Posted by റോസമ്മ എന്റെ കയ്യിൽ പിടിച്ചു കുലുക്കി എന്നെ ഉറ്റുനോക്കി .
“എടി..റോസമ്മോ നീയെന്താ ഈ പറയണേ …”
ഞാൻ അവളെ വിശ്വാസം വരാതെ നോക്കി കണ്ണുമിഴിച്ചു .
“ഒന്ന് പറയാരുന്നില്ലേ ഡാ കവി ..”
പെട്ടെന്ന് റോസമ്മ സ്വരം താഴ്ത്തി ഇടർച്ചയോടെ പറഞ്ഞു ചിണുങ്ങി . അതോടൊപ്പം ആ കണ്ണുകളും നിറയാൻ തുടങ്ങി .
ഞാനതെല്ലാം സത്യമാണോ മിഥ്യയാണോ എന്നറിയാതെ അന്തം വിട്ടു നോക്കി . ദൈവമേ അപ്പൊ ഇവൾക്കെന്നോട് !
“റോസേ…നീ ”
ഞാൻ അവളെ പയ്യെ വിളിച്ചു .
“അതേടാ..എനിക്ക് നിന്നെ വല്യ ഇഷ്ടായിരുന്നു . നീയെന്നെങ്കിലുമെന്നെ ഇഷ്ടമാണെന്നു പറയും എന്നൊക്കെ ഞാനും കുറെ ഓർത്തിട്ടുണ്ട്…”
റോസമ്മ ചെറിയൊരു പുഞ്ചിരിയോടെ കണ്ണ് തുടച്ചു .
ഞാനതൊന്നും വിശ്വസിക്കാനാകാതെ കണ്ണുമിഴിച്ചിരുന്നു . ഒരിക്കൽ പോലും അവളെ പ്രൊപ്പോസ് ചെയ്യാൻ എനിക്ക് ധൈര്യം വന്നിട്ടില്ല എന്നത് സത്യം ആണ് .ഉള്ളിലെവിടെയോ അവളോട് ഒരു ഇത് ഉണ്ടായിരുന്നെങ്കിലും റോസമ്മ അതെങ്ങനെ എടുക്കും എന്ന ചിന്ത ആയിരുന്നു എനിക്ക് .
“സത്യമാടാ ..ശരിക്കും നിന്നെ ഞാൻ വല്ലാണ്ടെ സ്നേഹിച്ചിരുന്നു . പക്ഷെ …”
റോസമ്മ ഒന്ന് പറഞ്ഞു നിർത്തി .
“എന്താ ഒരു പക്ഷെ ..നിനക്കെന്നോട് പറയാരുന്നില്ലേ . മഞ്ജുസിനെ കാണും മുൻപേ തന്നെ എന്നെ നിനക്കും നിനക്കെന്നെയും അറിയാവുന്നതല്ലേ..?”
ഇത്തവണ എനിക്കും ചെറിയൊരു ദേഷ്യം തോന്നി . ഒരുപക്ഷെ ഉള്ളിലെ പ്രേമം ഇപ്പോഴും അവിടെ കിടക്കുന്നതുകൊണ്ടാകും !
“ഞാനെങ്ങനെ പറയുമെടാ കവി . എന്തൊക്കെ പറഞ്ഞാലും ഞാനൊരു പോക്ക് കേസ് അല്ലെ. ഞാൻ കേറി വല്ലോം പറഞ്ഞാൽ നീയെങ്ങനെ റിയാക്റ്റ് ചെയ്യുമെന്നെനിക്കറിയില്ലല്ലോ ? പോരാത്തേന് നസ്രാണിയും ”
റോസമ്മ ചെറിയൊരു നഷ്ടബോധത്തോടെ പറഞ്ഞു നിർത്തി .
“പോടീ പുല്ലേ ..പോക്ക് കേസ് ആണത്രേ ..ഇനി അങ്ങനെ വല്ലോം പറഞ്ഞാൽ ഞാനൊറ്റ കുത്തങ്ങു തരും ..”
ഇത്തവണ ഞാൻ വോളിയം കുറച്ചു കൂട്ടി അവളെ നോക്കി പല്ലിറുമ്മിയാണ് പറഞ്ഞത് .
“എടി പുല്ലേ..എനിക്ക് നിന്നെ എന്തിഷ്ടയിരുന്നെന്നു അറിയോ ? മഞ്ജുസിനെ കാണും വരെ ഞാൻ നിന്നെ കുറെ മനസ്സിലിട്ടു നടന്നതാ .എന്നെങ്കിലും നീ പറഞ്ഞിരുന്നേൽ ഇപ്പൊ മഞ്ജുസിന്റെ സ്ഥാനത്തു നീയിവിടെ ഇരുന്നേനെ ”
ഞാൻ അവളോടുള്ള ദേഷ്യത്തിൽ എന്തൊക്കെയോ പറഞ്ഞു .
ആദ്യ പ്രണയം എന്ന് പറയുന്നത് ഒരു വല്ലാത്ത ഫീൽ ആണല്ലോ . എന്റെ കാര്യത്തിൽ അത് അങ്ങോട്ടുമിങ്ങോട്ടും അറിയാതെ പോയ ആയിരകണക്കിന് കേസുകളിൽ ഒന്ന് മാത്രം !
“അപ്പൊ നീയോ ? നിനക്കെന്നോടും പറയാരുന്നു ”
റോസമ്മ നിരാശയോടെ പറഞ്ഞു മുഖം കുനിച്ചു .