മനസ്സിലായോ?.”

“എന്റെ വ്യക്തിപരമായ താല്പര്യങ്ങൾ എന്ന് നീ ഉദ്ദേശിച്ചത് നമ്മൾ തമ്മിൽ ഉള്ള ബന്ധത്തെ കുറിച്ച് ആണോ?.” ആദിത്യൻ പ്രിയയുടെ മുഖത്തേക്ക് നോക്കി കൊണ്ട് ചോദിച്ചു.

“അതെ.” പ്രിയ തല ആട്ടി കൊണ്ട് പറഞ്ഞു.

ആദിത്യൻ പ്രിയയുടെ കണ്ണുകളിലേക്ക് നോക്കി കൊണ്ട് പറഞ്ഞു. “ഞാൻ ചില സമയങ്ങളിൽ നിനക്ക് എതിരായി ഉള്ള തീരുമാനങ്ങൾ എടുക്കാൻ സാധ്യത ഉണ്ട്.”

“ചില സമയങ്ങളിൽ നീ എന്നെ ദേഷ്യം പിടിപ്പിക്കുകയും ചെയ്യും എന്ന് എനിക്ക് അറിയാം.” പ്രിയ പുഞ്ചിരിച്ച് കൊണ്ട് പറഞ്ഞു. “അത് എനിക്ക് ഒരു പ്രെശ്നം അല്ല. ഒരുമിച്ച് ജോലി ചെയ്യുബോൾ ഇതെല്ലം സാധാരണ ആണ് പിന്നെ ദേഷ്യത്തോടെ ഉള്ള ബന്ധപ്പെടലും വഴക്ക് കൂടി ഒരുമിക്കുമ്പോൾ ഉള്ള ബന്ധപ്പെടലും വളരെ ശക്തം ആയിരിക്കും.”

“നീ എന്താണ് എനി ചെയ്യാൻ പോകുന്നത്?.” ആദിത്യൻ ചിരിച്ച് കൊണ്ട് ചോദിച്ചു.

“നമ്മളുടെ ഓഫീസ് ഒന്ന് വൃത്തിയാക്കണം പിന്നെ നമ്മൾ നിന്റെ LA യിലേ വീട്ടിലേക്ക് പോകുമ്പോൾ വേണ്ട താമസ സൗകര്യങ്ങളും മീറ്റിങ്ങുകളും ഇവെന്റുകളും നമ്മൾ തീരുമാനിച്ചത് അനുസരിച്ച് അവരെ എല്ലാം വിളിച്ച് സമയം അറിയിക്കാൻ ഉണ്ട്.” പ്രിയ പറഞ്ഞു.

“നിനക്ക് വീണ്ടും കുറെ ജോലി ചെയ്ത് തീർക്കാൻ ഉണ്ടെന്ന് തോനുന്നു?.” ആദിത്യൻ അവളെ വിഷമത്തോടെ നോക്കി കൊണ്ട് ചോദിച്ചു.