Posted by “സ്സ്….”
എന്റെ ചുംബനമേറ്റതും മഞ്ജുസ് ഒന്ന് പിടഞ്ഞു .
“നിനക്ക് തിരക്കുണ്ടോ ?”
ഞാൻ അവളുടെ കഴുത്തിൽ നിന്നും മുഖം ഉയർത്തി ചോദിച്ചു .
“എന്താ ഇപ്പൊ അങ്ങനെ ഒകെ ചോദിയ്ക്കാൻ ?”
മഞ്ജുസെന്നെ കൗതുകത്തോടെ നോക്കി .
“ഏയ് ..ചില കാര്യങ്ങളൊക്കെ പറയാൻ ഉണ്ട്.. അതോണ്ട് ചോയ്ച്ചതാ ”
ഞാൻ ചിരിയോടെ പറഞ്ഞു .
“എന്നെ പറഞ്ഞോ ..എന്റെ അടുത്തു എന്തിനാടാ ഈ മുഖവുരയൊക്കെ ?”
മഞ്ജുസ് ചിണുങ്ങിക്കൊണ്ട് എന്റെ കവിളിൽ ചുംബിച്ചു .
“മ്മ്…ഞാൻ നിന്റെ മൂഡ് ഒകെ സെറ്റായിട്ട് ചോദിക്കാലോ ന്നു വെച്ച് വൈറ്റ് ചെയ്യുവായിരുന്നു .”
ഞാൻ പയ്യെ പറഞ്ഞു നിർത്തി അവളെ ഉറ്റുനോക്കി .
“പറഞ്ഞോ ..ഞാനിപ്പോ ഓക്കേ ആണ്..”
മഞ്ജുസ് ചിരിച്ചു .
“പറയാനല്ലെടി മഞ്ജുസേ..എനിക്ക് അറിയാനാ ഉള്ളത് . നമ്മുടെ വഴക്ക് നടക്കുമ്പോൾ നിന്റെ ഫീൽ എങ്ങനെ ആയിരുന്നു ?”
ഞാൻ അറിയാനുള്ള കൗതുകമോർത്തു പയ്യെ തിരക്കി .
“ഓഹ്‌..അതോ ..അതൊക്കെ ഇനി എന്തിനാ കവി പറയണേ ..?
ഞാൻ ചോദ്യമെറിഞ്ഞതും മഞ്ജുസ് ഒന്ന് മുഖം വാടിക്കൊണ്ട് ചോദിച്ചു .
“ചുമ്മാ നീ പറ ..ഞാൻ ആകെ ഡെസ്പ്പ് ആയിരുന്നു . നീ വിളിച്ചാലും എടുക്കില്ല , എടുത്താൽ തന്നെ ഒരുമാതിരി സംസാരവും . ശരിക്കു നിന്റെ മോന്ത അടിച്ചു പൊട്ടിക്കാനാ തോന്നീത് ..”
ഞാൻ അവളെ എന്നിലേക്ക് ചേർത്തമർത്തി പല്ലിറുമ്മി .
“മ്മ്….”
മഞ്ജുസ് വിഷമത്തോടെ മൂളി .
“ഇപ്പൊ സോൾവ് ആകും , നീയിപ്പോ വിളിക്കും എന്നൊക്കെ വിചാരിച്ചു ഞാൻ ഇങ്ങനെ ഇരിക്കും ..എവടെ ”
ഞാൻ ആരോടെന്നില്ലാതെ പറഞ്ഞു അവളുടെ വലതുകൈയിൽ എന്റെ വിരൽ കോർത്തു.
“എനിക്കറിഞ്ഞൂടെടാ ..അപ്പൊ എനിക്ക് വേറൊരു മൂഡ് ആയിരുന്നു . നീ വിഷമിക്കും എന്നൊന്നും ഞാൻ അപ്പോൾ ഓർത്തില്ല. ആ സമയത്തു എനിക്കൊരുമാതിരി കലി ആയിരുന്നു . ഞാൻ അൽമോസ്റ്റ് ഒരു മണിക്കൂർ വിളിച്ചിട്ടും നീ എടുക്കാഞ്ഞപ്പോ എനിക്ക് ശരിക്കും ദേഷ്യം വന്നു ..”
മഞ്ജുസ് ആരോടെന്നില്ലാതെ പറഞ്ഞു എന്റെ തോളിലേക്ക് ചാഞ്ഞു .
“ന്നിട്ട് ?’
ഞാൻ ചിരിയോടെ തിരക്കി .
“എന്നിട്ടെന്താ , നീ റോസ്‌മേരിയെ ആണ് വിളിച്ചതന്നറിഞ്ഞപ്പോ ദേഷ്യം കൂടി . അവളെ മനസിൽ കൊറേ തെറിയും പറഞ്ഞു ”
മഞ്ജുസ് പയ്യെ ചിരിച്ചുകൊണ്ട് പറഞ്ഞു .
“ഹി ഹി..പാവം റോസമ്മ..അവളെന്തു പിഴച്ചെടി ? നീ വിചാരിക്കണ പോലെ ഞങ്ങള് കിന്നാരം പറയുവൊന്നും അല്ലാരുന്നു ”
ഞാൻ അവളുടെ പുറത്തു തഴുകികൊണ്ട് ഗൗരവത്തിൽ പറഞ്ഞു .