കുറ്റബോധം 16 [Ajeesh] [Climax]

” നിനക്ക് ഇവിടെ എന്തെങ്കിലും ബുദ്ധിമുട്ട് ഉണ്ടെങ്കിൽ തുറന്ന് പറയണം… ”
പറയാതെ എങ്ങനാ ഞാൻ അറിയാ… ”
രേഷ്മക്ക് ഹൃദയമിടിപ്പ് കൂടി…
പറയണം എല്ലാം പറയണം
ഇദ്ദേഹം എന്റെ ഭർത്താവാണ്….
ഇപ്പോൾ തന്നെ പറഞ്ഞാലോ… എല്ലാം തുറന്ന് പറയുന്നതല്ലേ ഏറ്റവും നല്ലത്…
അവളുടെ മനസ്സ് സത്യം വെളിപ്പെടുത്താൻ വെമ്പി…
നെറ്റിത്തടം വിയർത്തു കുളിച്ചു…
ചുണ്ടുകളും കവിളുകളും ചുവന്ന് തുടുത്തു… ”
വേവലാതി ആ മുഖത്ത് പ്രകടമായിരുന്നു…
ആന്സിയുടെ വാക്കുകൾ അവളുടെ മനസ്സിൽ ഒരു വിലങ്ങുതടി ആയി നിന്നു…
” നിന്നെ പടിയടച്ചു പിണ്ഡം വാക്കുന്ന ദിവസം ഓർത്ത് വക്കുന്നത് നല്ലതാ… ”
വേണ്ട… പിന്തിരിയാം…
എനിക്കെന്താണ് ഭഗവാനെ ഒരു നിലപാട് എടുക്കാൻ പറ്റാത്തത്…
” എന്തായാലും തുറന്ന് പറയുക തന്നെ…
സജീഷ് അവളെ തന്നെ നോക്കി ഇരിക്കുകയാണ്…
” എന്തുപറ്റി നിനക്ക്… പനിയുണ്ടോ??? ”
അവൻ രേഷ്മയുടെ നെറ്റിയിലും കഴുത്തിലും കൈ വച്ചു നോക്കി..
” ചൂടൊന്നും ഇല്ലല്ലോ ”
രേഷ്മ മനസ്സിൽ ദൈവങ്ങളെ വിളിച്ച്
സജീഷിന്റെ കൈകൾ പിടിച്ചു…
” ഏട്ടാ ഞാൻ… ”
പെട്ടെന്ന് സജീഷിന്റെ ഫോൺ ബെൽ അടിച്ചു…
അവൻ ഒരു നിമിഷം രേഷ്മയെ നോക്കി പിന്നെ ഫോണിന്റെ അടുത്തേക്ക് ചെന്ന് എടുത്തു നോക്കി..
ഗിരിയാണ്…
” എന്താടാ…
രേഷ്മ സജീഷിനെ തന്നെ നോക്കി നിന്നു…
” അയ്യോ ആ പെണ്ണിന് ഇത് എന്തിന്റെ കേടാ… ”
നീ ഒറ്റക്ക് ഇറങ്ങണ്ട… ഞാനും വരാം… ”
പരിഭ്രാന്തി പരത്തിക്കൊണ്ട് സജീഷ് ഫോൺ വച്ചു…
” എന്താ… ”
“ഞാൻ ഇപ്പൊ വരാം നീയും അമ്മയും വാതിൽ അടച്ചു കെടന്നോ… ”
സജീഷ് മുറിക്ക് പുറത്തേക്ക് ഇറങ്ങി…
രേഷ്മ പിന്നാലെ ചെന്നു…
” കാര്യം പറ സജീഷേട്ടാ…
എന്നിട്ട് പോ… ”
അവൾ കൈ പിടിച്ചു നിർത്തി…
‘അമ്മ അടുക്കളയിൽ നിന്ന് ഉമ്മറത്തേക്ക് വന്നു…
” അയ്യോ പേടിക്കൊന്നും വേണ്ട… ”
ആ..
അവൻ പറയാൻ ഒന്ന് മടിച്ചു…
അപ്പോഴേക്കും അമ്മ ഓടി വന്നു…
” എന്താടാ … “