രതിശലഭങ്ങൾ ലൈഫ് ഈസ് ബ്യൂട്ടിഫുൾ 20 [Sagar Kottapuram]

ഞാൻ അവന്റെ പുറത്തു തട്ടികൊണ്ട് ചിരിച്ചു . പിന്നെ കൗണ്ടറിൽ പോയി അവൻ ആവശ്യപ്പെട്ട പൈസയും എടുത്തുകൊടുത്തു . എന്റെ അക്കൗണ്ടിൽ അത്രയും പൈസ ഇല്ലാത്തോണ്ട് മഞ്ജുസിന്റെ അക്കൗണ്ടിൽ നിന്നാണ് പണം എടുത്തത് . അതുകൊണ്ട് കക്ഷിയുടെ കാൾ ഉടനെ വരുമെന്ന് എനിക്കറിയാം . കാരണം ഞാൻ പൈസ എടുത്താൽ അപ്പൊ നോട്ടിഫിക്കേഷൻ പോകുന്നത് അവളുടെ നമ്പറിലോട്ടാണ് !എന്നെ തിരികെ ഓഫീസിൽ തന്നെ ഡ്രോപ്പ് ചെയ്തു തന്നിട്ട് കാർത്തി യാത്ര പറഞ്ഞിറങ്ങി . കുറച്ചു കഴിഞ്ഞതോടെ മിസ്സിന്റെ  വിളി എത്തി . അത് പ്രതീക്ഷിച്ചിരുന്നതുകൊണ്ട് ഞാൻ ചിരിയോടെ അറ്റൻഡ് ചെയ്തു .

“ഹലോ മേംസാബ് …”
ഞാൻ ചിരിയോടെ പറഞ്ഞു .

“വേർ ഈസ് മൈ ടെൻ തൗസൻഡ് ?”
മഞ്ജു മറുവശത്തു ഗൗരവത്തിൽ തന്നെ ചോദിച്ചു .

“ശേ ..എന്താണ് മഞ്ജുസേ ..നിന്റെ എന്റെ എന്നൊക്കെ ഉണ്ടോ ?”
ഞാൻ അവളുടെ ചോദ്യം കേട്ട് ചിരിച്ചു .

“ആഹ് ഉണ്ട് ..ഇനി പഴയ ബ്ലാക്‌മെയ്ൽ ഒന്നും വേണ്ട ..അതും പറഞ്ഞു നീ കൊറേ ആയി പറ്റിക്കുന്നു ”
മഞ്ജുസ് മറുതലക്കൽ ദേഷ്യപ്പെട്ടു .

“എന്താണ് മോളെ ..ഏട്ടന് ആവശ്യം ഉണ്ടായിട്ടല്ലേ”
ഞാൻ ഫോണിലൂടെ കൊഞ്ചി നോക്കി .

“നിനക്കു ഡെയിലി ഓരോ ആവശ്യം  ആണല്ലോ ? സ്വന്തം അക്കൗണ്ടിന് എടുത്തൂടെ ?”
അവള് പിന്നെയും ഗൗരവം നടിച്ചു .

“അത് കാലി ആണ് ..അല്ലെങ്കിലും എന്റെ സാലറി എനിക്ക് കിട്ടാറില്ലല്ലോ ”
ഞാൻ ചെറിയ വിഷമം അഭിനയിച്ചുകൊണ്ട് പറഞ്ഞു .

“കിട്ടിയിട്ട് എന്തിനാ ? ധാനം ചെയ്യാൻ അല്ലേ ? ആരേലും സങ്കടം പറഞ്ഞാൽ കാശ് എടുത്തു കൊടുക്കാൻ നീ ആരാടാ അംബാനിയുടെ മോൻ ആണോ ?”
മഞ്ജുസ് മറുതലക്കൽ ചൂടായി .

“അതുശരി അപ്പൊ അങ്ങനെ ഒക്കെ ആയി അല്ലേ , നടക്കട്ടെ നടക്കട്ടെ ?”
ഞാൻ സെന്റി അടിച്ചുകൊണ്ട് അവളുടെ മനം മാറ്റാൻ നോക്കി .

“കവി ചുമ്മാ നമ്പർ ഇടല്ലേ ..ഞാൻ ഇത് കൊറേ വിശ്വസിച്ചു മണ്ടി ആയതാ.. ”
അതിലും വീഴാത്ത പോലെ മഞ്ജുസ് ചിരിച്ചു .

“പിന്നെ എന്താ നീ ഇങ്ങനെ ഒക്കെ പറയുന്നേ ? നിനക്കു വേറേം അക്കൗണ്ട് ഉള്ളതല്ലേ പിന്നെന്താ ? ഈ പതിനായിരം ഒക്കെ നിനക്കൊരു എമൗണ്ട് ആണോ മോളെ ?”
ഞാൻ നിസാരമട്ടിൽ ചോദിച്ചു .