Posted by ആരും അവന്റെ അടുത്തേക്ക് പോയില്ല…
സമാധാനിപ്പിക്കാൻ ഒരു വാക്ക് പോലും പറഞ്ഞില്ല….
” ആണുങ്ങൾ അല്ലെ… സഹിക്കണം… കരയാൻ പാടില്ല.. ”
സോഫി മകനെയും കൂട്ടി വന്നു…
രേഷ്മയുടെ അച്ഛനും അമ്മയും വിവരം അറിഞ്ഞത് വൈകി ആണ്…
എങ്കിലും ഏകദേശം നാല് മണിക്കൂർ പിന്നിട്ടപ്പോഴേക്കും അവരും എത്തി…
നിലവിളികളുടെയും വൻ പുരുഷാരത്തിന്റെയും അകമ്പടിയോടെ ആ സ്ത്രീ ഭൂമിയോട് വിടപറഞ്ഞു പോയി…
” അമ്മയെ ഐവർ മഠത്തിൽ ആണ് കൊണ്ടു പോയി ചടങ്ങുകൾ ചെയ്തത്… ”
അങ്ങനെ ഒരു മോഹം അമ്മക്ക് ഉണ്ടായിരുന്നു എന്ന് സജീഷ് ഓർത്തെടുത്തു…
നേരം സന്ധ്യയായി
” പതിയെ ആളുകൾ പോയി ത്തുടങ്ങി…
അവരവരുടെ തിരക്കുകളിലേക്ക്…
അവസാനം ആ വീട്ടിൽ അവനും അവളും മാത്രം…
രാത്രി ഇരുട്ടാൻ തുടങ്ങി…
” ഏട്ടാ ….
ചോറ് എടുത്ത് വച്ചിട്ടുണ്ട്… “” എനിക്ക് വേണ്ട… ”
” നീ കഴിച്ചു കിടന്നോ… ”
കട്ടിലിൽ ചാരി കിടന്ന് അവൻ പറഞ്ഞു… ”
അവൾ നിർബന്ധിക്കാൻ നിന്നില്ല…
അടുക്കളയിൽ ചെന്ന് ചോറ് വെള്ളത്തിൽ ഇട്ട് അവൾ തിരിച്ചു വന്നു…
” നിനക്ക് കഴിക്കായിരുന്നില്ലേ ?? ”
സജീഷിന്റെ അടുത്ത് വന്ന് തോളിൽ ചാരി കിടന്ന രേഷ്മയോട് അവൻ ചോദിച്ചു…
” കഴിക്കാൻ തോന്നുന്നില്ല… ”
” ഏട്ടന് കഴിക്കായിരുന്നു… ”
ഉച്ചക്കും ഒന്നും കഴിച്ചില്ലല്ലോ… ”
അവൾ വിഷമം പ്രകടിപ്പിച്ചു…
” സജീഷ് തന്റെ ഭാര്യയെ ചേർത്ത് പിടിച്ചു… ”
” പണ്ട് അച്ഛൻ മരിച്ച സമയത്ത് ഞങ്ങൾ വീട്ടിൽ കഞ്ഞി ആണ് കുടിക്കാറ്… ”
എനിക്ക് സ്കൂളിൽ പോണ്ട കാരണം ഞാൻ നേരത്തെ കഴിക്കും…
എന്നിട്ട് ഞാൻ പോവുമ്പോ ആണ് ‘അമ്മ കഴിക്കല്…
ഒരു ദിവസം ഞാൻ എന്തോ മറന്നിട്ട് തിരിച്ചു വന്നപ്പോൾ ‘അമ്മ ഇവിടെ ചോറുണ്ണാൻ ഇരിക്കാ.. ”
” ഇവിടെ ഈ അകത്ത് !!! ”
അന്ന് ഈ മേശ ഇവിടെ ഇല്ല…
‘അമ്മ നിലത്ത് ആയിരുന്നു ഇരുന്നിരുന്നത്…
കിണ്ണത്തിലേക്ക് നോക്കിയാ കഴുക്കോല് കാണാം… ”
കഞ്ഞിവെള്ളം മാത്രേ ഉള്ളൂ… ”
മുഖത്ത് ചിരി ഉണ്ടെങ്കിലും അവന്റെ കണ്ണ് നിറഞ്ഞൊഴുകിയിരുന്നു…
” എനിക്ക് വിശക്കണില്ല ടി… ”