🏝️ സ്വർഗ്ഗ ദ്വീപ് 7🏝️ [അതുല്യൻ]

“അത് മതി.” ചൈത്ര തല ആട്ടി കൊണ്ട് പറഞ്ഞു.

“അപ്പോൾ ഇതിന്റെ കൂടെ ഒരു ടൈ വേണ്ടേ?.” ആദിത്യൻ ചോദിച്ചു.

“ടൈയും വേണ്ടാ കോളറും വേണ്ടാ. ഇതാണ് നിങ്ങൾ ഇന്ന് ശവസംസ്കാര ചടങ്ങിൽ ഇടുന്നത്.” ചൈത്ര ആജ്ഞാപിച്ചു. അവൾ തിരിഞ്ഞ് അനഘയോട് പറഞ്ഞു. “പോയി ആദിയയുടെ ഉടുപ്പ് എടുത്ത് കൊണ്ട് വാ.”

ചൈത്ര പെട്ടെന്ന് ആദിത്യന്റെ നേരെ തിരിഞ്ഞ് കൊണ്ട് പറഞ്ഞു. “ഇപ്പോൾ തന്നെ അകിരോയെ കണ്ട് നിങ്ങളുടെ താടി വെട്ടി ഒതുക്കാൻ പറയണം.”

“ഭക്ഷണം കഴിച്ചതിന് ശേഷം.” ആദിത്യൻ പറഞ്ഞു.

“ഞാൻ ഭക്ഷണം കഴിച്ചിട്ട് പോകാനാണോ പറഞ്ഞത്?.” ചൈത്ര കർക്കശമായി ചോദിച്ചു.

ആദിത്യന്റെ മുഖം വലിഞ്ഞ് മുറുകി. അവൻ പറഞ്ഞു. “ഞാൻ നിങ്ങളോട് മുൻപേ പറഞ്ഞതാണ് നിങ്ങളുടെ സംഭാഷണ രീതി എനിക്ക് പിടിക്കുന്നല്ല. നല്ല സ്യൂട്ടോ ജാക്കറ്റോ എന്തുമാകട്ടെ എന്നോട് എനി ഇങ്ങനെ സംസാരിച്ചാൽ അത് നിങ്ങളുടെ നല്ലതിന് ആയിരിക്കില്ല.”

അവൾ എന്തോ പറയാൻ വേണ്ടി വായ തുറന്നു പക്ഷെ അപ്പോൾ ആദിത്യന്റെ മുഖ ദേഷ്യത്താൽ വലിഞ്ഞ് മുറുകുന്നത് കണ്ട് അവൾ ഒന്നും മിണ്ടാതെ പുറത്തേക്ക് പോയി. അപ്പോൾ അനഘ അവിടെ അഴിച്ച് ഇട്ടിരുന്ന പ്ലാസ്റ്റിക് കവറുകൾ പെറുക്കി എടുക്കുക ആയിരുന്നു.

“സ്യൂട്ടിന് നന്ദി.” അനഘ പുറത്തേക്ക് പോകുമ്പോൾ ആദിത്യൻ അവളോട് പറഞ്ഞു.

അവൾ ആദിത്യനെ നോക്കി മനസ്സ് നിറഞ്ഞ ഒരു പുഞ്ചിരി നൽകി. അത് കണ്ട് ആദിത്യൻ ചിരിച്ചു.

“ആർക്കും ചൈത്രയുടെ വായ അടപ്പിക്കാൻ പറ്റും എന്ന് ഞാൻ കരുതിയിരുന്നില്ല.” അനഘ പെട്ടെന്ന് പറഞ്ഞു. “എനിക്ക് അത് കണ്ട് വളരെ സന്തോഷമായി.”

“അത് കൊള്ളാം.” ആദിത്യൻ ചിരിച്ച് കൊണ്ട് പറഞ്ഞു.

അനഘ പുറത്തേക്ക് പോയതിന്റെ പുറകെ ആദിയയും സോഫിയയും അവളെ അനുഗമിച്ച് അവരുടെ സ്യൂട്ട് റൂമിലേക്ക് പോയി. ആദിത്യൻ ഉടുപ്പ് മാറാനായി തിരിഞ്ഞ് ബെഡ്റൂമിലേക്ക് പോകുമ്പോൾ പ്രിയ ലൗഞ്ചിന്റെ വാതിൽക്കൽ അവനെ നോക്കി നിൽക്കുന്നത് കണ്ടു.

“ഇഷ്ട്ടപ്പെട്ടോ?.”

“അവളുടെ വായടപ്പിച്ചതോ?. എനിക്ക് ഇഷ്ടമായി.” പ്രിയ പറഞ്ഞു. “സ്യൂട്ട് കൊള്ളാം.” അവൾ ഒന്ന് കൂടി അവന്റെ തല മുതൽ കാല് വരെ നോക്കി വിലയിരുത്തി കൊണ്ട് പറഞ്ഞു. “വളരെ നന്നായിട്ടുണ്ട്.”

“എനിക്കും ഇഷ്ട്ടമായി.” ആദിത്യൻ ചിരിച്ച് കൊണ്ട് പറഞ്ഞു.

“വേഗം പോയി അത് ചുളിക്കാതെ അഴിച്ച് മാറ്റി വായ്ക്ക്. ചൈത്ര പിന്നീട് വന്ന് അത് നോക്കും. ഇന്നത്തെ ഭക്ഷണം താഴെ ബാറിൽ ആണ്.”

“ശെരി.”

ആദിത്യൻ ബെഡ്റൂമിലേക്ക് പോയി അവിടെ കട്ടിലിന്റെ മുകളിൽ അവന് ഇന്ന് ഇടാനുള്ള ഉടുപ്പുകൾ ചൈത്ര എടുത്ത് വച്ചിരുന്നു. തന്റെ ജീവിതം എങ്ങനെയെല്ലാം മാറി മറിഞ്ഞിരിക്കുക ആണ് എന്ന് ആലോചിച്ച് അവൻ തല കുടഞ്ഞു.

അവൻ കുറച്ച് നിമിഷങ്ങൾ കൊണ്ട് ഉടുപ്പുകൾ മാറി. ഒരു കറുത്ത ജീൻസും ഒരു നിറം മങ്ങിയ ടീഷർട്ടും അതിന്റെ മുകളിൽ ഒരു കറുത്ത ഷർട്ടും ഷൂസും ആണ് അവൻ ധരിച്ചത്.