“എന്ത് കൊണ്ടാണ് ടോക്കിയോയിൽ നമുക്ക് വ്യവസായ കെട്ടിടങ്ങൾ ഇല്ലാത്തത്?’, ആദിത്യൻ പ്രിയയോട് ചോദിച്ചു. “ഞാൻ ഉദ്ദേശിച്ചത്, റെന്റിന്റെ കാര്യത്തിൽ ലോകത്തിലെ തന്നെ ഏറ്റവും വിലയേറിയ സ്ഥലം അല്ലെ ടോക്കിയോ”.
ഇത് കേട്ടപ്പോൾ പ്രിയയുടെ കണ്ണുകൾ തിളങ്ങി. അവൾ ഒന്ന് പുഞ്ചിരിച്ചു.
“നമുക്ക് ജപ്പാനിൽ ഒരു സ്ഥാപനം പോലും ഇല്ല. നമുക്ക് പ്രധാന കാര്യത്തിലേക്ക് തിരിച്ച് വരാം. മനു വർമ്മ ആദിരയെ പുറം ലോകത്തിന് എങ്ങനെയാണ് ചിത്രീകരിക്കാൻ തീരുമാനിച്ചിരിക്കുന്നത്?.”
“അവളെ കുറിച്ച് ഇന്റർനെറ്റിൽ തിരഞ്ഞാൽ പുറംലോകം എങ്ങനെ കാണും എന്നാണോ?”, പ്രിയ ചോദിച്ചു.
“അതെ”.
“ശെരി കേട്ടോളു, നാല് വർഷത്തോളം അവൾ നിലവാരം ഇല്ലാത്ത പ്രേമ നോവലുകൾ എഴുതി അതിൽ നിന്ന് ലഭിക്കുന്ന വരുമാനത്തിൽ നിന്നാണ് ജീവിച്ച് കൊണ്ട് ഇരുന്നത്. നോവലുകൾ എല്ലാം വേറെ ആളുകളെ കൊണ്ട് എഴുതിച്ചത് ആണ്. നോവലുകളുടെ പുറം ചട്ടയിൽ ഉള്ള പടങ്ങൾ അവളാണെന്ന് വേണമെങ്കിൽ പറയാം. അങ്ങനെ വരണം എന്ന രീതിയിൽ ഫോട്ടോ ഷൂട്ടുകളുടെ സഹായത്തോടെ എടുത്ത ഒരു ഫോട്ടോ”, പ്രിയ പറഞ്ഞ് നിർത്തി.
‘ശെരി, പിന്നെ എന്തൊക്കെ?”, ആദിത്യൻ ചോദിച്ചു.
“കുറെ ബ്ലോഗുകൾ ഒന്നോ രണ്ടോ മാസങ്ങൾ ഓടിയതിന് ശേഷം നിർത്തി. അവളുടെ Facebook, Twitter, Google ഇങ്ങനെയുള്ള അക്കൗണ്ടുകൾ ഇവയെല്ലാം നേരത്തെ പറഞ്ഞ കാര്യങ്ങൾ ശേരിവയ്ക്കുന്ന രീതിയിൽ ഉണ്ടാക്കി”.
ആദിത്യൻ ആ ഇരുട്ടിൽ ഇരുന്ന് കൊണ്ട് അവളോട് തുടരു എന്ന ഭാവത്തിൽ തല ആട്ടി.
“അവളുടെ കൂടെ സ്കൂളിൽ പോയവർ എല്ലാം അവളെക്കുറിച്ച് ഇന്റർനെറ്റിൽ നോക്കും. അതിൽ പറഞ്ഞിരിക്കുന്നത് അവൾ സ്കൂൾ കഴിഞ്ഞതോടെ ബോബെയിൽ ഉള്ള ഒരു ഒറ്റപ്പെട്ട സ്ഥലത്ത് പോയി എഴുത്ത് തുടങ്ങി ഏകാന്ത ജീവിതം നയിക്കുക ആയിരുന്നു എന്നാണ്.”
“ആരെങ്കിലും അവൾ ഒരു ഡാൻസർ ആണെന്ന് തിരിച്ചറിഞ്ഞാൽ?”, ആദിത്യൻ പെട്ടെന്ന് ചോദിച്ചു.
“അവൾ ഗോവയിൽ ഉള്ള ഒരു സ്ട്രിപ്പ് ക്ലബ്ബിൽ ആണ് ജോലി ചെയ്തിരുന്നത് എന്ന് മനു വർമ്മ വർഷങ്ങൾക്ക് മുൻപേ കണ്ട് പിടിച്ചു. അദ്ദേഹം എങ്ങനെ ആണ് അത് ചെയ്തത് എന്ന് എനിക്ക് അറിയില്ല പക്ഷെ അദ്ദേഹം ആ ക്ലബ് വിലക്ക് വാങ്ങി. അതിലുള്ള CCTV ക്യാമറയുടെ റെക്കോർഡുകളെല്ലാം കരസ്ഥമാക്കി. പഴയ ഉടമസ്ഥന്റെ വീട്ടിൽ ഒരു കളവ് നടന്നതിലൂടെ അവിടെ ഉള്ള വീഡിയോ റെക്കോർഡുകളും ഫോട്ടോകളും നമ്മൾ കരസ്ഥമാക്കി.’
“അവളുടെ വീഡിയോ അതിൽ ഉണ്ടായിരുന്നോ?”, ആദിത്യൻ പേടിയോടെ ചോദിച്ചു.
“അവളും അവിടെ ഇതുവരെ ജോലി ചെയ്തിരുന്ന എല്ലാവരുടെയും വീഡിയോ അതിൽ ഉണ്ടായിരുന്നു”, പ്രിയ പെട്ടെന്ന് പറഞ്ഞു. “ഞങ്ങൾക്ക് മനു വർമ്മയിൽ നിന്ന് ഇതിനെ കുറിച്ചുള്ള അറിവ് രണ്ട് ആഴ്ച്ചക്ക് മുൻപാണ് ലഭിച്ചത്. അതിൽ ചില പെൺകുട്ടികൾ പണത്തിന് വേണ്ടി കുറച്ച് അധികം ചെയ്ത് കൊടുക്കാനും തയ്യാർ ആയിരുന്നു. അവർ മയക്ക് മരുന്നും ഉപയോഗിക്കുമായിരുന്നു. അതിന്റെ ഉടമസ്ഥനും കണക്കായിരുന്നു. അവിടെ ജോലി ചെയ്തിരുന്നതിൽ പകുതിപ്പേരും അയാളുടെ കൂടെ കിടക്ക പങ്കിടുമായിരുന്നു. ഇല്ലെങ്കിൽ അയാൾ അവരെ ജോലിയിൽ നിന്ന് പിരിച്ച് വിടുമായിരുന്നു. ബാക്കി പകുതി ഡാൻസർമാർ അയാൾക്ക് നല്ല പണം ഉണ്ടാക്കി കൊടുക്കുന്നുണ്ടായിരുന്നു അത് കൊണ്ട് പിരിച്ച് വിടാൻ പറ്റില്ലായിരുന്നു.”
ആദിത്യൻ മേശയിൽ ഉണ്ടായിരുന്ന ആഷ്ട്രേ അവരുടെ രണ്ട് പേരുടെയും നടുവിലേക്ക് നീക്കി വച്ചു. പ്രിയ സിഗററ്റ് വലിക്കുന്നത് കാണാൻ ഒരു പ്രത്യേക രസം ഉണ്ടായിരുന്നു. ഇതിലും വിചിത്രമായ എത്രയോ കാര്യങ്ങൾ കഴിഞ്ഞ മുപ്പത്തിയാറു മണിക്കൂറിൽ തന്റെ ജീവിതത്തിൽ സംഭവിച്ചു.