Posted by “അത് ചേച്ചി ശരിയല്ലാഞ്ഞിട്ടാ..നാലെണ്ണം തിരിച്ചു പറഞ്ഞാൽ കണ്ണേട്ടന്റെ ഡയലോഗടി ഒക്കെ നിക്കും ”
ഇത്തവണ പക്ഷം പിടിച്ച മഞ്ജുസിനും അവളൊന്നു താങ്ങി .
അതുകേട്ടു ഞാൻ മഞ്ജുസിന്റെ ചമ്മിയ മോന്തയിലേക്ക് ഒന്ന് നോക്കി .
“ആഹ് ..ഇപ്പൊ എന്റെ നെഞ്ചത്തേക്കായോ?”
മഞ്ജുസ് അവളുടെ മറുപടി കേട്ട് ചിരിച്ചു .
“എടി നിനക്കറിയാഞ്ഞിട്ടാ അഞ്ജു ..മായേച്ചിയോടു ചോദിച്ചു നോക്ക് ..ഡയലോഗ് അടിക്കാൻ മഞ്ജുസിനെ കഴിഞ്ഞിട്ടേ ആ കോളേജിൽ ആളുള്ളൂ ..എന്നെയൊക്കെ എത്ര പൊരിച്ചിട്ടിട്ടുണ്ട് ”
ഞാൻ മഞ്ജുസിനെ നോക്കി കണ്ണിറുക്കികൊണ്ട് അഞ്ജുവിനോടായി പറഞ്ഞു. എന്റെ മാതാശ്രീയും അതുകേട്ടപ്പോഴൊന്നു പുഞ്ചിരിച്ചു .
“ദേ കവി..മതി മതി…ഓവർ ആക്കണ്ട..നീ പോകുന്ന കാര്യം പറ ”
ഞാൻ പറഞ്ഞത് കേട്ട് മഞ്ജുസ് വേഗം ഇടയിൽ കയറി .
“ഓ..അതിപ്പോ എന്താ പറയാൻ ..അവള് പോരുന്നെങ്കി പോന്നോട്ടെ . താലപ്പൊലി എടുത്തു കൊണ്ടുപോകാൻ ഒന്നും എനിക്ക് പറ്റില്ല ..”
ഞാൻ അഞ്ജുവിനെ നോക്കി സ്വല്പം വെയ്റ്റ് ഇട്ടു .
“ആഹ്..അവള് വന്നോളും ..നീ പറഞ്ഞു പറഞ്ഞു അത് മുടക്കാതിരുന്നാൽ മതി..”
മഞ്ജുസ് ഇത്തവണ അഞ്ജുവിനു സപ്പോർട്ട് ആയി വന്നു .
“ഹാഹ് നീയെന്താ മഞ്ജുസേ ഈ പറയണേ ..ഞാൻ എന്ത് പറഞ്ഞു ന്നാ ഈ പറയണേ ? അവള് വന്നോട്ടെന്നെ ..ഇനിയിപ്പോ ഇവൾക്ക് [അഞ്ജുവിനെ നോക്കി ] വിമാനത്തിൽ കേറണോ ? നമുക്ക് കയറ്റിവിടാം ..”
ഞാൻ മഞ്ജുസിനെ നോക്കി ചിരിച്ചു .
“അതേയ് കൂടുതൽ ഡയലോഗ് ഒന്നും വേണ്ട , എനിക്ക് നാളെ അങ്ങനെ തോന്നിയാൽ ഞാൻ വരും..അത്ര തന്നെ. ഇനിയിതിനെ പിടിച്ചേ ..സ്വന്തം മോളല്ലേ ”
അഞ്ജു എന്റെ സംസാരം കേട്ട് ദേഷ്യംപിടിച്ചു എഴുനേറ്റു . പിന്നെ പാതിമയങ്ങിയ റോസിമോളെ എന്റെ മടിയിലേക്ക് വെച്ച് തന്നു .
“ഡീ ഡി പതുക്കെ അത് ഉണരും …”
അഞ്ജുവിന്റെ അൺലോഡിങ് കണ്ടു മഞ്ജുസ് പയ്യെ പറഞ്ഞു .
“ഓഹ്”
അഞ്ജു ദേഷ്യത്തോടെ മൂളികൊണ്ട് റോസിമോളെ എന്റെ മടിയിലേക്ക് വെച്ചു. അതോടെ ഞാൻ പെണ്ണിനെ എന്റെ നെഞ്ചോടു ചേർത്തുകൊണ്ട് കെട്ടിപിടിച്ചു . എന്റെ ഗന്ധവും ചൂടും അറിഞ്ഞിട്ടോ എന്തോ റോസീമോൾ പെട്ടെന്ന് ചിണുങ്ങിക്കൊണ്ട് പയ്യെ “ചാ ച്ചാ” എന്ന് കുറുകി .
“പൊന്നൂസേ..ചാച്ചടെ പൊന്നൂസ് ഉറങ്ങിയോടി ..”
ഞാൻ പെണ്ണിനെ എന്റെ നെഞ്ചിലേക്ക് അമർത്തികൊണ്ട് ചിണുങ്ങി . അഞ്ജുവും മഞ്ജുസും എന്റെ അമ്മയുമെല്ലാം ആ കാഴ്ച കൗതുകത്തോടെ നോക്കിനിൽപ്പുണ്ട് .
എന്റെ ശബ്ദം കേട്ടതും പാതിമയങ്ങിയ പെണ്ണ് പയ്യെ കണ്ണുതുറന്നുകൊണ്ട് ചിരിച്ചു .
“ചാ ചാ …”