🏝️ സ്വർഗ്ഗ ദ്വീപ് 7🏝️ [അതുല്യൻ]

സ്റ്റിങ്ങും നീൽ ഫിന്നും സഹായികളും കൂടി അവർക്ക് വേണ്ടി രണ്ട് മണിക്കൂർ നേരം ഒരു സംഗീത വിരുന്ന് തന്നെ ഒരുക്കി. ആദിയയും ആദിരയും ജോണി ഡെപ്പിന്റെ കൂടെ ക്യാപ്റ്റൻ ജാക്ക് സ്പാരോയെക്കുറിച്ച് കുറച്ച് സമയം സംസാരിച്ച് ഇരുന്നു. റോക്കി അഡ്വക്കേറ്റ് പ്രഭാകരനെ കുടിപ്പിച്ച് കിടത്തിയതിന് ശേഷം ക്രിസ്‌റ്റി ടർലിംഗ്ടണിന്റെ കൂടെ ഒരു മണിക്കൂർ മുൻപേ പുറത്തേക്ക് പോയി ഇത് വരെ തിരിച്ച് വന്നിട്ടില്ല. ആദിയ അവളുടെ ക്യാമറ കൊണ്ട് സമ്മതിക്കുന്നവരുടെ എല്ലാം ഫോട്ടോ എടുത്ത് കൊണ്ട് ഓടി നടന്നു. അവൾക്ക് മുറിയിൽ പോയി ആ ഫോട്ടോകൾ ലാപ്ടോപ്പിൽ കയറ്റാൻ ദൃതി ആയിരുന്നു എന്നാലും പുതിയ എന്തെങ്കിലും കാര്യങ്ങൾ ഫോട്ടോ എടുക്കാനായി പിന്നെയും ഉണ്ടായി കൊണ്ട് ഇരുന്നു.

ആദിത്യൻ എല്ലാവരുടെ കൂടെയും ഉള്ള സംസാരം ശെരിക്കും ആസ്വദിച്ചു. മനു വർമ്മയെ കുറിച്ചും പൊതുവായ കാര്യങ്ങളെ കുറിച്ചും അവർ സംസാരിച്ചു. അവൻ കുറെ നേരം പീറ്ററിന്റെ കൂടെയും ലക്ഷ്മിയുടെ കൂടെയും സംസാരിച്ച് അവരെ നല്ല രീതിയിൽ പരിചയപ്പെട്ടു. ലക്ഷ്മിക്ക് തുറന്ന് സംസാരിക്കാൻ ആദ്യം കുറച്ച് മടി ഉണ്ടായിരുന്നു എങ്കിലും സംസാരിച്ച് തുടങ്ങിയപ്പോൾ അവൾ നല്ല ഒരു രസിക ആണെന്ന് ആദിത്യന് മനസ്സിലായി. പീറ്റർ കണ്ണട ഒക്കെ വച്ച് ശെരിക്കും ഒരു ബുദ്ധിജീവി ആയിരുന്നു. അവനെ കാണാൻ ഒരു മോഡലിനെ പോലെ ഉണ്ടായിരുന്നു. ദ്വീപിൽ ഉള്ള ഗെയിമിംഗ് നെറ്റ്‌വർക്കിനെ കുറിച്ച് ആദിത്യനോട് പീറ്റർ പറഞ്ഞു. അവനെ അടുത്ത ദിവസം രാത്രി ‘കാൾ ഓഫ് ഡ്യൂട്ടി’ കളിയ്ക്കാൻ വെല്ലുവിളിച്ചു. പീറ്റർ ഗേമിങ്ങിന്റെ കാര്യത്തിൽ ഒരു പുലിയാണ് ആദിത്യന് അവന്റെ കൂടെ പിടിച്ച് നില്ക്കാൻ പറ്റില്ല എന്ന് ലക്ഷ്മി ആദിത്യനോട് പറഞ്ഞു.

ചാർലീസ് തെറോണിന്റെ കൂടെ LA യെ കുറിച്ച് സംസാരിച്ചിരുന്നപ്പോൾ ആദിത്യന്റെ തുടയിൽ കൈ വച്ച് കൊണ്ട് അടുത്ത പ്രാവശ്യം LA യിലേക്ക് വരുമ്പോൾ അവൾ സ്ഥലങ്ങൾ ചുറ്റി കാണിക്കാം എന്ന് പറഞ്ഞു. അവൾ തന്റെ കൂടെ ഒരു സ്നേഹിതയെ പോലെ സംസാരിക്കുകയാണോ അല്ലെങ്കിൽ തന്നെ വളക്കാൻ നോക്കുകയാണോ എന്ന് അവന് ആദ്യം മനസ്സിലായില്ല പക്ഷെ അവരെ തന്നെ നോക്കി കൊണ്ട് ഇരുന്ന പ്രിയക്ക് അവളുടെ ഡ്രിങ്ക് നെറുകയിൽ കേറിയപ്പോൾ ആദിത്യന് കാര്യങ്ങൾ മനസ്സിലായി.

ആദിര ആരുടെയും കൂടെ സംസാരിക്കാതെ മാറി ഇരിക്കുന്നത് ആദിത്യന് വിഷമം ഉണ്ടാക്കി. ആദിയയും ആദിത്യനും അവളെ സംസാരത്തിലേക്ക് തിരിച്ച് കൊണ്ട് വരാൻ നോക്കി പക്ഷെ നിരാശ ആയിരുന്നു ഫലം. അപ്പോയെക്കും ജോണി ഡെപ്പ് ആദിരയുടെ അടുത്ത് പോയിരുന്ന് അവളുടെ കൂടെ പല കാര്യങ്ങളും ഒരു മൂന്ന് മണിക്കൂർ നേരം സംസാരിച്ച് ഇരുന്നു.

കാര്യങ്ങൾ എല്ലാം ഒന്ന് ഒതുങ്ങിയപ്പോൾ ആദിത്യൻ പ്രിയക്കും ലക്ഷ്മിക്കും പീറ്ററിനും സോഫിയക്കും ജേക്കബിനും വേണ്ടി കോക്ക്ടെയിൽ പറഞ്ഞു. അവർ എല്ലാം വേറെ ഒരു മേശയുടെ ചുറ്റും ഇരുന്ന് അത് കുടിച്ച് കൊണ്ട് സംസാരിച്ച് ഇരുന്നു. ആദിത്യൻ അവരുടെ ഡ്രിങ്ക് തീരുമ്പോൾ മറ്റൊന്ന് പറഞ്ഞ് അവർ സന്തോഷിച്ച് കൊണ്ട് ഇരിക്കുകയാണ് എന്ന് ഉറപ്പ് വരുത്തി.

പാതിരാത്രി കഴിഞ്ഞതോടെ അഥിതികൾ ഓരോരുത്തരായി കിടക്കാൻ വേണ്ടി മുറികളിലേക്ക് പോയി. എല്ലാ അഥിതികളും കിടക്കാൻ പോയി കഴിഞ്ഞപ്പോൾ ആദിത്യൻ ബാക്കി ഉള്ളവരോട് വിട ചോദിച്ച് മുകളിൽ ഉള്ള അവന്റെ സ്യൂട്ട് റൂമിലേക്ക് പോയി. അവൻ ബാൽക്കണിയിലുള്ള കസേരയിലേക്ക് ഇരുന്ന് കൊണ്ട് ഒരു സിഗററ്റ് എടുത്ത് കത്തിച്ചു.

ആദിര അവന്റെ അടുത്തേക്ക് വരുന്നത് കണ്ട് അവൻ അവളെ നോക്കി പുഞ്ചിരിച്ചു.

“അയാളെ ഇന്നെങ്ങും ഒഴിവാക്കാൻ പറ്റുമെന്ന് ഞാൻ വിചാരിച്ചില്ല.” അവൾ തളർച്ചയോടെ പറഞ്ഞ് കൊണ്ട് മേശയിൽ നിന്ന് ഒരു സിഗററ്റ് എടുത്ത് കസേരയിലേക്ക് ഇരുന്ന് കൊണ്ട് കത്തിച്ചു.