” But വൈ?? ഞാൻ എനിക്ക് ഓർമ്മ വെച്ച കാലം തൊട്ട് എന്റെ മനസ്സിൽ കൊണ്ട് നടക്കുന്നതാ ചേട്ടായിയെ. ഒളിഞ്ഞും തെളിഞ്ഞും പലതവണ ഞാൻ അത് ചേട്ടായിയോട് പറയാതെ പറഞ്ഞു. അന്നേരം ഒക്കെ സ്ത്രീ വിരോധം എന്നൊക്ക പറഞ്ഞു എന്നെ അവഗണിച്ചു. ചേട്ടായിക്ക് ബോക്സിങ് ഇഷ്ടം ആണെന്ന് അറിഞ്ഞിട്ട് ഞാനും ബോക്സിങ്ന് ഒക്കെ ചേർന്നു. കോളേജ് ബോക്സിങ് ചാമ്പ്യൻ ആയി, മുടി ഒക്കെ വെട്ടി ഈ കോലം കെട്ടി. എന്നിട്ട് ഇപ്പൊ എവിടെന്നോ കയറി വന്ന അവളോട് ചേട്ടായിക്ക് പ്രേമം പോലും, എനിക്ക് ഇത് അംഗീകരിക്കാൻ പറ്റില്ല. എനിക്ക് എന്താ ഒരു കുറവ്?? സൗന്ദര്യം ഇല്ലേ?? വിദ്യാഭ്യാസം ഇല്ലേ?? പണം ഇല്ലേ??
ആരതി, വെറുമൊരു ആട്ടോക്കാരന്റെ മോള്, അവൾക്ക് എന്നെക്കാളും എന്ത് കോളിറ്റി ആണ് ചേട്ടായി കണ്ടത്?? that bloody bitch, that fucking സ്ലട്ട്… ” അവൾ ആ വാചകം പൂർത്തി ആക്കുന്നതിനു മുന്നേ തന്നെ ഞാൻ അവളുടെ കഴുത്തിനു കുത്തിപിടിച്ചു.
” ഇനി ഒരു അക്ഷരം മിണ്ടിയാൽ നിന്റെ കരണം ഞാൻ അടിച്ചു പൊളിക്കും. നിന്റെ കവിളിൽ പാട് വീണാൽ ഞാൻ അച്ചൂനോട് കാരണം പറയേണ്ടി വരും. അതിന് എനിക്ക് താല്പര്യം ഇല്ല. എന്റെ നിയന്ത്രണം വിടുന്നതിനു മുന്നേ പോവാൻ നോക്ക്.” ഞാൻ കലിപ്പിൽ പറഞ്ഞു. അന്നേരം അവളുടെ കണ്ണുകൾ ഒക്കെ നിറഞ്ഞൊഴുകി. വാതിന്റെ അടുത്തേക്ക് നടന്നു. കൊളുത്ത് എടുക്കാൻ പോയ അവൾ ഒരു നിമിഷം നിന്നു പിന്നെ തിരിഞ്ഞ് എന്നെ ഒന്ന് നോക്കി.
” ആരതി. എന്റെ കയ്യിൽ നിന്ന് ചേട്ടായിയെ തട്ടി എടുത്ത അവൾ ചേട്ടായിയുടെ കൂടെ സന്തോഷത്തോടെ ജീവിക്കും എന്ന് കരുതേണ്ട. ” എന്നും പറഞ്ഞു കണ്ണ് തുടച്ചിട്ട്, വാതിൽ തുറന്ന് പുറത്തേക്ക് പോയി. ഞാൻ ദേഷ്യത്തോടെ കട്ടിലിലേക്ക് മലന്നു കിടന്നു.
‘ ബ്ലഡി women തുണി ഉരിഞ്ഞു കാണിച്ചാൽ ആണുങ്ങൾ ഒക്കെ മയങ്ങും എന്നാണ് വിചാരം ‘ ഞാൻ ഓരോന്ന് ആലോചിച്ചു അങ്ങനെ കിടന്നു. ഉറക്കം വരുന്നില്ല. മനസ്സ് മൊത്തത്തിൽ കലങ്ങി മറിയുകയാണ്. കൊറേ നേരം കൂടി അങ്ങനെ കിടന്നു. പിന്നെ എഴുന്നേറ്റു റൂമിലെ മിനിഫ്രിഡ്ജ് തുറന്നു. അതിൽ വെള്ളം ഇല്ലായിരുന്നു. ഞാൻ അടുക്കളയിലേക്ക് നടന്നു, അവിടെ ഫ്രിഡ്ജിൽ നിന്ന് വെള്ളം എടുത്തു കുടിച്ചു തിരികെ റൂമിലേക്ക് പോവാൻ നേരം ആണ് ഹാളിൽ ആരോ ഇരിക്കുന്നത് പോലെ തോന്നിയത്. ഞാൻ ഹാളിലെ ലൈറ്റ് ഓൺ ചെയ്തു, ആരതി ആയിരുന്നു. എന്തോ ചിന്തയിൽ ആണ്. ലൈറ്റ് ഇട്ടപ്പോൾ അവൾ ഒന്ന് ഞെട്ടി ചിന്തയിൽ നിന്ന് ഉണർന്നു. എന്നെ കണ്ടു കണ്ണ് ഒന്ന് മിഴിച്ചു. ഉണ്ടക്കണ്ണി. കടന്നൽ കുത്തിയ പോലെ ഒരുകിന്റൽ ഉണ്ട് മുഖം.
” എന്താടി ” ഞാൻ ഇത്തിരി കലിപ്പിച്ചു ചോദിച്ചു. അവൾ ഒന്നുമില്ല എന്ന് പറയുംപോലെ ചുമൽ കൂച്ചി കാണിച്ചു. ഇത്തതെന്ത് കൂത്ത്?? സാദാരണ ഞാൻ എന്താടി എന്ന് ചോദിച്ച തിരിച്ചു അതിനേക്കാൾ കടുപ്പത്തിൽ എന്ത് എന്ന് തിരികെ ചോദിക്കുന്നവൾ ആണ് ഇപ്പൊ കാറ്റു പോയ ബലൂൺ പോലെ ഇരിക്കുന്നത്. ഞാൻ അവളെ ഒന്ന് തറപ്പിച്ചു നോക്കി.