Posted by “ട നാളെ ഫാത്തിമ കാണാന്ന് പറഞ്ഞിട്ടുണ്ട്, ”
“അയിന്?? ”
“ട അവളുടെ കോളേജിൽ വെച്ചു റിസ്ക് ആണ്, അതാ.. ”
“എന്ത് അതാ… നീ കാര്യം പറ, നീയും അവളും കാണുന്നതിന് ഞാനെന്ത് ഹെല്പ് ചെയ്യാനാ “.
“ട നാളെ ബസ്റ്റോപ്പിൽ വെച്ച അവൾ കാണാന്ന് പറഞ്ഞത്. പക്ഷേ അവളുടെ വാപ്പായല്ലേ ആ റൂട്ട് ഓടുന്നത്. അപ്പോൾ.”
” അപ്പോൾ ഞാൻ ഷാജിക്കയെ ഒഴിവാക്കണമായിരിക്കും, നടക്കില്ല അളിയാ…. നടക്കത്തില്ല.. ”
“എന്തോന്ന അളിയാ നീ വിജാരിച്ചാലേ എനിക്ക് അവളോടൊന്നു സംസാരിക്കാൻ പറ്റു,. പ്ലീസ് അളിയാ ഒന്ന് ഹെൽപ്പടോ.. ”
“ട നാളെ എല്ലാ റൂട്ടിലും ആളുണ്ട്, പിന്നെ ഞാനെന്ത് ചെയ്യാനാ.. ”
“ട അങ്ങനെ പറയല്ലേ, നീ വിചാരിച്ചാൽ നടക്കും.. ഒന്ന് നോക്കടോ… അല്ല നീ വിജാരിച്ചാലാണോ റൂട്ട് മാറ്റിയിടാൻ പറ്റാത്തെ, ”
“അഹ് നോക്കട്ടെ… നീ ഇപ്പോൾ ഫോൺ വെക്കു എനിക്ക് ഉറക്കം വരുന്നു.. ”
“അളിയാ നോക്കിയാൽ പോരാ… വേറെ വഴിയില്ല.. ”
“അഹ്… ”
“ഒക്കെ, അളിയാ good night, ”
“അഹ് good night
അതും പറഞ്ഞു പ്രിയൻ ഫോൺ കട്ട്‌ ചെയ്തു..
പ്രിയൻ കാട്ടിലേക്ക് കിടന്നു..
ഷമീറിനോട് പറ്റില്ലാന്ന് പറഞ്ഞെങ്കിലും നാളെ അവനു വേണ്ടി ഷാജിക്കയെ ഒഴിവാക്കിയേ പറ്റു. പ്രിയന്റെ ഉറ്റ ചങ്കാണ് ഷമീർ. അതുകൊണ്ട് പ്രിയൻ എന്തും ചെയ്യും
പെട്ടന്ന് ഫോണെടുത്തു പ്രിയൻ തങ്ങളുടെ G.K.roadways ന്റെ മാനേജർ ആയ ശങ്കരേട്ടനെ വിളിച്ചു, പുള്ളിക്കാരനാണ്. Roots schedule ചെയ്യുന്നത്.
മൂന്നു നാല് റിങ്ങിനുള്ളിൽ ഫോണെടുത്തു..
“ഹലോ.. എന്താ കുഞ്ഞേ പറഞ്ഞോ.. ”
“അഹ് ശങ്കരേട്ടാ ഓഫീസിലാണോ, ”
“അഹ് ആണല്ലോ കുഞ്ഞേ, കളക്ഷൻ ഒക്കെ അച്ഛനെ ഏൽപ്പിച്ചല്ലോ, ”
“എന്റെ ശങ്കേരേട്ടാ ഞാൻ അതിനല്ല വിളിച്ചത്, നാളെ ഗീത മോട്ടോഴ്സിന് TP ഓടാൻ ആരാ പോകുന്നെ. ”
“അയ്യോ കുഞ്ഞേ ഞാനത് മറന്നു.. ആരേം തീരുമാനിച്ചില്ല, കുഞ്ഞു വിളിച്ചത് കാര്യമായി, മണികണ്ഠൻ നാളെ root ചോദിച്ചരുന്നു, അവനെ വിടാം ”
“വേണ്ട.. ഷാജിക്ക പോട്ടെ.. വണ്ടി ടാറ്റാ ബെൻസ് അഹ്, നല്ല എണ്ണ കൂടിയ.. മണികണ്ഠൻ പോയാൽ പിന്നെ എണ്ണ കാശ് കൂടി കിട്ടില്ല. ഇക്കയാകുമ്പോൾ മയത്തിലോടിച്ചോളും, “