Posted by ഞാൻ റോസ്‌മോളെ കൊഞ്ചിക്കുന്നത് നോക്കി അഞ്ജു ചിരിയോടെ പറഞ്ഞു .
“പോടീ..”
അഞ്ജുവിന്റെ ഡയലോഗ് കേട്ട് മഞ്ജുസ് ചിരിച്ചു .
“പോടീ ഒന്നും അല്ല ..ചേച്ചിക്ക് ദേഷ്യം വന്ന പിള്ളേരെ ഒക്കെ വെറുതെ അടിക്കും . കഷ്ടം ഉണ്ട് ”
അഞ്ജു ആരോടെന്നില്ലാതെ പറഞ്ഞു .
“അത് സാരല്യടി അവൾടെ മക്കൾ അല്ലെ ..”
അഞ്ജുവിന്റെ സംസാരം കേട്ട് എന്റെ മാതാശ്രീ ഇടപെട്ടു മഞ്ജുസിന്റെ പക്ഷം പിടിച്ചു .
“എന്നാലും പാവം അല്ലെ ..അവരെന്തു പിഴച്ചു ..അന്നത്തെ കാര്യം ഞാൻ കണ്ണേട്ടനോട് പറയണം എന്ന് വിചാരിച്ചതാ ..”
മഞ്ജുസിനെ നോക്കി കണ്ണുരുട്ടികൊണ്ട് അഞ്ജു എന്നെ നോക്കി .
“അതെന്തു കാര്യം ? ”
ഞാൻ അവരെ മാറി മാറി നോക്കി .
“ചുമ്മാ ..ചേച്ചി ..റോസ്‌മോളെ വെറുതെ അടിച്ചു ”
അഞ്ജു പയ്യെ പറഞ്ഞതും അടുത്ത് നിന്ന മഞ്ജുസ് അവളുടെ കയ്യിലൊന്നു നുള്ളി .
“മഞ്ജുസേ നിന്റെ പേരിലിപ്പോ കൊറേ കംപ്ലയിന്റ് ആയിട്ടോ ..”
ഞാൻ ചിരിയോടെ അവളെ നോക്കി .
“ഇതങ്ങനെ ഒന്നുമല്ല കണ്ണേട്ടാ ..എന്നോടുള്ള ദേഷ്യം റോസ്‌മോളോട് തീർത്തതാ. അതിന്റെ പേരിൽ ഞാനും കൊറേ പറഞ്ഞു ..”
അഞ്ജു സ്വല്പം നീരസത്തോടെ തന്നെ പറഞ്ഞു .
സംഗതി എന്തോ നിസാര സംഭവം ആയിരുന്നു . അഞ്ജുവിനെ എന്തോ ആവശ്യത്തിന് മഞ്ജുസ് വിളിച്ചപ്പോ അവള് ചെന്നില്ല . ആ സമയത്തു റോസ്‌മോളെ കളിപ്പിച്ചുകൊണ്ട് അവള് ഉമ്മറത്തായിരുന്നു . ആ ദേഷ്യത്തില് മഞ്ജുസ് ഉറഞ്ഞുതുള്ളികൊണ്ട് ഉമ്മറത്തേക്ക് ചെന്നു അഞ്ജുവുമായി കയർത്തു .
പിന്നെ റോസ്‌മോളെ ബലമായി അവളുടെ മടിയിൽ നിന്നും പിടിച്ചു വാങ്ങി . പക്ഷെ റോസ്‌മോൾക്ക് അഞ്ജുവിനോട് നല്ല സഹകരണം ആയതുകൊണ്ട് പെണ്ണ് ഒന്ന് ബലം പിടിച്ചു . അതോടെ അഞ്ജുവും മഞ്ജുസും കൂടി റോസ് മോൾക്ക് വേണ്ടി പിടിവലി ആയി .
“ഹാഹ് ഇങ്ങു താ ച്ചേച്ചി ..അതിവിടെ ഇരുന്നോട്ടെ ”
റോസ്‌മോളുടെ കരച്ചില് കണ്ടു അഞ്ജു വിഷമത്തോടെ പറഞ്ഞു .
“വേണ്ട ..അവളെ നോക്കാൻ എനിക്കറിയാം..നിന്റെ സഹായം ഒന്നും വേണ്ട ..”
മഞ്ജുസ് അപ്പോഴത്തെ ദേഷ്യത്തിൽ കടുപ്പിച്ചു പറഞ്ഞു .
പിന്നെ വരാൻ മടിച്ചു നിൽക്കുന്ന റോസ്‌മോളുടെ തുടയിൽ അഞ്ജുവിനോടുള്ള ദേഷ്യം തീർക്കുംപോലെ ഒരു പെട അങ്ങ് കൊടുത്തു .
“മിണ്ടാതിരിക്കെടി അവിടെ …”