Posted by
” എന്താ ഏട്ടന്റെ തീരുമാനം? ”
തന്റെ കാലിൽ കെട്ടിപിടിച്ചു കരയുന്ന കിച്ചനെ ഒന്ന് നോക്കുക പോലും ചെയ്യാതെ അമ്മ വല്യമ്മാമയോട് ചോദിച്ചു.
” എന്റെ അച്ഛൻ ഒരു തെറ്റ് ചെയ്തു, എന്റെ പെങ്ങളുടെ ഇഷ്ടം അംഗീകരിച്ചില്ല അതിനു ശേഷം അവളുടെ ജീവിതത്തിൽ ഉണ്ടായത് എല്ലാം ഒരു വേദനയോടെ കണ്ടവൻ ആണ് ഞാൻ. ആ തെറ്റ് എന്റെ മോളുടെ കാര്യതിലും ആവർത്തിക്കാൻ എനിക്ക് താല്പര്യം ഇല്ല, ഇങ്ങൾക്ക് ഒക്കെ എതിർപ്പ് ഇല്ലേൽ താരയുടെ ഇഷ്ടം പോലെ ഈ മുഹൂർത്തത്തിൽ തന്നെ ഇവരുടെ കല്യാണം നടക്കട്ടെ. ”
വല്യമ്മാമ ഉണ്ണുമാമയെ നോക്കികൊണ്ട് പറഞ്ഞു.
” എനിക് എതിർപ്പ് ഒന്നുമില്ല, കിച്ചൻ നമ്മുടെ ചെക്കൻ അല്ലേ, നിന്റെ അഭിപ്രായം എന്താ?? ” ഉണ്ണിമാമ, അനന്ദുവിനെ നോക്കി ചോദിച്ചു.
” എനിക്ക് ഇനി എന്തായാലും താരയെ വേണ്ട, അവളുടെ ഇഷ്ടം പോലെ നടക്കട്ടെ” അനന്ദു.
” അപ്പൊ ആ കാര്യത്തിൽ ഒരു തീരുമാനം ആയില്ലേ, എന്നാ ഈ ചെക്കനെ പിടിച്ച് എഴുന്നേൽപ്പിക്ക് ” എന്താ നടക്കുന്നെ എന്ന് മനസ്സിലാകാതെ ഇരിക്കുന്ന കിച്ചനെ നോക്കി വല്യമ്മായി ആണ് അത്‌ പറഞ്ഞത് .
” ആർക് മനസ്സിലായില്ലേലും നിങ്ങളുടെ മനസ്സ് എനിക്ക് മനസിലാവും ” അമ്മ കിച്ചനെ പിടിച്ച് ഉയർത്തി, കൊണ്ട് പറഞ്ഞു. നിറഞ്ഞ കണ്ണുകളോടെ കിച്ചൻ അമ്മയെ കെട്ടിപിടിച്ചു. ആ അമ്മ അവനെ ആശ്വസിപ്പിചു.
ഈ കല്യാണത്തിന് ബന്ധുക്കളിൽ പലർക്കും മുറുമുറുപ്പ് ഉണ്ടായിരുന്നു എന്നാ വല്യമ്മാമയുടേം ഉണ്ണിമാമയുടേം തീരുമാനിതിന് മുന്നിൽ അവർ അടങ്ങി. മുത്തശ്ശി എതിർക്കുയോ അനുകൂലിക്കുയോ ചെയ്തില്ല, എല്ലാരും ആ മൗനം സമ്മതമായി എടുത്തു.
പിന്നീട് എല്ലാം പെട്ടന്ന് ആയിരുന്നു, കിച്ചൻ പോയി ഡ്രസ്സ്‌ മാറി വന്നു, വധു വന്നു, അനന്ദുവിനു കുറിച്ച് കൊടുത്ത മുഹൂർത്തത്തിൽ കിച്ചൻ താരയുടെ കഴുത്തിൽ താലി ചാർത്തി, അവന്റെ പെങ്ങളുടെ സ്ഥാനത്ത് നിന്ന് ആതിര ആ കെട്ടുമുറുക്കി. താരയുടെ നെറ്റിയിൽ സിന്ദൂരം ചാർത്തിയപ്പൊ അവളുടെ കണ്ണുകൾ സന്തോഷം കൊണ്ട് നിറഞ്ഞൊഴുകി. നടക്കുന്നത് എല്ലാം സത്യം ആണോന്ന് കിച്ചന് ഉറപ്പ് ഇല്ലായിരുന്നു നല്ല സുന്ദരമായ സ്വപ്നം ആണോ എങ്കിലും അവനും വളരെ സന്തോഷവാൻ ആയിരുന്നു എല്ലാം കലങ്ങിതെളിഞ്ഞല്ലോ.