ഒരു ചെറിയ ഇടവേള/വിശ്രമം ചന്തുവിന് നൽകേണ്ടി വന്നു. തുടർന്നെഴുതണോ വേണ്ടേ എന്നൊക്കെയുള്ള ഒരു ആശയക്കുഴപ്പവും, അതിലേറെ മടിയും ഉണ്ടായിരുന്നു. എങ്കിലും കുറെയേറെ വായനക്കാരുടെ പ്രചോദനകരമായ വാക്കുകൾക്ക് മുന്നിൽ ഞാൻ തോറ്റു തുന്നം പാടിപ്പോയി!! ഇതുവരെയും അഭിനന്ദനങ്ങൾ മാത്രമാണ് ലഭിച്ചത്. അതിനു അകമഴിഞ്ഞ നന്ദിയുണ്ട്.
പാതിവച്ചു നിർത്തിയ “കുള്ളൻ കുതിര” ചില മാറ്റങ്ങളോടെ ഒരു കഥാരൂപത്തിൽ അവതരിപ്പിക്കാനുള്ള ഒരു ശ്രമമാണിത്. പരാജയപ്പെട്ടേക്കാം. എങ്കിലും ദയവായി അഭിപ്രായങ്ങൾ തുറന്നെഴുതുക. ധൈര്യമായി വിമർശിക്കുക. നിലവാരമുള്ള എഴുത്തിനെ മനസിലാക്കുന്ന കുറെ നല്ല വായനക്കാരും എഴുത്തുകാരും ഇവിടെയുണ്ട്. അവരുടെ നിരൂപണം ഞാൻ സ്വാഗതം ചെയ്യുന്നു. കുറെയേറെ ‘ലൈക് ‘ കിട്ടുന്നതിലും, ടോപ് ചാർട്ടിൽ വരുന്നതിലും വലുത് നിങ്ങളുടെ അഭിപ്രായമാണ്. ഇവിടെ പലരും തുറന്നെഴുതുന്നതുപോലെ വായനക്കാർ അവരുടെ അഭിപ്രായങ്ങൾ പറയണം എന്ന് ആഗ്രഹമുണ്ട്. അതാണ് ഇനിയും എഴുതാൻ പ്രചോദനം ആവുക.
സസ്നേഹം അശോക്.

---

വലിയൊരു മണിമാളികയുടെ ഗേറ്റിനു പുറത്തു ചന്തു നിൽക്കുകയാണ്. കുറച്ചു മുൻപ് പെയ്തൊഴിഞ്ഞ മഴപ്പാടുകൾ, ഗേറ്റിനുമപ്പുറത്തേക്കു ഒരു വലിയ മാളികയുടെ ഉമ്മറപ്പടി വരെ നീണ്ടു കിടക്കുന്നു. ഗേറ്റിനു പുറത്തു പടർന്നു പന്തലിച്ചു നിന്ന അവൊക്കാഡോ മരത്തിന്റെ ചുവട്ടിൽ സുമയുടെ കാർ ഒളിഞ്ഞു കിടന്നു.
“വാടാ ചന്തു..” കാറിലേക്കു റിമോട്ടു ചൂണ്ടി ഡോറുകൾ പൂട്ടിയിട്ടു സുമ അവനെ ക്ഷണിച്ചു.
ചന്തു ആദ്യമായി അത്രയും വലിയൊരു മാളിക കാണുകയാണ്. ആദ്യമായി താജ്‌മഹൽ കാണുന്ന ഒരു കുട്ടിയുടെ കൗതുകം അവന്റെ കണ്ണിൽ നിഴലിച്ചു. സുമ ചേച്ചി അവനെ ഇവിടേയ്ക്ക് കൊണ്ടുവന്നതിന്റെ കാരണം ചന്തുവിന് ഇപ്പോഴും വ്യക്തമായിരുന്നില്ല. ഒരു സ്ത്രീയെ പരിചയപ്പെടാനാണ് എന്നാണ് സുമ പറഞ്ഞത്. ഒരു പക്ഷെ സുമ ചേച്ചി തന്നെ എവിടേക്കെങ്കിലും കയറ്റുമതി ചെയ്തേക്കുമോ എന്നവന് ആശങ്ക തോന്നി.
“ചേച്ചീ, എന്ത് വലിയ വീടാണിത്..”
“അതേടാ, അവരൊക്കെ വല്യ പൈസക്കാരാടാ… അമേരിക്കയിൽ എന്തോ കൂടിയ ജോലിയാ. ഇങ്ങനെ വല്ലപ്പോഴും വരുമ്പോൾ താമസിക്കാനാ ഈ വീട് പണിതത്.”
“ഹെന്റമ്മേ!, വല്ലപ്പോഴും താമസിക്കാൻ ഇത്രേം വലിയ വീടൊക്കെ വേണോ?” തിളങ്ങുന്ന കണ്ണുകളിൽ അവന്റെ അമ്പരപ്പ് കാണാമായിരുന്നു.
നേർത്ത ലൈലാക് നിറത്തിലുള്ള ഷിഫോൺ സാരിയുടെ തുമ്പ് വലിച്ചു തലയിലേക്കിട്ടു സുമ അവനെ തിരിഞ്ഞു നോക്കി. ചന്തുവിന്റെ കൂതറ പ്രകൃതം ബ്യൂട്ടി പാർലറിലെ നേപ്പാളി പെണ്ണിന്റെ കരവിരുതിൽ ആകെ മാറിയിരുന്നു. പോഷകഗുണമുള്ള ഭക്ഷണം കഴിച്ചു വളർന്ന, സമ്പന്ന കുടുംബത്തിലെ ‘ക്യൂട്ട് ‘ ചെക്കനായുള്ള അവന്റെ മേക്കോവറിൽ സുമയ്ക്ക് അതിശയം തോന്നി. പക്ഷെ ചന്തുവിന് ആദ്യമായി ടൈറ്റ് ജീൻസ്‌ ഇട്ടതിന്റെ വിമ്മിഷ്ടമുണ്ടായിരുന്നു. കാരണം അറിയാമല്ലോ. ഒരു വലിയ ആയുധം അതിനുള്ളിൽ ഒളിപ്പിച്ചു വെക്കാനുള്ള വിഷമം അവന്റെ മുഖത്തു തെളിഞ്ഞു നിന്നു. മനോഹരമായി പാകിയ തറയോടുകളിൽ വെള്ളം തെറിക്കാതെ മെല്ലെ നടന്നു നീങ്ങുന്ന സുമയുടെ,