അതേ…. കണ്ണന് മറുപടി കൊടുത്തു….
എന്ന മോന് കുറച്ച് നേരം ഇവിടെ നിക്ക്…. മോന്റെ കലാപരുപാടിയൊക്കെ ചേട്ടന് അറിയട്ടെ…. നേതാവ് പറഞ്ഞു…
ഈ നേരത്താണ് പുറത്ത് നിന്ന് ചിന്നുവും രമ്യയും ക്ലാസില് കയറാന് വരുന്നത്. ദൂരെ നിന്നെ കണ്ണേട്ടനെയും തെര്ഡിയേഴ്സിനേയും അവര് കണ്ടു…
ഡീ… രമ്യ…. ആ ജോബിന് കണ്ണേട്ടനോടെന്താ ചോദിക്കുന്നതാവോ…. ചിന്നു ചോദിച്ചു….
അത്… നിന്റെ കാര്യവും…. നിന്റെ പഴയ കാമുകനല്ലേ…. ഭര്ത്താവിനോട് നിന്റെ ക്ഷേമം അന്വേഷിക്കാവും രമ്യ ചിന്നുവിന് ചിരിയോടെ മറുപടി നല്കി…..
എന്റെ കാമുകനൊന്നുമല്ല…. അവന് എന്നോട് ഇഷ്ടമാണെന്ന് പറഞ്ഞു… ഞാന് ഇല്ല എന്ന് പറഞ്ഞു…. അത്രേയുള്ളു…..
ചിന്നുവും രമ്യയും അപ്പോഴെക്കും റാഗിംഗ് ടീംസിന്റെ അടുത്തെത്തിയിരുന്നു…
ഗ്രീഷ്മ…. ഒന്നിങ് വന്നേ…. കണ്ണനെ നോക്കി നടന്ന ചിന്നുവിനെ ജോബിന് വിളിച്ചു….
ചിന്നുവും രമ്യയും അവരുടെ അടുത്തേക്ക് നടന്നു. കണ്ണന് ഇരുവര്ക്കും ഒരു ചിരി പാസാക്കി….
ചിന്നു ജോബിന്റെ അടുത്തെത്തി….
ഗ്രിഷ്മേ…. ഇത് വൈഷ്ണവ്… ഫ്രേഷ്കമ്മറാണ്…. ഇവന് നിന്നെ പ്രപോസ് ചെയ്യാന് പോവുകയാണ്…. ജോബിന് പറഞ്ഞു….
അത് കേട്ടപ്പോ രമ്യ ചിന്നുവിനെയും കണ്ണനെയും നോക്കി കളിയാക്കി ചിരിച്ചു….
ഡാ…. നീയിവളെ പ്രപോസ് ചെയ്യ്…. നിനക്ക് അതിനുള്ള കഴിവുണ്ടോന്ന് നോക്കട്ടെ….. ജോബിന് കണ്ണനോട് പറഞ്ഞു….
കണ്ണന് ചിന്നുവിന് നേരെ തിരിഞ്ഞു…. അവള്ക്കെതിരെ കണ്ണടച്ച് കണിച്ചു. ചിന്നു ഒരു ചിരി കൊടുത്തു… രമ്യ വാ പൊത്തി ചിരി ഒതുക്കാന് നോക്കുന്നുണ്ട്….
അതേയ് ഈ ഗ്രിഷ്മന്നോക്കെ വിളിച്ച് പ്രപോസ് ചെയ്യാന് ഇത്തിരി ബുദ്ധിമുട്ടാ… ഞാന് വല്ല ചിന്നുന്നോ പൊന്നുന്നോ എന്നോക്കെ വിളിച്ചോട്ടെ…. കണ്ണന് തിരിഞ്ഞ് ജോബിനോടായി ചോദിച്ചു…. അവന് തലയാട്ടി സമ്മതം കൊടുത്തു….
അതേയ് ഇതിത്തിരി പൈക്കിളിയാവും ട്ടോ…. കണ്ണന് എല്ലാരോടുമായി മുന്കൂറായി പറഞ്ഞു… ചിന്നുവും രമ്യയും ഇപ്പോഴും ചിരിക്കുന്നുണ്ട്….
കണ്ണന് ചാടി കയറി രാവിലെ അവന് അവളുടെ മുടിയില് വെച്ച വെള്ളുത്ത റോസപ്പൂ എടുത്തു.
സീന് ഒന്ന് ഗംഭീരമാക്കാനാ…. ഒന്നും തോന്നല്ലേ….
നിന്ന് കഥപ്രസംഗം പറയാതെ പ്രപോസ് ചെയ്യടാ…. ഇപ്രവശ്യം ഉത്തരവ് വന്നത് പിറകില് നില്ക്കുന്നവരിലൊരാളില് നിന്നാണ്…..
കണ്ണന് ഇപ്പോ ശരിയാക്കി തരാം എന്നാ ഭാവത്തില് കണ്ണടച്ച് കണിച്ചു പിന്നെ റോസ്സാപ്പു ശരിക്ക് പിടിച്ചു ചിന്നുവിനോടായി പറഞ്ഞു….
എന്റെ പൊന്നു ചിന്നുവേ….
നിയെന്റെ അടുത്ത് നില്ക്കുമ്പോള്
ദേവിസന്നിദ്ധിയിലെ ചെമ്പകപൂക്കളെക്കാള്
നീ സുഗന്ധമുള്ളവളാകുന്നു….
നീന്റെയീ കണ്ണുകള് മേഘശകലത്തിന് മുകളില്
ഉദിച്ചുയരുന്ന സൂര്യനേക്കാള് കാന്തി നല്കുന്നു…..