Posted by “ഞാൻ അപ്പോഴത്തെ ദേഷ്യത്തില് പറഞ്ഞതല്ലേ ..അതിനു നീ കണ്ണ് നിറക്കേണ്ട കാര്യം എന്താ ?”
മഞ്ജുസ് ചിരിയോടെ തിരക്കി .
“എനിക്ക് സംസാരിക്കാൻ താല്പര്യം ഇല്ല …
ഓരോ നേരത്തു ഓരോന്ന് പറയുന്നവരെ എനിക്ക് തീരെ വിശ്വാസം ഇല്ല. ഞാൻ ഇനി മിസ്സുമായിട്ട് ഒരു ഇടപാടും ഇല്ല ”
ഞാൻ തീർത്തു പറഞ്ഞു ഫോൺ വേഗം വെച്ചു.
അത് മഞ്ജുസിനു ഒരു ക്ഷീണം ആയി എന്ന് തോന്നി . പിന്നെ അവള് വിളിച്ചില്ല . ഞാൻ പോസ് ഇട്ടു ഡയലോഗ് അടിച്ചതുകൊണ്ട് എനിക്കും തിരിച്ചു വിളിക്കാൻ പറ്റില്ല. അങ്ങനെ പിറ്റത്തെ ദിവസം ആണ് വഴിയിൽ വെച്ചു പതിവ് പോലെ ഞങ്ങള് കണ്ടത് .
കാറിൽ ആ വഴി വന്ന മഞ്ജുസ് എന്റെ അരികിലായി വണ്ടി നിർത്തി . ഒരു ഇളംപച്ചയും വെള്ളയും കലർന്ന സാരിയും ബ്ലൗസും ആയിരുന്നു അവളുടെ വേഷം . കാറിന്റെ ഗ്ലാസ് താഴ്ത്തികൊണ്ട് അവളെന്നെ നോക്കി.
“കോളേജിലൊട്ടല്ലേ ? കേറിക്കോ ..”
പിന്നെ പയ്യെ എന്നോടായി പറഞ്ഞു .
“ഞാൻ ബസ്സില് വന്നോളാം ..”
ഞാൻ ആ ക്ഷണം മുഖം വെട്ടിച്ചുകൊണ്ട് നിരസിച്ചു .
“പ്ലീസ് …ഒന്ന് കേറെടോ..കവിൻ എന്താ ഇങ്ങനെ അന്യന്മാരെ പോലെ ”
മഞ്ജുസ് സ്റ്റിയറിങ്ങിൽ താളം പിടിച്ചുകൊണ്ട് ചിരിച്ചു .
“ഞാൻ അന്യൻ ആയതുകൊണ്ടാണല്ലോ മിസ് എന്റെ കുത്തിന് പിടിച്ചത് ”
ഞാൻ തലേന്നത്തെ സംഭവം ഓർത്തു ദേഷ്യംകൊണ്ടു.
“എടാ നീ നേരം കളയാതെ കേറിക്കെ …ആള്ക്കാര് കാണും…അതൊക്കെ ഞാൻ പറയാം … ”
വണ്ടി നിർത്തി എന്നെ പുറത്തു നിർത്തി സംസാരിക്കുന്നത് ആരേലും കാണുമോ എന്നോർത്ത് മഞ്ജുസ് പല്ലിറുമ്മി .
“ഞാൻ ഇല്ല …മിസ് പൊക്കോ …ഇനിയും എന്നെ വല്ലോം പറയാൻ അല്ലെ ? ”
ഞാൻ അവളുടെ സ്വഭാവം ഓർത്തു ഗൗരവം നടിച്ചു .
“നീ കേറുന്നുണ്ടോ ഇല്ലേ ? ”
എന്റെ മൊട കണ്ടു അവൾക്കും ദേഷ്യം വന്നു തുടങ്ങി .
“ഇല്ല …”
ഞാൻ തീർത്തു പറഞ്ഞു .
“തീരുമാനിച്ചോ ?”
അവൾ പിന്നെയും എന്നെ പാളിനോക്കി .
“ഒരു പ്രാവശ്യം പറഞ്ഞ ഇയാൾക്ക് …”
ഞാൻ പറഞ്ഞു തുടങ്ങിയതും മഞ്ജുസ് എന്നെ കടുപ്പിച്ചൊന്നു നോക്കി .
“അല്ല…മിസ്സിന് കാര്യം മനസിലാവില്ലേ….”
അതോടെ ഞാൻ ഇയാള്..അയാള് എന്നുള്ളത് തിരുത്തി പയ്യെ പറഞ്ഞു .
“എന്ന നീ ക്ലാസ്സിലോട്ട് വാ …അവിടന്ന് കാണാം ”
മഞ്ജുസ് അർഥം വെച്ചുതന്നെ പറഞ്ഞു . ക്‌ളാസിൽ വെച്ച് എന്നെ നാണംകെടുത്താനുള്ള സൗകര്യം അവൾക്ക് ഉണ്ടെന്നാണ് അതിന്റെ ധ്വനി !
അതോടെ എന്റെ മനസ് ഒന്ന് ഇളകി ..അവിടെ ഇനിയും നാണംകെടാൻ വയ്യ !
“അവിടെ എന്നെ ഇൻസൾട് ചെയ്താൽ ഞാൻ മിസ്സിനെ വല്ലോം ചെയ്യും..ആഹ് ”
ഞാൻ അതുകേട്ടു പയ്യെ പിറുപിറുത്തു .