Posted by “നിർത്തണ്ടാ കേറ്റിക്കൊ..”
അവളുടെ നോട്ടം കണ്ടതും ഞാൻ തീറ്റ കുറക്കണ്ട എന്ന് അർഥം വെച്ച് തന്നെ പറഞ്ഞു .
“പോടാ ..”
ഞാൻ പറഞ്ഞതിന് മറുപടി ആയി മഞ്ജുസ് പയ്യെ പറഞ്ഞു ചിരിച്ചു . പിന്നെ വീണ്ടും കഴിപ്പ് തുടങ്ങി . ആ സമയത്താണ് അഞ്ജു പോയ വഴിയേ തിരികെ കയറി വന്നത് ! ഉമ്മറ വാതിൽ ചാരിയിരുന്നത് പയ്യെ തള്ളി തുറന്നുകൊണ്ട് അവൾ ഹാളിലേക്ക് കയറി .
ആ സമയം ഞാനും മഞ്ജുവും എന്തൊക്കെയോ കിന്നാരം പറഞ്ഞിരിക്കുകയായിരുന്നു . പെട്ടെന്ന് വാതിൽ തുറക്കുന്ന ശബ്ദം കേട്ടതും ഞങ്ങളുടെ നോട്ടം അങ്ങോട്ടേക്ക് മാറി ! പോയ വേഷത്തിൽ ബാഗും തൂകി അഞ്ജു അതാ നിൽക്കുന്നു ! അവളെ കണ്ടതും ഞാനും മഞ്ജുവും ഒന്ന് മുഖാമുഖം നോക്കി . ദൈവമേ നല്ലൊരു ദിവസം ഈ പെണ്ണ് കയറി വന്നു കുളമാക്കുമോ ? അവൾ ഉണ്ടെങ്കിലും പ്രെശ്നം ഒന്നുമില്ല . പക്ഷെ ഞങ്ങൾ മുകളിൽ കയറി അടയിരിക്കുന്നതും , ചെറിയ ഒച്ചപ്പാടും ഒകെ കേട്ടാൽ അവൾക്കു എല്ലാം മനസിലാകും . ത്തിന്റെ ഒരു നാണക്കേട് മാത്രമേ ഉള്ളു !
“ഇതെന്തു പറ്റിയെടി നിനക്കിന്നു ക്‌ളാസ് ഇല്ലേ ?”
അഞ്ജുവിനെ കണ്ടതും ഞാൻ പെട്ടെന്ന് തലയൊന്നു കുടഞ്ഞുകൊണ്ട് തിരക്കി .
അപ്പോഴേക്കും അവളൊരു പുഞ്ചിരിയോടെ ബാഗ് സോഫയിലേക്ക് എടുത്തിട്ട് ഞങ്ങളെ നോക്കി .
“ഇല്ല മോനെ ..ആരുടെ ഭാഗ്യത്തിനാണെന്നറിയില്ല , പാതി വഴിയേ വെച്ച് തന്നെ ഒരുത്തി വിളിച്ചു പറഞ്ഞു , ഇന്ന് എന്തോ സ്ട്രൈക്ക് ആണെന്ന് . ”
അഞ്ജു ഒറ്റ ശ്വാസത്തിൽ സ്വല്പം സന്തോഷത്തോടെ വീണുകിട്ടിയ ലീവിന്റെ കാര്യം അവതരിപ്പിച്ചു .
“മ്മ്..അടിപൊളി ..”
ഞാൻ സ്വരം ഒന്ന് താഴ്ത്തി മഞ്ജുസിനെ നോക്കി പറഞ്ഞു . അതിന്റെ അർഥം മനസിലായ അവളും ഒന്ന് തലചൊറിഞ്ഞിരുന്നു .
“അല്ല ..ചേച്ചിക്ക് ഇന്ന് ക്‌ളാസ് ഇല്ലേ ? ഇതെന്താ ഈ വേഷത്തില് ? ഇന്ന് പോണില്ലേ? ”
അഞ്ജു പെട്ടെന്ന് മഞ്ജുസിന്റെ നൈറ്റി ലോക്ക് കണ്ടു സംശയത്തോടെ ചോദിച്ചു . മഞ്ജു ലീവ് ആയ കാര്യം അമ്മയോട് പറഞ്ഞിരുന്നെങ്കിലും അഞ്ജുവിനു അത് അജ്ഞാതമാണ് !
“ഏഹ് ..ഇല്ല..നല്ല സുഖം ഇല്ല.. ഒരു തലവേദന പോലെ..”
മഞ്ജു പെട്ടെന്ന് എന്നെ നോക്കി കണ്ണിറുക്കികൊണ്ട് അഞ്ജുവിനോടായി പറഞ്ഞു .
“ആഹ്…ഇവൻ വന്നതുകൊണ്ടാണോ പെട്ടെന്നൊരു തലവേദന ഒക്കെ ?”
അഞ്ജു അർഥം വെച്ച് തന്നെ ചോദിച്ചു കൊണ്ട് സോഫയിലേക്ക് ചാരി ഇരുന്നു . പിന്നെ തലചെരിച്ചു ഞങ്ങളെ മാറി മാറി നോക്കി .
“എടി എടി ..കൂടുതൽ ഓവർ ആക്കല്ലേ ”
അവളുടെ കോപ്പിലെ ചോദ്യം കേട്ട് ഞാൻ ഇടക്ക് കയറി .
“ഹാഹ്..അതിനു തനിക്കെന്താടോ ? ഞാൻ ഏടത്തിയമ്മയോടല്ലേ ചോദിച്ചേ ?”
അഞ്ജു എന്റെ വാദം തള്ളിക്കൊണ്ട് മഞ്ജുസിനെ നോക്കി .
“ഓഹ് ..അങ്ങനെ ഒന്നും ഇല്ല പെണ്ണെ..ഇനി പറഞ്ഞു പറഞ്ഞു നീയും തലവേദന ആകും . നീ നിന്റെ പണി നോക്കി പോയെ അഞ്ജു ..”
ഞങ്ങളുടെ തർക്കം കണ്ടു മഞ്ജുസിനു ദേഷ്യം വന്നെന്നോണം അവൾ സ്വല്പം കലിപ്പിൽ പറഞ്ഞുകൊണ്ട് എഴുനേറ്റു .
“അയ്യോ ..ഇതെന്തു പറ്റി ? ഞാൻ അതിനൊന്നും പറഞ്ഞില്ലാലോ മഞ്ജു ചേച്ചി !”
മഞ്ജുസിന്റെ ദേഷ്യം കണ്ടു അഞ്ജു അന്തംവിട്ടു .ഞാനുമായിട്ട് വല്ല ഉടക്കും ഉണ്ടായതുകൊണ്ടുള്ള തലവേദന ആണോ എന്നാണ് അഞ്ജു ഉദ്ദേശിച്ചതെങ്കിലും മഞ്ജുസിനു അതത്ര പിടിച്ചിട്ടില്ല !