💥ചെറിയമ്മയുടെ സൂപ്പർഹീറോ 5💥[Hyder Marakkar]

വാതിലിന് മുന്നിൽ എത്തിയപ്പോൾ എന്റെ ചോദ്യം കേട്ട് ദേവു ഞെട്ടി തിരിഞ്ഞ് നോക്കി,“പുള്ളിയുടെ ഒരു മെസ്സേജ് വാട്സാപ്പിൽ വന്നിരുന്നു, ഞാൻ അറിയാതെ വായിച്ച് പോയി, എനിക്ക് ഒറ്റ കാര്യം അറിഞ്ഞ മതി, ദേവൂന് അയാളെ ഇഷ്ടമാണോ”
വാതിലിന് മുനിൽ എന്നെ തന്നെ നോക്കി കൊണ്ട് നിന്ന ദേവൂനോട് ഞാൻ ചോദിച്ചപ്പോൾ അല്ലെന്ന രീതിയിൽ ദേവു തല കുലുക്കിഎന്റെ പൊന്നു സാറേ…… ആ നിമിഷം കാല് ഒടിഞ്ഞു കിടക്കുകയായി പോയി ഇല്ലെങ്കിൽ ദേവൂനെ ഞാൻ ഒന്ന് സിനിമയിൽ ഒക്കെ കാണുന്ന പോലെ എടുത്ത് കറക്കിയേനെ“എന്ന ഇനി പുള്ളി ശല്യം ചെയ്യാൻ വന്ന ഞാൻ എൻഗേജ്ഡ് ആണെന്ന് പറഞ്ഞ മതി…. ചെക്കൻ കാല് ഒടിഞ്ഞു കിടക്കാ അല്ലെങ്കിൽ ഒന്ന് വന്നു കണ്ടേനെ ന്ന് പറഞ്ഞോ”
ദേവു ഒന്നും മിണ്ടാതെ പോയി, പക്ഷെ ആ ചുണ്ടിൽ ചെറിയ ചിരി വിരിഞ്ഞില്ലേ….. ഹാ എന്തായാലും രമേശ്‌ സാറിന്റെ കാര്യം ആലോചിച്ചു ഇനി ടെൻഷൻ വേണ്ട
പിന്നെ ഞാൻ ഇഷ്ടമാണെന്ന് പറഞ്ഞപ്പോൾ ഇഷ്ടമല്ലെന്ന് ദേവു ഒരു വാക്ക് പറഞ്ഞില്ല, ഇത് ശരിയാവില്ല നടക്കില്ല എന്നൊക്കെ ആണ് പറഞ്ഞത്, മൊത്തത്തിൽ കാര്യങ്ങൾ പോസിറ്റീവ് ആയി വരുന്നുണ്ട്, പക്ഷെ ഉള്ളിൽ ഉണ്ടെങ്കിലും ആ ഇഷ്ടം തുറന്ന് പറയിപ്പിക്കുക അത്ര എളുപ്പമുള്ള പണിയല്ല.

ദേവു പോയി കഴിഞ്ഞ് ഞാൻ വീണ്ടും ഫോണിൽ തോണ്ടി ഇരുന്നു, ഹോ….. ഒരു മാസമെങ്കിലും ഈ കിടപ്പ് കിടക്കേണ്ട വരും, ഇത് ഒരു ദിവസം പോലും എന്നെ കൊണ്ട് ഇങ്ങനെ കിടക്കാൻ പറ്റുമെന്ന് തോന്നുന്നില്ല ( കൃത്യം ഒരു വർഷം കഴിഞ്ഞ് കൊറോണ എന്ന് പറഞ്ഞ ഒരു വൈറസ് വരുമെന്നും മാസങ്ങൾ വീട്ടിൽ അനങ്ങാൻ കഴിയാതെ ഇരിക്കേണ്ട വരുമെന്നും അന്ന് എനിക്ക് അറിയില്ലലോ).

അമ്മു ഉറങ്ങി എഴുന്നേറ്റ് വന്ന ശേഷം പിന്നെ സമയം പോയത് അറിഞ്ഞില്ല, ദേവു രാത്രി ഭക്ഷണം കഴിക്കാൻ വിളിക്കുന്നത് വരെ അവൾ എന്റെ കൂടെ ഇരുന്നു, കുറച്ച് അവളുടെ സ്കൂളിലെ തള്ളുകൾ കേൾക്കേണ്ടി വരുമെങ്കിലും സമയം കളയാൻ ഏറ്റവും നല്ല മരുന്ന് എന്റെ അമ്മു കുട്ടി തന്നെ ആണ്.

അമ്മു ഭക്ഷണം കഴിക്കാൻ പോയ ശേഷം എനിക്കുള്ള ഭക്ഷണവുമായി ദേവു വന്നു, വാരി തരാമെന്ന് പറഞ്ഞെങ്കിലും ഞാൻ ഒറ്റയ്ക്ക് കഴിക്കാമെന്ന് പറഞ്ഞ് ദേവൂനെ പറഞ്ഞയച്ചു, അല്ലെങ്കിലും കൈക്ക് യാതൊരു കുഴപ്പവും ഇല്ലല്ലോ….. പക്ഷെ എഴുന്നേറ്റു നടക്കാൻ കഴിയില്ല, ബാത്‌റൂമിൽ പോകാൻ ഒക്കെ ദേവൂന്റെ സഹായം വേണ്ടി വരും. ഭക്ഷണം തരാൻ വന്നപ്പോഴും ദേവൂന് ഒരു ചമ്മൽ ഉള്ളത് പോലെ തോന്നി, ആ പറഞ്ഞിട്ട് കാര്യമില്ല, ഞാൻ എന്റെ മനസിലുള്ളത് മുഴുവൻ വെട്ടി തുറന്ന് പറഞ്ഞത് അലെ, റെഡിയാക്കി എടുക്കണം.

ഭക്ഷണം ഒക്കെ കഴിച്ച് കഴിഞ്ഞ് കിടക്കാൻ നേരത്താണ് കുട്ടൻ മാമന്റെ വിളി വന്നത്, വിവരം മൊത്തം അറിഞ്ഞുള്ള വിളി ആയത് കൊണ്ട് പുള്ളി കുറെ ചീത്ത പറഞ്ഞു, ചീത്ത പറഞ്ഞ് മടുത്തപ്പോൾ പിന്നെ ഉപദേശം തുടങ്ങി,