Posted by ” ഇല്ലഡാ, ഞാൻ വിളിച്ചു. പക്ഷെ അവന്റെ അനിയത്തി ചെന്നൈയിലോ മറ്റോ ആണ് പഠിക്കുന്നത് അവൾ അവരുടെ നാട്ടിൽ വന്നിട്ടുണ്ട് സൊ മാച്ച് തീർന്നതും അവനും അവന്റെ നാട്ടിലേക്ക് പോയി എന്ന് ” ഞാൻ പറഞ്ഞു.
” നിങ്ങൾ എന്ത് പറഞ്ഞു ഇരിക്കുവാ ഇങ്ങ് വാ ” അനന്ദു വന്നു വിളിച്ചു ഞാൻ അവന്മാരുടെ കൂട കൂടി. നന്ദു മാറി ഇരുന്നു. ആട്ടോം പാട്ടും വെള്ളമടിയും ഒക്കെ കഴിഞ്ഞു കിടന്നപ്പോ മണി വെളുപ്പിന് മൂന് ഒക്കെ കഴിഞ്ഞു.
” അജു ഡാ എഴുന്നേക്ക് ” രാവിലെ നന്ദു കുലുക്കി വിളിച്ചപ്പോൾ ആണ് ഞാൻ ഉണർന്നത്.
” ദാ സത്യഅങ്കിൾ ആണ്, നിന്നെ വിളിച്ചിട്ട് കിട്ടണില്ലന്ന് പറഞ്ഞു എന്നെ വിളിച്ചതാ ” അവൻ ഫോൺ എന്റെ നേരെ നീട്ടി കൊണ്ട് പറഞ്ഞു. എന്റെ ഫോൺ ഓഫ്‌ ആയിരുന്നു. സമയം 9 മണി ഒക്കെ കഴിഞ്ഞു ഞാൻ നന്ദുവിന്റെ കയ്യിൽ നിന്ന് ഫോൺ വാങ്ങിയതും അവൻ ബാത്‌റൂമിലേക്ക് പോയി.
” ഹലോ അച്ഛാ ” ഞാൻ ഫോൺ എടുത്തു.
” ഡാ നീ പെട്ടന്ന് ഒരിടം വരെ വരണം ”
” അല്ല അച്ഛാ, ഞങ്ങളുടെ ട്രിപ്പ്‌. ഞാൻ അച്ഛനോട് പറഞ്ഞിരുന്നില്ലേ? ”
” ഇത് അത്യാവശ്യം ആണ്, വരേണ്ട സ്ഥലം ഒക്കെ നന്ദനോട് പറഞ്ഞിട്ടുണ്ട് അവന്‌ അറിയാം. നീ പെട്ടന്ന് ഇങ്ങ് വാ ” എന്നും പറഞ്ഞു അച്ഛൻ ഫോൺ കട്ട്‌ ചെയ്തു. അച്ഛന്റെ സംസാരത്തിൽ നിന്ന് സംഗതി ഇത്തിരി സീരിയസ് ആണെന്ന് മനസ്സിലായി. അപ്പോഴേക്കും നന്ദു കുളി കഴിഞ്ഞ് വന്നിരുന്നു.
” എന്താടാ സംഭവം?? ” ഞാൻ അവനോട് ചോദിച്ചു.
” ആ… അത്…. പിന്നെ… എനിക്കും കൃത്യമായി അറിയില്ല, നീ വേഗം റെഡി ആവാൻ നോക്ക് ” അവൻ തപ്പി കളിച്ചു.
” ha ഒരു അഞ്ചു മിനിറ്റ് “എന്നും പറഞ്ഞു കുളിക്കാൻ കയറി. പെട്ടന്ന് തന്നെ ഞാൻ റെഡിവന്നു. അവമ്മാരെ ഒക്കെ ചവിട്ടി എഴുന്നേപ്പിച്ചു ഞങ്ങൾ പോവുന്ന കാര്യം പറഞ് ഇറങ്ങി.
” ഇനി എങ്കിലും പറ എങ്ങോട്ടാ പോണേന്ന് ” വണ്ടിയിൽ കയറിയപ്പോൾ ഞാൻ നന്ദുവിനോട് ചോദിച്ചു.
” അതൊക്കെ പറയാം നീ അടങ്ങ് ” പറയാം പറയാം എന്ന് പറയുന്നത് അല്ലാതെ അവൻ പറയുന്ന ലക്ഷണം ഒന്നും കാണുന്നില്ല.