Posted by വൈകുന്നേരം ഞാൻ തിരികെ എന്റെ വീട്ടിലേക്ക് വന്നു.. രാവിലെ ഞാൻ ഫോൺ വിളിച്ചു എങ്കിലും ചേച്ചി എടുത്തില്ല.. ഉറങ്ങുക ആയിരിക്കും എന്ന് ഞാനും കരുതി.. ഉച്ച ഒക്കെ ആകുമ്പോൾ അങ്ങോട്ടേക്ക് പോകാം എന്ന് കരുതി റൂമിൽ ഇരിക്കുമ്പോൾ ആണ് വാതിലിൽ ഒരു തട്ട് കേക്കുന്നത്..
തുറന്നപ്പോൾ ആന്റപ്പേട്ടനും മേരി ആന്റിയും ആണ്..
“ട കൊച്ചേ ആ ടീച്ചർ അവിടെ ഒറ്റക്കലായോ.. നിനക്ക് ഇന്നലെ അവിടെ നിക്കാൻ മേലാരുന്നോ ” ആന്റപ്പേട്ടൻ ചോദിച്ചു
“ഞാൻ അങ്ങനെ ഒന്നും ഓർത്തില്ല ചേട്ടാ ”
“ആ കൊച്ചിനിപ്പോ എന്തേലും ബന്ധം എന്നൊക്കെ പറയാൻ നീ അല്ലെ ഉള്ളു.. ഇപ്പോൾ കോളേജും അവധി അല്ലെ.. നല്ല മാനസിക വിഷമം കാണും… ഇതൊക്കെ ഞാൻ പറയാതെ തന്നെ നിനക്കറിയാമല്ലോ.. നീ ഒരു കാര്യം ചെയ്യൂ.. കുറച്ച് ദിവസം അങ്ങോട്ടേക്ക് മാറി നിക്ക്.. അല്ലെ മേരി… ”
“അതെ ഇച്ചായ.. അമലേ നീ ചെല്ലുന്നത് അവർക്കും ആശ്വാസമായിരിക്കും ”
ഇതും പറഞ്ഞു ആന്റപ്പേട്ടൻ എന്റെ കയ്യിൽ കുറച്ച് പൈസ വെച്ച് ഏല്പിച്ചിട്ട് പോയി..
ഞാൻ രാവിലെ ഫ്രഷ് ആയി.. കുറച്ച് ഡ്രസ്സ്‌ ഒക്കെ പാക്ക് ചെയ്ത് ചേച്ചിയുടെ വീട്ടിലേക്ക് പോയി..
ഞാൻ ചെന്നപ്പോൾ ഞാൻ എങ്ങനെ അവിടെ നിന്ന് പോരുന്നോ അതുപോലെ കിടക്കുവാ ആ വീട്.. വാതിലും തുറന്ന്…ഞാൻ ഒന്ന് പേടിച് ഓടി റൂമിലേക്ക് ചെന്നു.. ഞാൻ പോയപ്പോൾ എങ്ങനെ ഇരുന്നോ അതുപോലെ മൂലയിൽ കുത്തിയിരിക്കുന്ന ചേച്ചിയെ ആണ് കാണാൻ ഇടയായത്..
കരഞ്ഞു കലങ്ങിയ കണ്ണുകളുമായി ഇരിക്കുന്ന ചേച്ചിയെ കണ്ടപ്പോൾ ഞാൻ ഇന്നലെ ഒറ്റക്കാക്കി ഒരിക്കലും പോകാൻ പാടില്ലായിരുന്നു എന്ന് തോന്നി. ബാഗ് അവിടെ വെച്ചിട്ട് ഞാൻ ചേച്ചിക്കൊപ്പം ഇരുന്നു…
“ചേച്ചി ഇങ്ങനെ ഒക്കെ കാണിച്ചാൽ എനിക്കങ്ങു സന്തോഷം ആകുമല്ലോ.. അമ്മ പോയി.. അത് സത്യമാണ്..എനിക്ക് ആ വേദനയും മനസിലാകും.. പക്ഷെ അതിന് ഇങ്ങനെ ഒക്കെ ആണോ ചെയ്യുന്നത്.. എനിക്ക് വേണം എന്റെ ചേച്ചിയെ ”
മുഖത്തേക്ക് നോക്കി ഞാൻ അത് പറഞ്ഞപ്പോൾ എന്നെ കെട്ടിപിടിച് കരഞ്ഞു..
“കുളിക്കാതേം നനക്കാതേം ഇങ്ങനെ ഇരുന്നോ.. നാറുന്നുണ്ട്.. ” ഞാൻ അതും പറഞ്ഞു ചിരിച്ചപ്പോൾ ചേച്ചിയുടെ മുഖത്തും ഒരു ചിരി വന്നു..
എന്റെ നിർദ്ദേശ പ്രകാരം ചേച്ചി എഴുനേറ്റ് കുളിച് ഡ്രസ്സ്‌ ഒക്കെ മാറി വന്നപ്പോൾ ഞാൻ ഹാളിൽ ഇരിപ്പുണ്ട് ആയിരുന്നു..
“ആഹാ ആളു ഉഷാർ ആയാലോ.. ഇപ്പോഴാ ആറാം തമ്പുരാനാനിലെ മോഹൻലാൽ പറഞ്ഞ ഡയലോഗ് പോലെ അഴിഞ്ഞു വീണ കേശഭാരവുമായി വരുന്ന കാവിലെ ഭഗവതിയെ പോലുണ്ട് ” അവൻ ചിരിച്ചുകൊണ്ട് പറഞ്ഞു
“മാഷിന് ഒരുപാട് ഭഗവതി മാരെ കണ്ട് പരിചയമില്ലല്ലോ ” ചേച്ചിയും തിരിച്ചടിച്ചു..
സത്യത്തിൽ ചേച്ചിയെ ആ മൂഡിൽ നിന്ന് മാറ്റാനായി ആണ് ഞാൻ ഈ ചളി ഒക്കെ പറഞ്ഞത്.. ഞാൻ അവിടെ നിക്കാൻ ആണ് വന്നേക്കുന്നത് എന്നറിഞ്ഞു ചേച്ചിക്കും സന്തോഷമായി.. അമ്മുമ്മ കിടന്ന റൂമിൽ ആണ് ഞാൻ കിടക്കാറ്..