Posted by അതിൽ നിന്നും ഒക്കെ രക്ഷപ്പെടാൻ ആണ് ഈ ജോലി തിരഞ്ഞെടുത്തത്.
പക്ഷേ ഇവിടെ വന്നപ്പോൾ അവരെ നന്നായി മിസ്സ്‌ ചെയ്യുന്നു.
⭕️⭕️⭕️⭕️⭕️⭕️⭕️⭕️⭕️⭕️⭕️⭕️⭕️
ടാക്സി ഇറങ്ങി ഞാൻ ഓഫീസിലേക്ക് നടന്നു.
ഞാൻ ഓഫീസിന്റെ മുൻപിൽ നിന്നു.
എനിക്ക് വല്ലാത്ത ടെൻഷനും പേടിയും തോന്നി.
ആദ്യം ആയി ജോലിക്ക് കയറുക്കയലെ ?
അതിന്റെ ഒരു ബുദ്ധിമുട്ട്.
എന്റെ നിൽപ്പ് കണ്ടിട്ടാണെന്ന് തോന്നുന്നു ഒരു ചേച്ചി എന്റെ അടുത്തേക്ക് വന്നു.
“താൻ ഇവിടെ പുതിയ ജോയിൻ ആണോ ”
“അതെ. എങ്ങനെ മനസിലായി ”
” ഇവിടെ ജോലി ചെയ്തു കൊണ്ടിരിക്കുന്നവർ ആരും ഇവിടെ ഇങ്ങനെ പകച്ചു നിൽക്കില്ല ”
“ഞാൻ സോന ” ആ ചേച്ചി എനിക്ക് നേരെ കൈ നീട്ടി.
” അന്ന ” ഷേക്ക്‌ ഹാൻഡ് ചെയ്തുകൊണ്ട് പറഞ്ഞു.
“അന്ന ഏതാ ഡിപ്പാർട്മെന്റ് ”
“സെയിൽസ് ”
“ഓ ഞങ്ങളുടെ ഡിപ്പാർട്മെന്റ് ആണോ. വായോ “എന്ന് പറഞ്ഞ് സോന നടന്നു.
അമ്മയുടെ ഒപ്പം ആദ്യം ആയി സ്കൂളിൽ പോകുന്ന കുട്ടിയെ പോലെ സോനയുടെ പുറകെ അന്ന നടന്നു.
“അന്ന തനിക്ക് കോളേജിൽ ഓക്കേ റാഗിംഗ് കിട്ടിയിട്ടുണ്ടോ ? ”
“മം ചെറുതായിട്ട്. എന്താ ചേച്ചി ചോദിച്ചത് ? ”
“ഇവിടെ ഫസ്റ്റ് ടൈം വരുന്നവരെ ഒക്കെ റാഗിംഗ് ചെയുന്നത് ഒരു കീഴവഴക്കമാ. അത് കൊണ്ട് ചോദിച്ചതാ ”
ദൈവമേ റാഗിംഗ് ഒക്കെ പറയുമ്പോൾ എങ്ങനെ ആയിരിക്കും.
കോളേജിൽ റാഗിംഗ് ഒക്കെ കിട്ടിയെങ്കിലും അത് ഒക്കെ ചുമ്മാ കളി തമാശ ആയിരുന്നു.
ഇവിടെ എങ്ങനെ അന്നോ എന്തോ !
അന്ന ഓരോന്ന് ആലോചിച്ചു സോനയുടെ പുറകെ നടന്നു.
⭕️⭕️⭕️⭕️⭕️⭕️⭕️⭕️⭕️⭕️⭕️⭕️⭕️⭕️
പെട്ടന്നൊരു കൈ വന്ന് എന്റെ ചുണ്ടിലെ സിഗരറ്റ് വലിച്ചെടുത്തു കൊണ്ടുപോയി .
തിരിഞ്ഞു നോക്കിയ ഞാൻ കാണുന്നത് കൈയിൽ സിഗരറ്റും പിടിച്ച് ചിരിച്ചു നിൽക്കുന്ന ശ്രേയയെ ആണ്.