🏝️ സ്വർഗ്ഗ ദ്വീപ് 7🏝️ [അതുല്യൻ]

“ഞാൻ ഒരു കുഞ്ഞ് കുട്ടിയല്ല, പ്രിയ.” ആദിത്യൻ അവളുടെ ദേഷ്യത്തോടെ ഉള്ള മുഖത്തേക്ക് നോക്കി കൊണ്ട് പറഞ്ഞു. “ദൈവമേ, നമ്മൾ ഇത്ര പെട്ടെന്ന് പിന്നെയും വഴക്ക് തുടങ്ങിയോ?.”

അവൾ കണ്ണ് ചുരുക്കി അവനെ സൂക്ഷിച്ച് നോക്കി കൊണ്ട് പറഞ്ഞു. “നീ കുഞ്ഞ് കുട്ടിയല്ല എന്ന് എനിക്ക് അറിയാം. ആദിയയെ കുറിച്ച് ആലോജിക്ക്. അവൾ പാവമാണ് ഒരു തുറന്ന പുസ്തകം. ഒരാൾ അവളോട് എന്തെങ്കിലും രഹസ്യം അവരെ കുറിച്ച് പറഞ്ഞാൽ അവൾ തിരിച്ച് അവളുടെ രഹസ്യങ്ങൾ പറയില്ല എന്ന് നിനക്ക് ഉറപ്പ് ഉണ്ടോ. അല്ലെങ്കിൽ ആദിര, അവൾക്ക് ആണുങ്ങളെ വിശ്വാസം ഇല്ല കൂടാതെ നമ്മൾ ഉണ്ടാക്കിയ അവളുടെ കഥകൾ ശെരിക്ക് പഠിക്കാൻ ഉള്ള സമയം അവൾക്ക് കിട്ടിയിട്ടില്ല. അവളുടെ ഏതെങ്കിലും നോവലിന്റെ മൂന്നാമത്തെ അദ്ധ്യായത്തിൽ ഏഴാമത്തെ ഖണ്ഡികയെ കുറിച്ച് ആരെങ്കിലും ചോദിച്ചാൽ അവൾ എന്ത് പറയും.”

“നീ ഒന്ന് സമാധാനപ്പെട് പ്രിയ. നീ ഇതെന്താ അന്നേരം അവരോട് പറയാതെ ഇരുന്നത്.” ആദിത്യൻ ഒരു ദീർഘ നിശ്വാസം എടുത്ത് കൊണ്ട് ചോദിച്ചു.

“സോഫിയയും ജേക്കബും അവരുടെ കൂടെ തന്നെ ഉണ്ടാവും. പ്രേശ്നങ്ങളിൽ നിന്ന് അവരെ വഴി മാറ്റി കൊണ്ട് പോകും. അത് കൊണ്ട് ആണ് ഞാൻ അപ്പോൾ ഒന്നും മിണ്ടാതെ ഇരുന്നത്.”

“അപ്പോൾ നീയും അത് പോലെ എന്റെ കൂടെ ഉണ്ടാവേണ്ടത് ആണ്. അല്ലെ?.”

“അല്ല. എനിക്ക് അവധി ആണ്. കുടിച്ച് സങ്കടം മാറ്റേണ്ട സമയം ആണ്.” അവൾ അരയിൽ കൈകൾ വച്ച് അവനെ തുറിച്ച് നോക്കി കൊണ്ട് പറഞ്ഞു. “നീ എന്റെ വിഷമം മനസ്സിലാക്കി പറഞ്ഞത് ആണെന്ന് എനിക്ക് അറിയാം ആദിത്യ. നീ ഇങ്ങനെ ഉള്ള കാര്യങ്ങൾ ആദ്യം എന്നോട് സംസാരിച്ച് ഒരു തീരുമാനം എടുക്കണമായിരുന്നു. നിങ്ങൾ കാര്യങ്ങൾ ശെരിക്ക് മനസ്സിലാക്കുന്നത് വരെ എങ്കിലും.”

“ഇത് ശെരിക്കും ഒരു പ്രാന്താലയം ആണ്.” അവൾ പറയുന്നത് ശെരിയാണെന്ന് തിരിച്ചറിഞ്ഞപ്പോൾ ദേഷ്യത്തോടെ ആദിത്യൻ പറഞ്ഞു. “നിനക്ക് ശെരിക്കും കുറച്ച് വിശ്രമത്തിന്റെ ആവശ്യം ഉണ്ട്.”

“എനിക്ക് വിശ്രമിക്കാൻ പറ്റുന്നുണ്ട് ആദിത്യ. ഇന്ന് രാവിലെ ബാത്ടബ്ബിൽ ഞാൻ ജോലി ചെയ്യുക ആയിരുന്നു എന്നാണോ നീ വിജാരിച്ചത്?. അത് നിന്നെ പോലെ എനിക്കും സന്തോഷം തരുന്ന ഒരു പ്രവൃത്തി ആയിരുന്നു.”

“ശെരി.” ആദിത്യൻ അനുകൂലിച്ച് കൊണ്ട് പറഞ്ഞു. “നീ വിശ്രമം ഇല്ലാതെ കഷ്ട്ടപ്പെടുന്നു എന്നെനിക്ക് തോന്നി പ്രിയ.”

“എനിക്ക് കുഴപ്പമൊന്നും ഇല്ല ആദിത്യ. ശെരിക്കും ഞാൻ ഓക്കേ ആണ്.”

“ഇന്ന് രാവിലത്തെ കാര്യം നിനക്ക് സന്തോഷം തരുന്നത് ആണെങ്കിൽ എനിക്ക് എനിയും അത് വേണം എന്ന് പറഞ്ഞാൽ?.” ആദിത്യൻ പെട്ടെന്ന് ഒരു കള്ള ചിരി ചിരിച്ച് കൊണ്ട് ചോദിച്ചു.

“പറഞ്ഞ് നോക്ക്. നിനക്ക് എന്റെ കൈയ്യിൽ നിന്ന് ചവിട്ട് കിട്ടു.” പ്രിയ ചിരിച്ച് കൊണ്ട് പറഞ്ഞു. “അങ്ങനെ ചെയ്യണോ വേണ്ടയോ എന്ന് ഞാൻ തീരുമാനിക്കും.”

“നീ തീരുമാനിച്ചാൽ കുഴപ്പമില്ല.” ആദിത്യൻ ചിരിച്ച് കൊണ്ട് പറഞ്ഞു.

“ശെരി, പോയി അകിരോയെ കാണ്. നീ തിരിച്ച് വന്നിട്ട് നമുക്ക് പ്രസംഗം ഒന്ന് കൂടി നോക്കാം.”

ആദിത്യൻ തല ആട്ടി കൊണ്ട് പുറത്തേക്ക് പോയി. അവിടെ ദ്വീപിലെ സ്റ്റാഫുകൾ ഓടി നടന്ന് പണിയെടുക്കുന്നത് അവൻ കണ്ടു.