Posted by ഒടുക്കം മഞ്ജുസ് എന്നെ നോക്കി കണ്ണിറുക്കി ചിണുങ്ങി .
“എന്ന സോറി പറ ..”
ഞാൻ വല്യ ഗമയിൽ അവളെ നോക്കി .
“അഹ് ..പറയാം നീ വിട്..”
മഞ്ജുസ് ചിണുങ്ങിക്കൊണ്ട് എന്നെ നോക്കി .
അതോടെ ഞാൻ അവളുടെ ചന്തിയില് പിടിവിട്ടു മാറി. പക്ഷെ ഞൊടിയിട കൊണ്ട് അവളെന്നെ ഉന്തി തള്ളി ആ മണല്പരപ്പിലേക്ക് മറിച്ചിട്ടു . അത് സ്വപ്നത്തിൽ പോലും പ്രതീക്ഷിക്കാത്തതുകൊണ്ട് ഞാൻ വാ പൊളിച്ചു കൊണ്ട് പിന്നാക്കം മലച്ചു !
“ഏയ് ..ഡി ഡി ..”
ഞാൻ പറഞ്ഞതും മണലിൽ പതിച്ചതും ഒപ്പം ആയിരുന്നു .
“ഹി ഹി ..പോടാ..സോറി എന്റെ പട്ടി പറയും ..”
വീണു കിടക്കുന്ന എന്നെ നോക്കി മഞ്ജുസ് ചിരിയോടെ പറഞ്ഞു .
ഞങ്ങളുടെ ആ സീനും , എന്റെ വീഴ്ചയും ഒകെ ബീച്ചിലെ ചെയറുകളിൽ ഇരുന്ന ചിലരും പൊട്ടിച്ചിരിയുടെ നോക്കി കാണുന്നുണ്ട് . അതോടെ എനിക്കും ചെറിയ നാണക്കേട് തോന്നി .
“നിന്നെ കാണിച്ചു തരാടി മിസ്സെ”
ചുറ്റുമൊന്നു ജാള്യതയോടെ നോക്കി നിലത്തു കിടന്നുകൊണ്ട് തന്നെ ഞാൻ പറഞ്ഞു . പിന്നെ കൈകുത്തികൊണ്ട് ചാടി എഴുനേറ്റു . അതുകണ്ടതും മഞ്ജുസ് പിന്നാക്കം മാറി ആ പൂഴി മണലിലൂടെ എങ്ങോട്ടോ ഓടി .
“ഡീ നിൽക്കെടി മഞ്ജുസേ ..”
അവളുടെ ബാഗും തൂക്കിയുള്ള പിള്ളേരെ പോലുള്ള ഓട്ടം കണ്ടു ഞാൻ ഉറക്കെ വിളിച്ചു പിന്നാലെ ഓടി . ചിലർ അതൊക്കെ കണ്ടു രസിക്കുന്നുണ്ട് .
“ഹി ഹി…പോടാ ..എന്നെ കിട്ടൂല ..”
എന്നെ തിരിഞ്ഞു നോക്കാതെ തന്നെ ഉറക്കെ പറഞ്ഞു മഞ്ജുസ് കണ്ടൽ ചെടികൾക്കിടയിലൂടെ എങ്ങോട്ടോ ഓടി മറിഞ്ഞു . അങ്ങനെ വിടാൻ പറ്റില്ലല്ലോ എന്ന ഭാവത്തിൽ ഞാനും ഷോർട് കട്ട് പിടിച്ചു പിറകെ ഓടി .
ഒടുക്കം എങ്ങനെയോ അവളെന്റെ മുൻപിൽ തന്നെ ഓടി കിതച്ചുകൊണ്ട് വന്നു പെട്ടു . എന്നെക്കണ്ടതും കഷി സ്വിച്ച് ഇട്ടപോലെ നിന്നു കിതച്ചു .അവളുടെ മാറിടം ഉയർന്നു താവുന്നത് ഞാൻ കള്ളച്ചിരിയോടെ നോക്കി രസിച്ചു !
“ഓ…ചതി ”
മഞ്ജുസ് എന്നെ കണ്ടതും ചിരിയോടെ പറഞ്ഞു കിതച്ചു .
“എവിടെ പോണു ? നീ എന്നെ തള്ളിയിടാനൊക്കെ ആയല്ലേ ?”
ഞാൻ ചെറിയ കിതപ്പോടെ ശ്വാസമെടുത്തു അവളെ നോക്കി ചിരിച്ചു .പിന്നെ അവൾക്കു നേരെ രണ്ടു ചുവടു വെച്ചു .
“കവി..പ്ലീസ് എനിക്കിനീ ഓടാൻ വയ്യ ഡാ ..”
മഞ്ജുസ് എന്നെ നോക്കി കൊഞ്ചി രണ്ടു ചുവടു പിന്നോട്ട് നടന്നു .
“ആണോ..?’”
ഞാൻ അവളെ നോക്കി ചിരിച്ചു .
“കവി…മോനെ പ്ലീസ് …ഒന്ന് ക്ഷമിക്കേടാ ..”
മഞ്ജുസ് വീണ്ടും ചിണുങ്ങിക്കൊണ്ട് പിന്നാക്കം നടന്നു .
“ഇല്ല മോളെ..പറ്റില്ല..”
ഞാൻ കട്ടായം പറഞ്ഞു നിലത്തേക്കൊന്നു കുനിഞ്ഞു . പിന്നെ സ്വല്പം പൂഴി മണല് നിലത്തു നിന്നും വാരിയെടുത്ത് മഞ്ജുസിനെ നോക്കി .